Oeuvres complètes. Tome I. Correspondance 1638-1656

N^o 313.
Fr. van Schooten à Christiaan Huygens.
13 juillet 1656.

La lettre se trouve à Leiden, coll. Huygens.
Elle est la réponse au No. 307. Chr. Huygens y répondit par le No. 317.

Clarissimo Viro Domino Christiano Hugenio, Fr. a Schooten S.

Duplices Tibi gratias ago, Vir Clarissime, non solum quòd bis¹⁾ tuis me beaveris, priusquam ad illas semel respondere otium mihi datum sit, sed etiam quòd bis ijs, quae mihi per te missa sunt atque accepi, ditior sum factus. Gaudeo illa à Te jam visa, eòque magis, quòd ex tuis intelligam ista haudquaquam Tibi displicere, praesertim Pallierij tractatum²⁾, quem prae alijs commendas. Quantum ad Wallisij tractatus, quorum ille, qui de Conicis sectionibus³⁾ inscribitur, et à me perlectus est, omnino mihi placet; reliquos⁴⁾ autem quòd attinet, cum non nisi obiter eos inspexerim, vix est ut de ijs judicium adhuc ferre ausim. Multa tamen egregia mihi continere visi sunt, quantum ad Curvilineorum Quadraturam; etiamsi Circuli Quadraturam eum invenisse (quod nec sibi ipsi Autor polliceri mihi visus est) cum alijs ego vix credidero. Nuper cum me inviserat Dominus Nieustat⁵⁾, qui Pellij⁶⁾ olim

1) Outre la Lettre N^o 307, Huygens doit avoir écrit à van Schooten une lettre accompagnant les ouvrages de de Beaune et de Pallieur; mais nous n'avons pas trouvé cette lettre. Voir la Lettre N^o. 310.

2) Voir la Lettre N^o. 306.

3) Voir la Lettre N^o. 286, note 2.

4) Outre les deux ouvrages de Wallis cités dans la lettre N^o. 260 (notes 3 et 5) et dont van Schooten avait déjà acheté le premier, Wallis avait encore publié les suivants: Eclipsis Solaris Oxonii anno 1654 visae observatio. Auctore J. Wallisio. 1655. Hobbii debita Castigatio ob male redditas Lectiones. Auctore J. Wallisio. 1656.

5) Probablement Pieter van Nieuwstad Rutgersz., né à Utrecht, alors médecin à Dordrecht.

6) Voir la Lettre N^o. 9.

[p. 454]

fuit discipulus et in Analyticis est peritissimus, postquam narrabat se eosdem tractatus evolvisse, dixit se ea, quae ille de Circuli Quadratura protulit, adeò accuratè cum numeris, ab alijs circa istam quadraturam inventis, respondere reperisse, ut miratus fuerit, verum quo pacto linea ipsa, quâ [usus]⁷⁾ est, Geometrica dicenda sit se nondum potuisse intelligere. Tu me vel eò felicior habendus videris, quòd Tibi liceat liberius tum tuis tum aliorum speculationibus indulgere, nec tot occupationibus quot ego ab ijs distraharis, quandoquidem ista foelicitas non nisi ex parte obtingere mihi potest, quippe Professio publica atque munus docendi aliaque multa impedimenta me in hoc stadio plurimum interpellant. Ista quae Dominus de Carcavy mihi scribit a Domino Fermatio ad Te missa, aliquando, ubi dabitur occasio, me visurum spero, cum alijs compluribus ero defunctus. Quòd si autem ista, quae de aleae ludo excogitasti, atque etiam post addidisti, tum Latinè tum Belgicè conscribere velles, ut mihi illa tantum operi meo adjungenda forent, rem sanè pergratam mihi feceris; siquidem nil mihi sat expolitum in ijs ascribere ausim, quaeque ego post operam meam in ea re collocatam non nisi deteriora procul dubio redderem, quae a Te jam magnâ ex parte perfecta. Adeò multis impraesentiarum me obrutum crede mihi, Vir Amicissime, ut tibi etiam quid committendum esse aequum bonum duxerim. Opus enim meum⁸⁾ cum hic ante 3 aut 4 dies Elsevirius praelo committere inceperit, etiam alterum⁹⁾ quod prae manibus habeo, supple Cartesij Geometriam, post dies Caniculares si volet Deus, Amstelodami praelo subjicietur. Caeterum admonitionem meam, quâ te, ne contra Cartesium quid molireris, dissuadere volui, quòd illam in bonam partem acceperis, gaudeo, nec pluribus inposterum instabo, satis existimans me amici officio defunctum, si ista, de quibus fama ac nominis tui apud eruditos celebritas periclitari posset, amicè Tibi suggessero. Vale ac me amare perge.

Dabam 13 Julij 1656.

Literae hae inclusae ut sub tuarum ductu Domino Mylonio aut Domino de Carcavi quàm primum transmittantur submissè rogo. Iterum Vale.

A Monsieur, Monsieur, Christianus Hugenius, resideerende ten huijse van Men Heer, Men Heer van Zuijlechem, op het plein

in S' Graven-hage.

cito. cito. port

7) Ici la lettre est brûlée par la cire du sceau.

8) C'est l'ouvrage de la Lettre N^o. 282, note 1.

9) Van Schooten parle de sa seconde édition de la Géométrie de des Cartes.