Briefwisseling van Hugo Grotius. Deel 3

1330. 1628 november 4. Aan M. Bernegger⁶.

Constitueram ad te scriptionem differre, vir doctissime et humanissime, donec aliquid certi ex Gabriele Maronita⁷ comperissem, nam is ex quo literas ad ipsum accepi⁸ abest urbe et quidem longe ruri nec ulla satis certa est curandi literas ratio. Dicitur autem adfuturus hic cis octo aut decem dies; ubi venerit, non omittam et tradere literas et coram, quantum meae amicorumque opis est, urgere negotium.

Salmasium⁹ adhuc distinet ingentium commentariorum editio, quos in Solinum¹⁰ inscripsit, cum reipsa totum prope Plinium contineant. Hinc ubi se

6 Gedrukt Epist., p. 81; Grotii et Berneggeri ep. mut., p. 18. Antw. op n^os. 1306, 1317 en 1319.

7 Zie n^o. 1293, p. 355 n. 5.

8 Zie n^o. 1306.

9 De filoloog Cl. de Saumaise.

10 Zie n^o. 1051, p. 12 n. 1.

[p. 398]

extricaverit, serio resumet in manus Eliberinos canones¹. Iussit summas tibi gratias nuntiarem pro oblato auxilio. Sane digni estis, qui alter alterum ametis; et mihi satis magna erit gloria, si vos propius conjunxerim. Omnes, quos mihi commendas, ita ut, tua virtus meretur, caros habeo, Taubmannum vero etiam suo ac optimi parentis nomine², imo ultro etiam tibi debitor sum, quod eum ad me allegaveris. Ejus nunc iter facit, ut has festinato ad te scribam.

De Inscriptionibus³ intelligam, quid animi sit illi in Italia, qui eidem labori incubuit⁴, etiam apud Batavos pergam inquirere te monitore.

Plane te rogo, ut perpetuum mihi serves quem bonitate tua, non meo merito mihi et promittis et praestas affectum, simulque apud Lingelshemium⁵ et Venatorem⁶ mei foveas memoriam. Ego vicissim operam dabo, ne qua in parte amicitiae claudicem.

Vale, vir rarae virtutis atque eruditionis.

IV Novembris, XVI^cXXVIII.

1 Zie n^o. 1210, p. 219 n. 10.

2 Zie n^o. 1317, p. 384 nn. 7 en 8.

3 Zie n^o. 1317, p. 385 n. 1.

4 Bedoeld wordt Giovanni Battista Doni (1594-1647), archeoloog en musicoloog; hij liet o.m., onuitgegeven, een collectio inscriptionum antiquarum na. Datgene, wat bij de plundering van Heidelberg in 1622 door de soldaten van Tilly van Gruterus' bibliotheek gespaard bleef, was op verlangen van paus Gregorius XV naar Rome gezonden; zie P.C. Molhuysen, Suffridus Sixtinus in De Navorscher, Utrecht 1899, p. 588.

5 G.M. Lingelsheim.

6 De dichter Balthasar Venator; zie n^o. 1257, p. 300 n. 2.