Oeuvres complètes. Tome III. Correspondance 1660-1661

N^o 809.
Christiaan Huygens à N. Heinsius.
19 novembre 1660.

La lettre se trouve à Leiden, coll. Huygens.
Elle est la réponse au No. 793. Heinsius y répondit par le No. 833.

Chr. Hugenius Nicolao Heinsio S.S.P.

Cum primum in hanc urbem venissem atque è vestigio Capelanium nostrum¹⁾ adijssem, ostendit mihi quas a te paulo ante acceperat, quibus inter alia et de adventu meo certiorem faciebas, eaque insuper addebas quae nisi a studiosissimo mei atque amicissimo proficisci non poterant. sic etiam absentem tua me benevolentia prosequitur, imo praevenit. Ad eas vero literas nuper responsum²⁾ quod Capelanius dederat inclusi meis ad parentem literis³⁾, nec dubito quin id acceperis, deque itinere a me prospere confecto fueris edoctus. Ignosces autem si per temporis angustiam prohibitus ipse hactenus nihil ad te scripsi. Illustrissimus Beuningius⁴⁾ cum

1) J. Chapelain, que Huygens était allé trouver le 29 octobre, aussitôt après son arrivée à Paris [Reys-Verhael].

2) Consultez la Lettre N^o. 800.

3) C'est une lettre du 12 novembre [Reys-Verhael], que nous ne possédons pas.

4) Voir la Lettre N^o. 748, note 1.

[p. 183]

reliquis Oratoribus nostris⁵⁾ ante dies tres huc advenit, ac confestim misit mihi fasciculos binos literarum, alterum a te⁶⁾ alterum a patre meo⁷⁾ inscriptos, promissaque Academicorum Florentinorum opuscula⁸⁾ ferentes, ipsiusque Serenissimi Principis Leopoldi literas⁹⁾. Quantum ex Dati verbis¹⁰⁾ colligo, eodem tempore omnia isthuc perlata fuere, sed quaedam eorum ipse perlegere voluisti, atque hac ratione a reliquis separata venerunt¹¹⁾. Quantum tibi debeam qui toties jam literas Florentia missas ad me deferri curaveris, toties quasi meo nomine Clarissimo Dato responderis, saepe coram testatus sum, et ecce iterum hic testor. deinceps vero hac molestia ut spero te liberabo. dabo enim, quas ad Serenissimum Principem Leopoldum scripturus sum, recta hinc in Italiam perferendas, tum quia brevior est via, tum ut ea occasione Datum quoque compellem defungarque gratiarum actione, quas illi debeo sane maximas. Non aegrè feret autem vel ipse vel Princeps Serenissimus sero adeo me rescribere, si modo ultimas meas¹²⁾ quas Haga discedens dedi, quibusque de suscipiendo mox itinere mentionem feci, recte accepit. Cappellanio salutem ut jusseras dixi tuo nomine, cum die martis praeterita in aedibus Monmorij¹³⁾ una essemus, ut solemus singulis hebdomadis. Menagium nondum vidi, sed habebo brevi qui ad illum me deducat. Clarissimum Vossium quamprimum videbis, quaeso ut Brunetti nomine eum roges ut Chinicas picturas absolvi curet. Speraveram Beuningium illas allaturum, sed frustra ut video. de caetero salutem plurimam imperties tum ipsi tum alijs amicorum. Vale. Dabam Parisijs 19 Novembris 1660.

Tabulas Graeciae Capelanus accepit.

Viro Clarissimo Domino Dan.¹⁴⁾ Heinsio. Hagam.

5) Ces envoyés extraordinaires furent:

a)

Johannes van Gent. Voir la Lettre N^o. 527, note 1.

b)

Justus de Huybert. Voir la Lettre N^o. 267, note 3. b.

c)

Willem Boreel. Voir la Lettre N^o. 63, note 6.

6) La Lettre N^o. 793.

7) Cette Lettre de Constantyn Huygens, père, manque dans nos collections.

8) Les Appendices N^o. 796 à N^o. 798.

9) La Lettre N^o. 795.

10) La Lettre N^o. 794.

11) Nous avons réuni toutes ces pièces, ignorant les dates des envois successifs de Heinsius, dans les N^os. 795 à 798.

12) Consultez la Lettre N^o 788.

13) Cette assemblée chez de Monmor eut lieu le 16 novembre [Reys-verhael]. Voir la Lettre N^o. 806.

14) Ce lapsus calami donna lieu à la pièce N^o. 813.