Oeuvres complètes. Tome IV. Correspondance 1662-1663

N^o 1049.
R.F. de Sluse à Christiaan Huygens.
18 août 1662.

La lettre se trouve à Leiden, coll. Huygens.
Chr. Huygens y répondit par le No. 1065.
Elle a été publiée par C. le Paige dans le Bull. di Bibliogr. T. 17.

Nobilissime Domine

Mirum in modum delectarunt me literae tuae¹⁾, quibus te incolumem ad lares patrios tandem redijsse intellexi. Quod si mihi prius innotuisset, stimulum profecto non mediocrem admouerj sensissem ad suscipiendum iter illud de quo scribis: licet enim multis dotibus se commendet Hollandia, praecipuam tamen illam habeo quod te alumnum iactet, quem prae reliquis ἀξιοϑαυμάστοις quibus aduenarum

1) Nous ne possédons point cette lettre de Chr. Huygens à de Sluse; elle doit avoir été écrite après le 17 mai 1661, jour du retour de Chr. Huygens d'Angleterre.

[p. 207]

oculos moratur, videre et complecti optassem; sed dilata tantum profectio est, et erit, vt spero, illa dies, qua hanc quoque alijs non paulo longioribus adijciam. Literas Parisienses²⁾ in quibus de penduli oscillationibus egisse te scribis, malo meo fato nullas accepi. De Experimentis Illustrissimj Boile ante annum³⁾ certior redditus eram ex Anglia a Viro Nobili⁴⁾ mihique amico, qui nuper me quoque de illis sententiam rogauit, et monuit multos esse qui contradicerent. Sed magnum pro illorum veritate apud me praeiudicium est, quod ea tibi placere intelligam. Liber⁵⁾ interim, quae Typographorum nostrorum ἀϕιλοϰαλία est, hic adhuc non prostat. Quapropter patiere te rogavi a Domino Vanderuekio nostro⁶⁾ vbi venalis sit, ab eo enim petij vt te indicante quamprimum ad me destinaret.

Languent studia mea, vt solent: praeterquam enim quod nugas illas meas de infinitis solutionibus⁷⁾ in chartam conieci, nihil a me praestitum est, saltem quod te dignum existimem. Nuper tamen methodum tangentium⁸⁾ ex notâ applicatarum ad partes axis qualicumque ratione, quam ante plures annos inueneram, ad facilitatem maximam deduxj, ita ut inspectâ solum in terminis analyticis aequatione quae curuae proprietatem ostendit, fere absque calculo tangentem ducam. Vnam hic meâ methodo inuentam addo, in curuâ quam olim Clarissimus Gutiscouius mihi proposuit.

Jnter parallelas AB, DC iunctas normali AD, intelligatur curua DF talis naturae, vt sumpto in illâ quolibet puncto F, et iunctâ DF, si ad illam excitetur in F normalis FC occurrens DC in C, recta FC sit semper aequalis AD. Ex qua descriptione patet AB fore curuae Asymptoton. Tangens vero facile habetur in puncto dato vt F, demissâ enim normali FE, et producta CD in G, ita ut tres CE, CD, CG, sint in continuâ proportione, iuncta GF curuam continget. Nec multo operosior erit constructio in alia curua huic simili, in qua scilicet angulus DFC, rectus non supponeretur sed quilibet alius datur. Sed haec leuia sunt et

2) Nous n'avons pas trouvé dans nos collections cette lettre de Chr. Huygens à de Sluse.

3) En effet, on connaissait des expériences de Boyle sur la pompe pneumatique dès l'année 1660.

4) Probablement s'agit-il ici de
Sir Richard Townley, vivant à Towneley, disciple de Boyle, le seul anglais qui à cette époque-là fût en relation avec de Sluse.

5) Probablement l'ouvrage mentionné dans la Lettre N^o. 873, note 4.

6) Consultez la Lettre N^o. 643, note 3.

7) Consultez la Lettre N^o. 663.

8) C'est la première fois que cette méthode des tangentes est mentionnée: elle donna lieu à une correspondance entre Chr. Huygens et de Sluse.

[p. 208]

tibi serio rerum istarum aestimatori non proponenda. Nihil igitur addam amplius, nisi esse me ex animo

Tui obseruantissimum

Renatum Franciscum Slusium.

Dabam Leodij xviii Augusti

mdclxii.

Nobilissimo Clarissimoque Domino

Domino Christiano Hugenio de Zulichem

Hagam.