Briefwisseling van Hugo Grotius. Deel 3

1306. 1628 augustus 30. Van M. Bernegger⁵.

Summe virorum,

Epistolam tuam⁶ humanitatis inusitatae sub initium Augusti recte accepi et inter ϰειμλήια mea reposui futuram et mihi et posteris meis aeternum tantae a tanto benevolentiae monumentum; quam utut hactenus nullo officii genere mereri contigit, ut tamen posthac quomodocunque promerear, omni contentione virium allaborabo. Quo magis laetor a te ipso suppeditatam optimae voluntatis redemonstrandae materiam et ut ampliorem subinde praebeas, enixe rogo.

Ac de Gruterianis quidem Inscriptionibus⁷ non omisi consilia conferre cum amplissimo Lingelshemio⁸, Gruteri, dum viveret, amico summo, qui tamen eorum spem non valde magnam facit, eo quod gener Gruteri Oswaldus Schmendius⁹ bibliothecam et cum ea, ut suspicamur, etiam illud Inscriptionum supplementum - cuius editionem parare sese Gruterus ipse ante hoc biennium mihi dixit - praediviti et literato mercatori¹⁰ vendidit in alias oras transferendam. Nihilominus omnia tentabimus, ut et istas et praeterea Dacicas¹¹ a Martino Opitio¹² elegantissimo poeta αὐτόπτη collectas acquiramus. Habeo et ego ex

5 Gedrukt Grotii et Beneggeri ep. mut., p. 10. Antw. op n^o. 1285; beantw. d. n^o. 1330. aant.

6 N^o. 1285.

7 Zie n^o. 1285, p. 343 n. 6. Over Gruterus zie n^o. 1167, p. 161 n. 6.

8 G.M. Lingelsheim.

9 Oswald Smend huwde de tweede dochter van Gruterus; hij bekleedde een openbare functie in Bretten.

10 Vgl. n^os. 1319 en 1337. Van hem heeft blijkbaar Suffridus Sixtinus de handschriften gekocht; zie over deze Sixtinus P.C. Molhuysen, Suffridus Sixtinus in De Navorscher, Utrecht 1899, p. 587 vv.

11 Opitz heeft lang gearbeid aan een werk, Dacia antiqua, doch de dood heeft hem verhinderd het te voltooien.

12 De dichter Martinus Opitz (1597-1639).

[p. 374]

bibliotheca Demolini¹, Rochefortti medici quondam et consiliarii Sabaudici, inscriptionum volumen m.s. non magnum, quod usui tuo, hoc est publico, quandocunque voles, patebit. Magni illius Salmasii Notas in Concilium Eliberense² si placuerit huc mittere, non modo de typographo commodo prospecturum recipio, sed in sphalmasis typothetarum emendandis operam - plurium annorum usu mihi consuetam - lubentissime praestabo. D. Lansius³ has ad te curandas heri misit. Iis insertae sunt literae Schickardi⁴, Profess. Hebraici, quibus petit a D. Gabriele Sionita⁵ libros duos. Eorum pretium statim repraesentabit ipse ille, qui hasce tradit, Hieronymus Klöpfer⁶ Wurtenbergicus iuris candidatus, praefectus moribus ac studiis Nob. Philippi Conradi a Liebenstein⁷. Ambos hos ornatissimos homines, atque etiam Lansio tuo et Schickardo mihique longe charissimos, una mecum benevolentiae tuae quam diligentissime commendo.

Vale. XXX Aug. XVI^cXXVIII.

1 Niet nader geïdentificeerd.

2 Zie n^o. 1210, p. 219 n. 10.

3 T. Lansius; zie n^o. 1222, p. 239 n. 10.

4 Zie n^o. 1293, p. 355 n. 6.

5 Zie n^o. 1293, p. 355 n. 5.

6 Niet nader geïdentificeerd.

7 Philipp Conrad I von Liebenstein (1608-1658).