Briefwisseling van Hugo Grotius. Deel 12

5219. 1641 juni 8. Aan A. Oxenstierna.¹

Excellentissime et illustrissime domine,

Marescallus Castilionaeus² sex secum habens millia, non amplius, vereor, ne ab eis locis, in quae iuncturus se duci Lotharingo et Halerio³ iverat, retrahatur crudescente motu illo Sedanensi. Rex Hispaniae ad cardinalem fratrem suum scripsit, ut quaecunque corradi posset pecunia daretur principibus illis; data est recens ad DCCL florenorum millia et Bulionius factus marescallus imperii dataque ei bona, quae Henrici Bergensis⁴ fuerunt in repensationem eorum, quae in Gallia erit amissurus. Comes Suessionensis quos antehac a se amandaverat, ut regi

1 Copie Dresden, Sächs. Landesbibl., C 61, 26; copie Leipzig, UB, ms. 2633, f. 71. Gedrukt Oxenst. Skrifter 2. afd., IV, p. 132 no. 377.

2 Gaspard de Coligny, hertog van Châtillon, maarschalk van Frankrijk (no. 5119 n. 3).

3 Karel IV, hertog van Lotharingen, en François de l'Hospital, sieur du Hallier (no. 5083 n. 25).

4 Hendrick, graaf van den Bergh (no. 5217 n. 10).

[p. 332]

placeret, ad se redire iussit. Est autem etiamnunc Namurci Bulionius, Bruxellis Guisius. Dicuntur Germani aliquot, quibus a rege pridem non soluta stipendia, ad comitem Suessionensem se transtulisse; inter eos baro Degenfeldius,⁵ quod sane nolim publici causa et privatae, quam cum eo habui, amicitiae.

Rex et cardinalis prope Ambianum sunt. In Airam quidam milites ab hoste intromissi. Tempore aliquo opus erit, priusquam cedat obsessoribus; defenditur enim propugnaculis novem, semilunatis operibus septem.

In Ruscinonensem tractum commeatus aliqui ab Hispania invecti sunt mari, qua in re achiepiscopi Burdegalensis⁶ negligentiam accusat princeps Condaeus. De Catalania post Constantinam a Gallis captam nihil accepimus. De Portugalliae rebus varia hic sunt iudicia. Apparet pecuniam eis deesse ad conducendum externum militem, domesticus autem nullum habet usum belli.

Rex Angliae, praeter quod antehac concessit parlamento convenire tertio quoque anno etiam sine vocatu suo, nunc insuper assentit, ne discedere iure iubeantur a se, sed maneat conventus, dum volet. Comiti autem Staffordio,⁷ qui praefectus Hiberniae fuit, nec vitam nec mortis moram brevem impetrare rex potuit, quanquam misso ob id filio suo⁸ et hanc suam auctoritatis penuriam in acta iussit referri. Praefecturam autem Hiberniae accepit is, qui hic legatus fuit, comes Licestrius.⁹

De Bavari¹⁰ morbo gravi hic rumores sunt et de Crucenaco caesarianis vendito. Audimus et Argentoratensium naves a Philippiburgi praefecto¹¹ captas, ut sic urbs ea cogatur decretis Ratisbonensibus subscribere. Haud dubium est, quin praeter Lamboium¹² alias quoque caesarianorum copias ad se tractura sit Belgica. In Coloniensi tractu miles scribitur duci Bulionio. Novus autem ex Helvetiis miles a Gallia conscriptus ad ducalem Burgundiam sparsim se fert. Vinsam, locus is est non longe ab Aira, muniunt Hispani, ut ipsis Airae sit vice.

Deus etc.

Lutetiae, XXX Maii/VIII Iunii MDCXLI.

Marini¹³ negotia, viri boni et diu infelicis, Sublimitati tuae suppliciter commendo. Anna, ducis Mantuani filia,¹⁴ apud Guisium Sedani est spe nuptiarum. Per Castilionaei absentiam Surdiacus¹⁵ regiis ibi copiis haud sane magnis imperat. Dux Bulionius in aperto est habens sex ferme millia. Galli castella quaedam faciunt ad excursus Sedanensium prohibendos.

Erlachius¹⁶ a Villinga repulsus est. Qui in Airam penetravere per paludes, ducenti ferme sunt, omne praesidium mille ac ducenti. Lamboius octo millia habere dicitur, cui se iunxere Gillo Hasius¹⁷ cum duobus, Gonzaga¹⁸ cum tribus millibus.

5 Christoph Martin, vrijheer van Degenfeld (no. 5215 n. 11).

6 Henri d'Escoubleau de Sourdis, aartsbisschop van Bordeaux (no. 5121 n. 27).

7 Thomas Wentworth, graaf van Strafford.

8 De prins van Wales, de latere Karel II, verscheen op 21 mei in het parlement.

9 Robert Sidney, graaf van Leicester (no. 5003 n. 13).

10 Maximiliaan I, keurvorst van Beieren.

11 Kaspar Baumberger von Bairnsberg, kolonel in keizerlijke dienst; vgl. Gazette 1641 no. 63, p. 323, dd. 8 juni. Straatsburg beschouwde zich neutraal en weigerde contributie tot voortzetting van de oorlog te betalen; vgl. K. Bierther, Regensb. Reichstag 1640/1641, p. 310.

12 Wilhelm, baron van Lamboy (no. 5005 n. 12).

13 Carl Marin, Zweeds resident te Zürich (no. 5015 n. 1).

14 Anna Gonzaga (no. 5218 n. 15).

15 Charles d'Escoubleau, markies van Sourdis (no. 5151 n. 9).

16 Johann Ludwig von Erlach, goeverneur van Breisach (no. 4994 n. 15).

17 Gilles de Haes, Vlaming in keizerlijke dienst (no. 5041 n. 20).

18 Waarschijnlijk Annibale Gonzaga (no. 5217 n. 26).