Oeuvres complètes. Tome I. Correspondance 1638-1656

N^o 286.
Fr. van Schooten à Christiaan Huygens.
3 mai 1656.

La lettre se trouve à Leiden, coll. Huygens.

Clarissimo Viro Domino Chr. Hugenio Fr. à Schooten. S.D.

En Tibi folium¹⁾, de quo nuper mentionem feci, quod miror à Te nondum visum, praesertim ubi Te istius authorem ante credideram, et illud hîc apud Elsevirium et alios Bibliopolas venale prostitit. Exemplar autem missum, ut remittas, curare nolito, cum et alterum mihi comparaverim. Wallisium quantum ad specilla moliri quicquam, nondum intellexeram, quod tuae jam, quid de eo sit, me plenius edocent. Certè eum folij hujus autorem non esse facilè asseveraverim, cum et alio stijlo, et alio etiam utatur calculi modo. Quantum ad ipsius libellos de Quadratura

1) Cette feuille avait pour titre:
Specilla Circularia. in plano.

[p. 410]

et alios²⁾, quos in lucem nuper emisit, postquam illos jam proditos ab amico audiveram, statim atque eos apud Elsevirium prostare vidi, mihi comparavi. Et diu est, quòd de ipso litterarum quidquam acceperim. Eclipseos Solaris³⁾ observationem longo post tempore, postquam ejus literae, ea de re mentionem facientes, ad manus meas pervenerunt, per nobilem quendam Legati Principis Transylvaniae accepi. Dominus de Carcavy vix aliter quàm de nomine mihi notus est, licet eum ante apud Dominum Mylonium Parisijs viderim⁴⁾ atque eum humanum admodum ac officiosum deprehenderim. Ipse tunc sub Domino de Roberval in Mathematicis operam navabat, ac se studijs hisce omnino devovisse fatebatur, quippe quae eum quàm maximè delectabant. Hic cum Domino Fermatio conjunctissimus sit, obtulit mihi similiter cum ipso literarum commercium procurare, quod ipsum, quommodo à me neglectum sit, vix dicere possum, nisi quod proprijs fortè speculationibus interim indulgens nimis in ipsius inventis inquirendis non satis fuerim curiosus. Caeterum quid à Domino de Carcavij editum aut inventum fuerit, vix scio aliud quid ab ipso me vidisse, praeter demonstrationem ejus in Pellij Theorema contra Longomontanum⁵⁾, quae judicio meo, satis est ingeniosa. Paucis diebus praeteritis narratum mihi fuit studiosum reperiri, qui Cartesianae Philosophiae addictus ac in Geometria versatissimus regulas motus omnes à priori demonstrare novit, unaque simul ostendere in quantum ipsae cum experientia exactè quadrent, ita ut illarum veritatem vel ab ipsa experientia repetere valeat⁶⁾. Quod utrum in lucem sit editurus, non intellixi. Audivi simul Dominum de Bij⁷⁾, Professorem Amstelodamensem, asserere, se jam de veritate harum regularum ita esse certum, ut impraesentiarum de illarum veritate ambigere amplius non possit. Praeterea memini me et olim à Domino Lipstorpio accepisse, Dominum Jungium⁸⁾ Hamburgi, virum in Mathema-

2) Outre les ouvrages indiqués dans la Lettre N^o. 260, Notes 3 et 6, Wallis avait encore publié:
Johannis Wallis, Geometriae Professoris Saviliani in celeberrima Academia Oxoniensi, Grammatica Linguae Anglicanae. cui praefigitur: De Loquela sive Sonorum Formatione, Tractatus Grammatico-Physicus. Oxoniae. Excudebat Leon. Lichfield Acad. Typographus, Veneunt apud Tho. Robinson. 1653. in-8^o.
J. Wallis: De Sectionibus Conicis, Nova Methodo expositis, Tractatus. 1655. in-folio.
Hobbii debita Castigatio ob male redditas Lectiones. Auctore J. Wallisio. Oxon. 1656. in-8^o.

