Briefwisseling van Hugo Grotius. Deel 3

1318. 1628 september 30. Aan Willem de Groot⁶.

Per Santenium⁷ tuas, mi frater, accepi et gratias habeo pro hydra lignigena; etiam pro Pedonis libro⁸, cui non est ut Tilenus⁹ respondeat, nisi forte aliquid ad dedicatoriam. Mairium¹⁰ exspectabimus et cum eo quae sciri opus. De Mylio¹¹ nescio, quid exspectare debeam tam diu dilatus. De tua quoque re incertus sum conjecturae, sed ut tempora nobis iniqua sunt, propendeo in partem deteriorem, praesertim tanto adhuc ministrorum regno. Utinam fallar. Si quid ad Bergam ad Zomam fit aliud, etiam de eo doceri expeto.

De Rupella quid dicam, cum non ego tantum et populus, sed ipsa regina mater¹² in menses imo prope in dies deditionem exspectaverit. Dicitur tamen nunc fames urgere adeo, ut non pauci poena capitis imposita, siquis exeat, eam sustinere malint quam ad famem reverti. Mater Rohaniorum¹³, quae in urbe est, liberis sollicita clementiam regis respicere respuit. Cras in urbe obsessa Coena et preces extraordinariae. Perendie colloquia renovantur, bonane fide, an ut tempus trahatur in spem auxilii, quod exspectant, res docebit. Lugduni plebs concitata fuit in protestantes falso rumore, quasi ab ipsis sparsa esset pestilentia nec res abiit sine innocentium caede, quae partim seditione, partim festinatis et prope extortis judiciis peracta est. Si Rupella paciscitur, promisit cardinalis¹⁴ primam fore curam patriae Virgilii¹⁵, quod sane ego velim vel ob tam egregii civis memo-

6 Gedrukt Epist., p. 810.

7 Ook genoemd in n^o. 1315.

8 Bedoeld is het boek, dat Gisbertus Voetius (1589-1676) tegen Daniel Tilenus had uitgegeven. In zijn brief van 7 oktober 1628 (no. 1320) komt Grotius erop terug; zie aldaar, p. 387 n. 3. Voor het geschrift van Tilenus, waarop Voetius' aanval zich richtte, zie H.C. Rogge, Bibliotheek der Remonstrantsche Geschriften. Amsterdam 1863, p. 96.

9 Daniel Tilenus.

10 De Leidse uitgever Jean le Maire.

11 Cornelis van der Myle.

12 Maria de Medici.

13 Catherine Parthenay, vicomtesse de Rohan.

14 De Richelieu.

15 Mantua.

[p. 386]

riam. Mileterius¹ adhuc Tolosae captivus pro magno beneficio expetit, ut in Bastiliam reducatur; nam ibi regio sumtu vivitur, Tolosae suo.

Vale, mi frater, cum optimis parentibus, tua², tuis, nostris. Nos omnes valemus.

Prid. cal. Octobris XVI^cXXVIII.

Ad tuas, quas X Septembris dederas, responsum te accepisse arbitror.

Tuus tibi obligatissimus frater
H. Grotius.

1 Théophile Brachet de la Milletière; zie n^o. 1241.

2 Alida Graswinckel.