Oeuvres complètes. Tome IV. Correspondance 1662-1663

[p. 225]

N^o 1059.
R.F. de Sluse à [Christiaan Huygens].
8 septembre 1662.

La lettre se trouve à Leiden, coll. Huygens.
Chr. Huygens y répondit par le No. 1065.

Nobilissime Domine

Librum¹⁾, de quo me monueras²⁾, ab aliquot diebus accepi, et continuâ lectione, vt ita dicam, deuorauj. Gratias igitur ago pro indicina, eo ampliores, quo maiorem, quam speraueram, voluptatem ex eo sum consecutus. Auctorem³⁾ enim agnouj doctum, accuratum, et, quod de Hipparcho Ptolemaeus, φιλόπονον ϰαὶ φιλαλήθη. Machinam vero illius ingeniosam, sed quam ni fallor industria tua aptiorem reddes. Cum essem Romae et sepiuscule de rebus Mathematicis, Physicis, Anatomicis, vt fit, cum Clarissimis Viris Riccio⁴⁾, Maggiotto⁵⁾ et Trullio⁶⁾, colloquia miscerem, incidit nobis cogitatio occasione phaenomeni Torricellianj, experiendj, num in illo, vti apparet, vacuo, animal aliquod moueri ac viuere posset. Sed nihil nobis successit, cum ea quae tubis inclusimus, Mercurij pondere elisa prius expirarint, quam quidquam obseruare licuerit. Cum vero Maggiottus ὁ μαϰαρίτης in eà esset sententia, quae aerem soni vehiculum ac medium esse tuetur (quidquid tandem ille sit) nec Kircherj experimento fidem haberet, vt rem accuratius examinaremus, in tubo vitreo, in cuius extremitate bulla satis ampla et aperta erat, nolam inclusimus duos tresue digitos latam et valde sonoram, obstructoque, quantâ fieri potuit diligentiâ superiori, cui annectebatur foramine, tubum hydrargyro impleuimus. ac, vt experimentum exigit, non sine labore propter Mercurij pondus depleuimus. Stetit ille in altitudine consuetâ, concusso vero tubo tam debilis e nolâ sonus auditus est, vt incertos nos dimiserit an non ex ipsius tubi tre-

1) Voir l'ouvrage cité dans la Lettre N^o. 873, note 4.

2) Dans une lettre que nous ne possédons pas, et à laquelle de Sluse avait répondu par la Lettre N^o. 1049.

3) R. Boyle.

4) Voir la Lettre N^o. 402, note 3.

5) Voir la Lettre N^o. 397, note 3.

6) Il y avait à Rome trois médecins et chirurgiens de ce nom:
a) Giovanni Trulli, l'ancien, né en 1595 et mort à Rome en 1661. Il était le chirurgien ordinaire d'Urbano VIII et d'Alessandro VII.
b) Stephano Trulli, né en 1603 et mort en 1680. Il était le frère du précédent et le chirurgien d'Alessandro VII et de Clemente IX.
c) Giovanni Trulli, le jeune, fils du précédent, demeurait à Rome, où il vivait encore en 1692.

[p. 226]

more oriretur, a nolâ scilicet, cui vt dixi, arcte colligabatur, impresso. Nosti enim in longissima etiam trabe, si vna sui extremitate pulsetur, sonum ad alteram ratione continuitatis partium subitò deferri.

