Briefwisseling van Hugo Grotius. Deel 11

4709. 1640 juni 25. Van Willem de Groot¹.

Frater optime,

Libenter tibi operam meam navabo in edendis tuis litterarum monumentis, ut et hactenus feci, et curabo, ut a quamplurimis legantur, quemadmodum jam fit tribus ἀνωνύμοις²; sunt qui tibi et quartum asserant de Absoluto reprobationis decreto³ eodem hoc tempore apud Blavios⁴ impressum, sed ego alterius ϰόμματος esse arbitror. De libellis, quos desideras, per filium⁵ ad Blavios scribi curavi; nunc quoniam et meam operam desideras, ad ipsas ea de re litteras dedi proxime scripturus responsum.

Inter uxorem et filium Petrum non bene convenire⁶ jamdudum perspexi; venit huc ad nos ante biennium filius et primo quidem anno exscriptis libellorum formulis aliisque in

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op no. 4693; beantw. d. no. 4726.

2 Commentatio...de Antichristo...; Explicatio...de fide & operibvs; Explicatio Decalogi...; zie voor de volledige titels no. 4684, nn. 4, 5 en 2.

3 Zie voor de volledige titel no. 4705, n. 7. De toeschrijving aan Grotius door de tijdgenoten werd door hemzelf ontkend; zie no. 4705 t.a.p. Betreffende de auteur zie no. 4688, n. 4.

4 De Amsterdamse drukkers-uitgevers dr. Johan Blaeu en Cornelis Blaeu.

5 Pieter de Groot.

6 Zie ook de brief van Maria van Reigersberch aan Grotius no. 4605, dd. 16 april 1640.

[p. 356]

fori usum notatis satis se mihi probavit. Post matris adventum non eam, quam potuisset, studiis diligentiam impendit continuis matris, ut ipse ait, querelis et jurgiis, etiam ubi non adesset, obrutus. Occasionem inter alia dedit, quod primo anno assignatos mille florenos ita consumsit, ut mihi - quod mater fieri volebat - pro suis famulique impensis nihil persolverit, quas ego neque solvi mihi volui neque etiamnum volo. Secundo itaque anno tantum recepit quingentos florenos, quos in vestes aliaque necessaria aut honesta erogavit coactus maiora facere impendia ob nuptias nobiles, ad quas subinde vocatus est, quae et ipsae et adventus fratris⁷ eum aliquantum distraxerunt. Ego cum mea uxore apud tuam intercessi, ut aliquantum pecuniae adjicere vellet, quo facto sperabam fore, ut meis consiliis et imperatis tuis se promtius accommodaret; renuit illa neque ullam se minam argenti daturam juravit, ita ille toto jam semestri et quod ex tertio anno excurrit nihil accepit neque etiamnum scit, quid quantumque accepturus sit et quando. Intellexi antehac⁸ in animo tibi esse, ut filium Amstelodamum ad praxim illic exercendam mittas, et mihi quidem consilium placet, caeterum neque se ipse alere neque libros emere neque de vestibus aliisque vitae subsidiis sibi providere sine pecunia potest. Tu itaque de tota hac re quod te, quod filio dignum est statue neque dubito, quin maiori cum alacritate studiis et foro se daturus sit. Parce vero de filio tam egregiis animi dotibus ornato, tam egregiis studiis imbuto et apud omnes hic doctos aliosque, qui eum novere, gratioso, tam male ominari neque dubita, quin futurum sit, ut te maioribusque dignus evadat.

De Andelii⁹ negligentia - neque enim durius suspicari possum - dolet; de nauta¹⁰ vero, qui jam eum habet fasciculum, Amstelodamum scripsi neque dubito, quin cito recepturus sim; jam enim naves Rothomago venientes bene appulisse intelligo. Ubi eum fasciculum accepero, curabo, ne aut tu aut amici in distribuendis libris operam meam desideretis.

Tacitus cum notis tuis¹¹ jam prodiit; ejus exemplar tibi quamprimum mittam. Didericus tuus Groninga ad nos scripsit, unde Bremam cogitabat reperturus illic, ut puto, Borelium, sindicum Amstelodamensem, qui cum Sonkio et Alvo Frisio in Sueciam legati mittuntur¹², quanquam sunt, qui eos illic substituros et cum deputatis Dani regis nomine acturos autumant.

Puto te antea a filio monitum, quod iterum hic repeto, Annotata tua ad Evangelia¹³ esse in manibus Vossii¹⁴, reliqua ipsum se habere.

Quod Alexium¹⁵ tibi nihil persuasisse scribis, perplacet neque sane is ea in parte jurisconsultis facile satisfaciet. Ego de omnibus et libere et simpliciter ad te scribam; caeterum, ut et antea saepe scripsi, rogo, ut me subinde de iis, quae in Gallia geruntur, facias certiorem: erit id mihi honori et praeterea occasionem dabit intelligendi aliqua, quae ad te possum perscribere.

Nunc certis nuntiis compertum est quatuor naves bellicas praesidio Indicanis advenientibus missas in decem Dunkerkanas incdisse et ab iis esse profligatas, ita ut una tantum in potestatem venerit reliquis qua crematis, qua submersis: missae sunt et tres aliae prioribus subsidio, quibus quid eventurum sit, postea intelligemus; recte nobiscum agitur, si modo Indicae naves non veniant in hostium potestatem¹⁶.

7 Diederik de Groot.

8 Zie no. 4132 van 28 mei 1639 en no. 4306 van 24 september 1639 (dl. X).

9 Pieter van den Andel; vgl. ook nos. 4544 en 4693.

10 Jan Crijnen; vgl. no. 4693.

11 C. Corn. Tacitvs ex I. Lipsii Editione cum Not. et Emend. H. Grotii. Lvgdvni Batavorvm, Ex Officina Elzeviriana. Anno 1640; Ter Meulen-Diermanse no. 515.

12 Willem Boreel, Albert Sonck en Epo van Aylva; betreffende het gezantschap zie men ook no. 4574. n. 2.

13 Zie voor de volledige titel no. 4694, n. 18.

14 Gerardus Johannes Vossius, hoogleraar te Amsterdam.

15 Bedoeld is Claude de Saumaise - Salmasius -; vgl. no. 4693. n. 24.

16 Vgl. voor een meer uitvoerige beschrijving door Nicolaes van Reigersberch no. 4708.

[p. 357]

Vale, frater optime.

Tibi obsequentissimus frater
Guilielmus Grotius.

Hagae, XXV Iunii 1640.

Boven aan de brief schreef Grotius: Rec. 5 Iulii.