Briefwisseling van Hugo Grotius. Deel 11
(1981)–Hugo de Groot–
Auteursrechtelijk beschermd4787. 1640 augustus 18. Aan Willem de GrootGa naar voetnoot1.Frater optime, Quae nova scribis, eadem ex aliis intelligo. Frisiorum consilium mihi non displicet. Quid moliantur Foederati Ordines, non est obscurum. Quod MairiusGa naar voetnoot2 novam molitur editionem Annotatorum de Veritate religionis christianaeGa naar voetnoot3, non improbo neque puto damnum inde sensurum Cramoisiacum, qui sua aut vendidit aut brevi venditurus estGa naar voetnoot4, vel in Gallia sola. Sed eundem Mairium miror tam tenuis esse animi, ut sumtum tam exiguum, quem requirunt nostra ad LucanumGa naar voetnoot5, formidet facere, cum, si qua ei restant exemplaria, ea hoc modo multo futura sint vendibiliora. Quare rogo eum etiamnum interpelles et, si cunctatur, ad me remittas. Ego facile hic typographum invenerim aut meis impensis edam. Idem rogo de poematisGa naar voetnoot6 facias, si nemo | |
eorum est avidus. Annotatorum nostrorum ad EvangeliaGa naar voetnoot7 προσϑήϰην quandam ex Anglicano maxime manuscripto misi antehacGa naar voetnoot8 aut ad te aut ad filium Petrum; qui, si ea suppressit, fecit rem malam. Miror etiam, quis BlaviisGa naar voetnoot9 dederit ἀρχέτυπον ad Evangelia et quis de typis constituerit. Velim enim mea praescripta legem rebus meis ponere. Προσϑήϰην illam eo iterum mitto. CurcelliiGa naar voetnoot10 operam sicut non sperno - quanquam in parvis istis libellis multa video esse errata, plura autem audio esse in editione secunda de AntichristoGa naar voetnoot11 -, ita velim accedat, ut scripsi antehac, posterior recognitio per D. Vossii liberosGa naar voetnoot12, nisi odium inde aliquod sibi metuunt, aut per D. CorvinumGa naar voetnoot13, qui pridem se obtulit et talium apprime est gnarus. Haec rogo diligentissime et quaecumque eo pertinebunt saepe ad me perscribas. De numero exemplarium, nisi tu Amstelodamum iveris, D. Vossius constituat suo arbitratu. Verum τῶν ἀνωνύμωνGa naar voetnoot14 a tanto jam tempore nulla ad me venisse valde miror. Velim et quaedam habere illius ex Anglico versiGa naar voetnoot15. Quid valeat ille Maresius, qui de Antichristo scripturitGa naar voetnoot16, scire cupiam simulque ipsius et MolinaeiGa naar voetnoot17 de hac re opera quando exspectentur. D. HeinsioGa naar voetnoot18 gratum fuisse exemplar, quod misi de Veritate religionis christianae gaudeo. Velim et aliis, quibus distribui volueram. UxorGa naar voetnoot19 ante abitum omnia ibi relinquet loco, ita spero, quam optimo, etiam de filio PetroGa naar voetnoot20, quem rogo in viam rectam reponere nobiscum labores mihique scribas, quanto ei opus existimas quotannis ad vestes et necessitates eiusmodi. Legat interim senatusconsultum MacedonianumGa naar voetnoot21. Indicana Societas cogitabit, an ex usu suo existimetde illa cum Gallis controversiaGa naar voetnoot22 decidere. Ego monere volui, non commendare. In urbem Atrebatum Galli intravere mensis hujus decimo. Praesidium est sex cohortium, sex centuriarum e praetorianis, equites octingenti, praefecto SampreulioGa naar voetnoot23. Arx fabricatur. Vetera privilegia manent et de caetero jus commune cum Francis. Oppidanorum duo tantum exire voluerunt, quorum alter praesesGa naar voetnoot24 fuit. | |
In urbe Taurinorum fames futura creditur sub finem Septembris. Interim a civitate, a principe ThomaGa naar voetnoot25 et ab HarcurtioGa naar voetnoot26 legati ivere ad viduamGa naar voetnoot27 tentaturi pacis perpetuae aut temporariae vias. Neque tamen quiescit LeganesiusGa naar voetnoot28 auctus septem millibus e Neapoli et aliunde. Quid facturus sit videbimus. Tibi obligatissimus frater
| |
Scripsi 18 Augusti 1640.
De ZenoneGa naar voetnoot29 memineris, quaeso, cum aliis remittere, nisi forte reperisti edendi viam. |
|