Briefwisseling van Hugo Grotius. Deel 3

1319. 1628 oktober 2. Van M. Bernegger³.

Vir maxime,

Nudius tertius Lutetiam cum meis ad te commendatitiis abiit Christianus Taubmannus, Friderici F.⁴. Hunc die crastino subsequetur nobilissimum par equitum Silesiorum Adamus a Schliewitz⁵ et Iohannes a Sweinichen⁶ eorundemque rector, vir optimus simul atque doctissimus Iohannes Freudenberg⁷ et ipse Silesius, quae natio fugientes Germania musas prope sola qualitercunque moratur. Isti quidem certe nostra in Academia iam a biennio suo magno merito principes iuventutis audierunt. Quo minus vereor eos tibi sic et petentes et merentes quam diligentissime commendare: verum non nisi hactenus, ut ad alloquium eos, quod citra incommodum citraque studiorum tuorum, hoc est boni publici moram fiat, interdum admittas, efficiasque possint aliquando et suis iactare, et per omnem vitam iucunde recordari vidisse se Grotium illum, cuius appellandi causa, qui longum iter susceperit, non minus quam Gaditanus ille Livii salutator⁸, operae pretium fecerit.

Indagavi nuper emptoris bibliothecae Gruterianae nomen. Is est Bergens, civis et mercator Francofurtanus. Unciatos mille, quos nos imperiales thaleros appellamus, pro ea repraesentavit: et quicquid fuit manuscriptorum Suffridio Sixtino Amsterodamensi⁹ (nunquid tibi noto?) vendidit, in quibus haud dubie supplementum etiam est Inscriptionum antiquarum¹⁰. De eo hominem appellare constitui. Si quid impetravero, faxo primo quovis tempore scias.

Vale. Scribebam Argentorati 2 Oct. 1628.

3 Copie Staats- und Universitätsbibliothek Hamburg, Bern. Adv. 1, f. 243/4. Gedrukt Grotii et Berneggeri ep. mut., p. 16. Beantw. d. n^o. 1330.

4 Zie n^o. 1317, p. 384 nn. 7 en 8.

5 Adam von Schliwitz uit Silezië werd in 1627 ingeschreven in de faculteit van rechtsgeleerdheid aan de universiteit van Straatsburg.

6 Johann von Schweinichen, ook uit Silezië, liet zich eveneens in 1627 te Straatsburg ala student in de rechten inschrijven.

7 Johann Freudenberg uit Presburg werd gelijk met beide vorengenoemden in 1627 te Straatsburg ingeschreven in de faculteit der rechtsgeleerdheid.

8 Zie Plinius, Ep. II, 3, 8.

9 Zie voor lotgevallen van de bibliotheek van Janus Gruterus: P.C. Molhuysen, Suffridus Sixtinus in De Navorscher, Utrecht 1899, p. 587 vv.

10 Zie n^o. 1317, p. 385 n. 1.

Adres: Hugoni Grotio Lutetiam.