Briefwisseling van Hugo Grotius. Deel 12

[p. 21]

5005. 1641 januari 12. Aan W. de Groot.¹

Nihil abs te nunc quidem literarum habui, mi frater, quod per absentiam tuam aut negotia magis urgentia evenisse non dubito. Ego tibi pergo commendare omnia, quae scripsi hactenus de editionibus nostris,² praesertim ut pagellae ipsae quas indicavi Annotatorum recudantur meo sumtu,³ ut errata bene exprimantur, ut tria hactenus ἀνώνυμα⁴ ad finem accedant ἀχωρίστως, deinde et Appendix de Antichristo.⁵ Gaudebo autem doceri, quando huius editionis finem praesumant librarii. In aliis, quae mihi edenda restant, possum exitum aliquem vel hic reperire. Sed Blavios, si id velint, caeteris praeferam, modo de correctore sibi prospiciant Graeca et Hebraea intelligente neque tamen tam audace, ut sensus meos immutet, quod fecere nunc correctores⁶ aliquoties. Exspecto per te ternionem N, deinde et caeteros a Qq ad finem, ut et ibi commissa annotem.

Catalani⁷ hic a rege auditi sunt tecto capite deducti a marescallo Franciae plane ac Batavi. Sed interim cladem accepere in montibus ad Tortosam, ubi ipsorum miles et totum auxilium e Gallia excepta una cohorte, quae Barcinone manserat, coacti sunt se dedere, Galli cum Espernonio⁸ vita salva, Catalani ad arbitrium victoris. Plane furculae Caudinae. At Barcinone mortis supplicio affecti qui cum rege Hispaniae de pace seorsim egerant.

Fiunt hic dilectus ac supplementa pro Longavillani copiis. Tum vero comoediis et choreis strepunt omnia.⁹ Papa suas res et cum Hispano et cum Gallo composuit. Cardinalis Riceliacus reconciliationem ecclesiarum plane putat fieri posse et strenue in eo laborat Mileterius.¹⁰ Salmasius vero dubitat, an hic manere debeat.

Vale, mi frater, et mea, ut soles, cura.

Tibi obligatissimus frater
H. Grotius.

1 Gedrukt Epist., p. 910 App. no. 529. Tezamen met no. 5018 beantw. d. no. 5032.

2 Zie no. 4995.

3 Grotius wenste een herdruk van de katern Nn van zijn Annotationes ad libros Evangeliorum (BG no. 1135); vgl. no. 4981 (dl. XI), nos. 5066 en 5124.

4 Herdrukken van Grotius' Commentatio de Antichristo, Explicatio de fide et operibus en Explicatio Decalogi (BG nos. 1102, 1111 en 1118) werden opgenomen achter de Annotationes.

5 BG no. 1129.

6 Etienne de Courcelles en Daniël de Breen (no. 4998 n. 13, 14).

7 Llorenç de Barutell, Francisco de Gravalosa en Jaume (of Francisco) Bru (no. 4994 n. 12).

8 Roger de Bossost, graaf van Espenan, goeverneur van Leucate (no. 4994 n. 13).

9 Op 14 januari werd het nieuwe theater van Richelieu geopend. Vgl. C. Burkhardt, Richelieu III, p. 451 en n. 7; A. Adam, Hist. lit. fr. I, p, 468v.; Tallemant des Réaux, Historiettes (ed. Adam) I, p. 906. Zie ook infra no. 5054 n. 3.

10 Théophile Brachet de la Milletière (1588-1665), advokaat en theoloog. Vgl. Haag ²II, kol. 60-67; DHGE X, kol. 332-336; DBF VIII, kol. 129v. Over zijn pogingen tot hereniging der kerken, met steun van Richelieu ondernomen, zie men P. Blet, in: Gregorianum 48(1967), p. 100-129; H. Bots-P. Leroy, in: Lias IV( 1977), p. 85-98.

12 Ianuarii anni 1641, quem felicem matri, uxori tuae liberisque et amicis precor, Lutetiae.

Dux Carolus¹¹ est in Lutsenburgico cum peditum duobus millibus, equitibus mille. Nam hiberna Treverensis agri eripuit ei Lamboius.¹²

Multa pecunia ex Hispania Genuam venit. Neapoli vero paratur classis XL navium longarum, aliarum centum. De Portugalliae seditionibus magna hic narrantur, sed parum liquida fide.

11 Karel IV, hertog van Lotharingen.

12 De keizerlijke veldmaarschalk Wilhelm, baron van Lamboy (1600-1656). Vgl. ADB XVII, p. 557-564; BNB XI, kol. 193-198.