Oeuvres complètes. Tome III. Correspondance 1660-1661

N^o 800.
J. Chapelain à [Christiaan Huygens].
4 novembre [1660].

La lettre se trouve à Leiden, coll. Huygens.

Jeudy martin 4 Nouembre.

J'enuoye, Monsieur, apprendre des nouuelles de vostre sante et vous prier de vouloir mettre sous vostre enueloppe de demain la Response que je fais a nostre Amy¹⁾ et de bien recommander quon la rende auec soin a son addresse. Elle ne grossira guere vostre paquet, lequel vous m'enuoyerés par vostre valet afin que je le face conduire par le mien a la rue Quiquempoix au bureau de cette poste.

Si vous trouués aussi a propos de menuoyer vn Exemplaire de vostre response²⁾ a Eustachio de diuinis pour Monsieur de Monmor je le luy enuoyerois de vostre part et cela me semble de la bienseance.

1) Nikolaas Heinsius.

2) Brevis Assertio. Voir la Lettre N^o. 782, note 2.

[p. 169]

Quand vous visiterés Monsieur vostre Ambassadeur presses le au nom de tous les habiles curieux de donner enfin sa Relation des nouuelles Descouuertes au Midy³⁾. Il sen fera honneur et a son Païs en faisant ce present au public.

Je suis a vous sans reserue.

Chapelain.

3) Cette relation de l'Ambassadeur Willem Boreel n'a jamais paru.