3) Cette éclipse annulaire du soleil eut lieu le 26 janvier 1656.

4) C'est avant 1646 que Fr. van Schooten doit avoir fait ce voyage en France.

5) Voyez l'ouvrage cité dans la Lettre N^o. 123, Note 5, à la page 51.

6) Nous n'avons pu trouver cet ouvrage. Du reste, à l'Université de Leiden on s'intéressai beaucoup à ces règles de Des Cartes, témoin la dissertation suivante:
Disputationum physicarum ad Problemata Aristotelis, quarta de propagatione et commvnicatione motvvm, qvam propitiante Divino Numine, Sub Praesidio Clarissimi Doctissimique Viri, Dni Joannis de Raey, L.A.M. & Medicinae Doctoris, Publice discutiendam proponit Severinus Theyes. Enchusa-Westfr. Ad diem 20 Martii ab hora quarta ad sextam. Lvgdvni Batavorvm. E Typographeo Francisci Hackii. cIƆIƆclii. in-4^o.

7) Alexander de Bie (Biaeus).

8) Joachim Jung, né à Lubeck le 22 octobre 1587, mourut à Hambourg le 17 septembre 1657. Après avoir enseigné les mathématiques à Giessen (1609-1614), il étudia les sciences naturelles et devint Docteur en médecine à Padoue (1618), puis professeur de mathématiques à Rostock (1624-1625 et 1626-1629). En 1625, ayant dû quitter Rostock sous l'accusation d'être un des chefs des Rose-croix, il alla professer la médecine à Helmstadt. En 1628 il devint Recteur du gymnase à Hambourg. Il ne fut pas seulement mathématicien, mais aussi un des fondateurs de la botanique systématique: c'était un Cartésien zélé. On a publié quelques ouvrages de sa main, en partie posthumes.

[p. 411]

ticis solertissimum ac ibidem Professorem Philosophiae celeberrimum scripta quaedam in Cartesium parasse, quorum, priusquam ea in lucem esset emissurus, à Clarissimo Viro Domino Tassio⁹⁾, Matheseos illíc Professore acutissimo, admonitus fuit, ut diligenti ante examine ista denuo simul excuterent, ne quid praeter exspectationem eveniret. Quod ubi ab ipsis factum est, ac ea pluribus experimentis comprobare annixi sunt, ita res praeter eorum spem successit, ut è contra uterque ex illis, omnibus istis, in quibus ante aliter quàm Cartesius sentiebat, fidem ipsi omnino astruere cöactus fuerit. Adeò ut ipse Jungius non semel Domino Tassio istinc gratias egerit, ac se lusisse operam ea in re exinde cognoverit.

Horum itaque omnium cum Te, Vir Amicissime, in eodem argumento contra etiam sentientem, praemonere aequum duxerim, ne in ijs, quae jam diu conceperis, digerendis aut describendis, perinde tempus impenderes; rogo ut à me similiter admonitus, admonitionem istam meam in bonam partem accipias. Praesertim cum famam, quam multis praeclarè à Te inventis ac doctè conscriptis apud eruditos jam es consequutus, facilè sic periclitari sineres, si in virum perspicacissimum et erga omnes optimè meritum, quemque Tibi, dum in vivis erat, bene semper voluisse, et Te mecum illi isto nomine plurimum debere norunt, temerè quid suscipias. Quandoquidem et alia satis multa sunt, quibus excolendis absque alterius gloriae imminutione, quibusque illa Tibi integra servetur, majorem in modum adaugere illam vales. Vale.

Lugd. Bat. 3 Maij, 1656.¹⁰⁾

9) Johann Adolph Tasse, né en 1585 à Bremervörde, mourut le 4 janvier 1654 à Hambourg. Il devint professeur de mathématiques au Gymnase de Hambourg en 1629. Il nous laissa divers ouvrages, qui pour la plupart parurent après sa mort.

10) Au lieu d'adresse, on trouve seulement les mots au crayon: Pavilioensgracht, Is. van Dalen.