Briefwisseling van Hugo Grotius. Deel 11

4918. 1640 november 10. Aan Willem de Groot¹.

Frater optime,

Dixit mihi Flaccus², qui hic est, se societatem habere cum Blaviis³. Cum dixissem cogitasse me aliquando de excudendis domi meae Annotatis ad Vetus Testamentum⁴, ut me ipso recognoscente emendatior nasci possit editio, dixit se eam ad rem sumtus libenter facturum. Si idem videtur Blaviis - nolo enim quicquam agere nisi per ipsos - facile hic reperientur operae et typi, quibus intra meos lares uti liceat.

Filio Petro si ea faciat, quae volumus⁵, vult dari uxor mea ducentos florenos ad usus quotidianos. Ego eum Amstelodamum ire quamprimum velim et, si fieri possit, ibi secundum advocationis locum nancisci a societate Indica. Forte ei muneri par esse possit me teque adiutoribus et praeeunte eo, qui nunc advocatione fungitur. Velim cogites de rebus his omnibus.

Catalani acerba scripta ediderunt in Castellanos omnes, nominatim vero in Olivaresium⁶. Missum a Gallis Plessiacum⁷ audivere in senatu Barcinonensi; pessime tractarunt Castellanos; post haec tamen omnia preces ad regem Hispaniae misere, ita ut difficilis sit de rebus eorum judicatio.

Eporediae - quae nunc Ivrea dicitur - est princeps Thomas⁸, Mazarinus a Gallia et legatus Hispaniae Genuae agere solitus⁹. Leganesius¹⁰ praesidia sua auget. Imperator dat diplomata tuti itineris principibus protestantibus sive Ratisbonam mittere velint sive Coloniam.

Danus satis male vult et Suedis et Batavis. Nihil tamen magni facturum arbitror.

Tibi obligatissimus frater
H. Grotius.

1 Gedrukt Epist., p. 906; de alinea ‘Filio Petro... fungitur’ gedrukt Clavis Epist. Grotii. Beantw. d. no. 4935.

2 Adriaen Vlacq, boekhandelaar in Londen; vgl. no. 4791.

3 De Amsterdamse drukkers-uitgevers dr. Johan en Cornelis Blaeu.

4 Hugonis Grotii Annotata ad Vetus Testamentvm. Tomvs I, II, III. Lvtetiæ Parisiorvm, Sumptibus Sebastiani Cramoisy, Regis & Reginæ Architypographi, et Gabrielis Cramoisy. viâ Iacobæâ, sub Ciconiis. MDCXLIV. Prostant Amsterdami. Apud Iohannem Blaev; Ter Meulen-Diermanse no. 1137. Zie ook no. 4196 (dl. X).

5 Zie voor de moeilijkheden met Pieter de Groot o.a. nos. 4709, 4726 en 4747. Pieter werd in 1644 aangesteld tot advokaat van de Oostindische Compagnie in Den Haag. Zie P. van Dam, Beschr. Oostindische Comp. (ed. F.W. Stapel), bk. I, dl. II, p. 305 (R.G.P. 68).

6 Gaspard de Guzmán, graaf-hertog van Olivarés.

7 Bernard du Plessis-Besançon.

8 Tommaso Francesco van Savoye.

9 Citrosellus; niet nader geïdentificeerd. Vgl. no. 4920.

10 Diego Mexía Felípez de Guzmán, markies van Leganés, Spaans goeverneur van Milaan.

Lutetiae, 10 Novembris 1640.

Ego, uxor, filia¹¹, te, uxorem, liberos et amicos amicissime salutamus. Rogo colligas

11 Cornelia de Groot was 27 oktober met haar moeder in Parijs teruggekeerd.

[p. 606]

quae antehac misi emendanda in tribus Anonymis¹² mittasque ad Blavios aut Cursellium¹³, si missa non sunt, addasque, ut ad caput IV Epistolae Johannis, ubi Polycarpus citatur, deleant ‘ad Smyrnenses’. Praeter tria Anonyma accedat responsum ad Maraisium¹⁴. Ea omnia debent Annotatis subjungi, ita ut separari nequeant.

12 Commentatio... de Antichristo...; Explicatio... de fide & operibvs; Explicatio Decalogi...; zie voor de volledige titels no. 4684, nn. 4, 5 en 2. Grotius liet deze traktaatjes opnieuw afdrukken achter zijn Annotationes in libros Evangeliorvm... (Ter Meulen-Diermanse no. 1135); zie Ter Meulen-Diermanse, resp. nos. 1102, 1111 en 1118.

13 Etienne de Courcelles, remonstrants theoloog.

14 Appendix Ad interpretationem locorum Novi Testamenti quæ De Antichristo agunt aut agere putantur. In qua via sternitur ad Christianorvm Concordiam; Ter Meulen-Diermanse no. 1129 (vgl. Ter Meulen-Diermanse no. 1128, rem. 1).