Oeuvres complètes. Tome IV. Correspondance 1662-1663

[p. 259]

N^o 1075.
N. Heinsius à Christiaan Huygens.
13 novembre 1662.

La lettre se trouve à Leiden, coll. Huygens.
Elle est la réponse aux Nos. 1028 et 1043. Chr. Huygens y répondit le 22 janvier 1663.

Nicolaus Heinsius Christiano Hugenio Viro Nobilissimo S.P.D.

Negotium mihi est, cum hominibus longe lentissimis, a quorum operâ dum pendeo, procrastinare cogor officia tibi promissa, quae exserte atque omni cunctatione procul habita praestare debebam, si meus essem. Phaenomenon crucis¹⁾ in coelo apud Pragenses spectatae pictori²⁾ necdum potui extorquere, etsi frequenter interpellato, ac promittenti se fidem quamprimum liberaturum esse. Alterum³⁾ interim habe⁴⁾, quod in Orezondico freto spectatum fuisse Moucheronius affirmat: eo classis navalis exhibetur, ut facile per te videbis. Accepit id a pictore Gallo non ignoto mihi, quem super ea re curabo conveniri, ut plenius cognoscamus, qua auctoritate fretus id cum Moucheronio communicavit. Phaenomenon proxime missum qui observarat vir nobilis et magni illius Axelij Oxenstiernae⁵⁾ quondam domesticus e Livonia nondum reversus est, ut super dubijs istis, quae a te moventur, non possit consuli. Sub eam tempestatem, qua Rex Carolus Gustavus ante septennium expeditionem Polonicam auspicabatur, in agro Ubsaliensi pleno die exercitus duos concurrentes primum, ac postea pompam exsequialem apparuisse non vulgus tantummodo pro re explorata narrant, sed historiae etiam loquuntur. De qua re iam scripsissem ad amicos Ubsalienses, impetraturus tibi vivam spectri huius imaginem, si haberi possit, nisi quod compertum minime habeo, an tu de phaenomenis etiam terrestribus sis acturus. Aiunt et classem nuper denuo spectatam esse in freti Baltici Sinu Orezondico. Sed de his iam satis.

Apollonium Pergaeum, a Principe Etruriae Leopoldo missum⁶⁾ iam ad te per-

1) Consultez sur ce phénomène les Lettres N^os. 959, 966 et 1028.

2) Moucheron. Voir la Lettre N^o. 1000, note 2.

3) Consultez les Lettres N^os. 959 et 969.

4) Nous n'avons pas trouvé cette figure.

5) Axel Oxenstierna naquit à Fanoe le 16 juin 1583 et mourut le 28 août 1654 à Stockholm. Evêque luthérien d'Abo, il se rendit en Allemagne et étudia à Jéna et à Wittenberg. Rappelé en 1603, il fut nommé sénateur en 1609 et chancelier royal en 1611. Il avait beaucoup d'influence et s'en servait pour le bien du commerce et de l'université d'Upsal, dont il était devenu le chancelier en 1645.

6) Consultez la Lettre N^o. 1029.

[p. 260]

latum esse oportet. Meum certe exemplar iam pridem nactus sum. Ex Italia multi menses sunt, quod literarum nihil aut nunciorum ad me fertur. Ob excerpta codicis Nasoniani a Renato Francisco Slusio missa⁷⁾ multum te amo. De excerptis ipsis optime profecto iudicas, ex codice minimi pretij ea promanasse. Fuerunt olim in illa ad Diui Jacobi bibliotheca membranae operum Nasonianorum optimae, Metamorphoseon praesertim; vidi ipse Pontica et versavi illic hisce manibus, nec tamen valde vetusta. Nunc bibliothecam illam indignis modis esse compilatam liquido apparet. Egi gratias optimo Slusio, ut vides. id enim viri humanissimi officiosa comitas requirebat, cui tu me porro insinuare perges. Vossianus de Luce Commentarius⁸⁾ averso Gallorum ac Italorum applausu conscriptus est. Vellem amicus noster ad humaniores literas, quas caepit contemnere, reverteretur tandem. Phaenomena tria iam a me accepisse debes, cui quartum addetur, quamprimum obtineri a pictore poterit. In illo⁹⁾, quod spectatur publice, Ecclesiae cathedralis, nullos colores observare potui. pulvere obductos credebam, sed negat is, qui inde exemplar tuum descripsit. Mittam amanuensem meum, harum rerum non rudem, ut et ipse diligentius observet, si quid pulvere deterso tuis usibus profuturum inde possit crui. Nobilissimo Zelemio fratri tuo¹⁰⁾ me commendes rogo de meliore nota.

Vale Vir Eximie, meque virtutum tuarum unice studiosum amare, quod facis imposterum perge. Scribebam Holmiae Suecorum. Anno cIƆ iƆ a.d. xiii. Novembris.

Imagines et delineationes phaenomenon, quae hic terrarum spectata sunt, an suppeditari a me possint omnes haud scio: descriptiones historicas praestare, ut opinor, potero, si eas e re tua fore intellexero. Iterum Vale.

7) Consultez la Lettre N^o. 1043.

8) Cet ouvrage se trouve cité dans la Lettre N^o. 907, note 4.

9) Consultez sur ce phénomène les Lettres N^os. 907, 922, 959, 966, 987, 1000 et 1028

10) Constantyn Huygens.