Aeris elaterem dudum varijs experimentis edoctus eram, sed illo maxime Roberuallij quod in Pecqueti⁷⁾ anatomicis⁸⁾ editum est. Nam Gassendj rationibus acquiescere nunquam potuj, qui vesicae fibras ad statum naturalem redeuntes hic caussatur. Hinc etiam non minimam respirationis caussam petendam arbitratus sum, et cur adeo necessaria sit in lucem editis, immò et in vtero conclusis si Hippocrati et Democrito fides, quorum sententiam (saltem quoad foetus per os nutritionem) nuper renouauit⁹⁾ Courueus¹⁰⁾ Regis Poloniae Medicus. Jn his tenebris lucem expecto a tuis experimentis quibus etiam illustratum iri confido, quantum aer effluuia¹¹⁾ Sanctorij¹²⁾ promoueat vel retardet, et an non ex horum suppressione vel eruptione subitâ, mors animalium recipiente inclusorum oriatur. aliquid certe in luminis inclusi extinctione ἀνάλολον videre videor, quod tu accuratius obseruabis. Sunt et alia circa chymicorum operationes non contemnenda, vt quid ad fermentationem vel praecipitationem, quam vocant, aer conferat, et an ille misceatur ijs salibus (tartari exempli gratia) ex quibus olea per deliquium fiunt, quae pondere duplo, triplo et amplius augeri solent: et quid tandem sit occultus ille vitae cibus quem in aere latere scribit¹³⁾ ϰοσμοπολίτης ille Sendiuogius¹⁴⁾. Jnsuper quid plantarum vegetationj aer conducat: cum enim semina, puta nasturtij aut lactucae,

7) Jean Pecquet naquit à Dieppe en 1622 et mourut à Paris en février 1674. Il était médecin, découvrit les vaisseaux lactés et fut membre de l'Académie des Sciences.

8) Joannis Pecqveti Diepaei Experimenta Nova Anatomica; qvibvs incognitvm hactenvs Chyli Receptaculum, & ab eo per Thoracem in ramos usque subclavios Vasa Lactea deteguntur. Eiusdem Dissertatio Anatomica de circulatione Sangvinis, et Chyli Motu. Accedunt Clarissimorum Virorum perelegantes ad Authorem Epiftolae. Parisiis, Apud Sebastianum Cramoisy, Regis & Reginae Regentis Architypographum, et Gabrielum Cramoisy. Via Jacobaeâ, sub Ciconiis. m.dcli. Cvm Privilegio Regis.
Consultez, dans cet ouvrage, la page 50.

9) J.C. Courveus. De Nutritione Foetus in utero Paradoxa. Dantisci. 1655. in-4^o.

10) Jean Claude de la Courvée naquit vers 1615 à Vesoul (Franche Comté) et mourut en Pologne en 1664. Après avoir fait ses études à paris, il fit une guerre acharnée à la pratique des saignées. Vers 1650, la reine de Pologne le nomma son médecin ordinaire.

11) Consultez l'ouvrage décrit dans la Lettre N^o. 673^b, note 9.

12) Sur Santorio Santorio voir la Lettre N^o. 673^b, note 9.

13) Dans un ouvrage dont nous connaissons l'édition postérieure:
Cosmopolitae [Sendivogii] novum lumen chemicum in XII Tractatus divisum cum Anonymi novo lumine aucto & Orthelii Commentario. Lipsiae. 1682. in-8^o.

14) Michael Sensophax (Sendivog), fils de Jacob Sendimir, naquit en 1566 à Sandez (Cracovie) et mourut à Gravarz en 1646. D'abord théologien, il devint ensuite alchimiste de grand renom; l'empereur Rudolf II le nomma conseiller, et le duc Friedrich von Würtemberg faisait grand cas de lui.

[p. 227]

ita macerarj spiritu vini aut alio liquore possint vt terrae mandata pauco tempore erumpant, posset in experimentum deducj, an in illo recipientis vacuo idem effectus sequeretur. Sed horum iam ἅλις: superest tantum vt hanc ἀπςραντολογίαν excusem, quam a me viri nobilissimi experimenta, et spes quam de tuis concepi maximam, expresserunt. Vnum tamen adhuc addo, monitum esse me septimanâ proxime elapsâ a Clarissimo Riccio, Academicos Florentinos iam esse in procinctu, vt experimenta physica edant in lucem¹⁵⁾, quae Serenissimi Principis Leopoldi auspicijs, his vltimis annis fecerunt. Sed hoc fortassis ab illis iam accepisti. Vale igitur Vir Clarissime meque amare perge. Dabam Leodij viij Septembris mdclxii

Tui Obseruantissimus Renatus Franciscus Slusius.

15) Voir l'ouvrage cité dans la Lettre N^o. 1000, note 5.