Briefwisseling van Hugo Grotius. Deel 12

5242. 1641 juni 22. Aan A. Oxenstierna.¹

Excellentissime et illustrissime domine,

Dux Longovillanus nunc demum praemissa familia ac sarcinis itineri in Germaniam se parat, Portugallico autem marchio Breszaeus.² Aiunt legati Portugallici³ insulas, quae in Oceano sunt, accessisse novo regi, de quo tamen nihil certi habent mercatores.

De pacanda controversia Sedanensi sermones quidem hic seruntur, sed rex famem sperans eius civitatis, quae iam ex custodito publicitus frumento pasci incipit, non videtur contentus fore nisi plenissimo obsequio. Ad Airam obsidio bene procedit speraturque intra mensem deditio, sed si cum Sedano quovis modo transactum fuisset rectaque penetratum valido cum exercitu in Belgicae intima aliaque ex parte idem fecisset princeps Arausionensis, videbatur hic annus distracto undique cardinali Hispano et deficientibus ex Hispania pecuniis, quae res dites mercatores Antverpiae fortunis suis iam evolvit, magna tum Gallis tum Batavis promittere. Dabo hic operam, ut omni modo confirmentur et animi et vires tum Luneburgico, tum Hassicae⁴ neque enim dubito, quin hoc rerum cardine spe pacis eos tentaturus sit imperator.

Regina regis Galliae mater⁵ ab Anglico parlamento rogata levare terras illas suo abitu, videtur per Belgicam itura aut Leodium aut in Batavos. Dicitur Gillo Hasius⁶ dividere copias et parte ad Belgas missa retinere alteram.

Scriba⁷ marescalli Hornii adhuc apud aulam est spe, credo, conficiendi negotii lactatus.

Ducis Lotharingi copiae accepto mensis unius stipendio eunt, ut se apud Sedanum Castilionaeo⁸ coniungant. Sunt autem illae ducis copiae bis mille equites, pedites totidem. Guisius Bruxellis iterum fuit accepitque centum millia scutatorum. Lamboius et Beckius⁹ habentes secum XII hominum millia se collocarunt inter Monstrolium et Airam nec tamen eo minus a Monstrolio commeatus sub magnis praesidiis ad castra commeant.

Novem naves a Portorico et Dominici insula mercium divites ignorantia rerum mutata-

1 Copie Dresden, Sächs. Landesbibl., C 61, 28; copie Leipzig, UB, ms. 2633, f. 75. Gedrukt Oxenst. Skrifter 2. afd., IV, p. 136 no. 379.

2 Jean Amand de Maillé, markies van Brezé (no. 5103 n. 9).

3 Francisco de Mello en dr. António Coelho de Carvalho (no. 5028 n. 6).

4 Christian Ludwig, hertog van Braunschweig-Lüneburg, en Amalia Elisabeth van Hanau-Münzenberg, landgravin-regentes van Hessen-Kassel.

5 Maria de' Medici reisde in september 1641 via de Republiek naar Keulen.

6 Gilles de Haes, Vlaming in keizerlijke dienst (no. 5041 n. 20).

7 Georg Hansson von Snoilsky (no. 5226 n. 4).

8 Gaspard de Coligny, hertog van Châtillon (no. 5119 n. 3).

9 Wilhelm, baron van Lamboy (no. 5005 n. 12), en Johann von Beck (no. 5140 n. 19).

[p. 360]

rum ad se pervenisse aiunt Portugalli alimenta bello. Tarragonae qui sunt Hispani, multi numero, dicuntur pepigisse, ut se dederent, nisi intra dies quinque auxilium adesset. Id auxilium parat nunc Ferdinand[in]us¹⁰ classe validior Burdegalensi antistite;¹¹ eventus in dubio est. Interim Colubram oppidum Ruscinonensis tractus maritimum obsidere dicitur Condaeus princeps.

Manet seditio agrestium circa Bernam. Sunt et in Gallia quaedam, sed quas facile erit opprimere, quantum ex praeteritis rebus licet coniectare.

Deus etc.

Lutetiae, XII/XXII Iunii MDCXLI.

Decretum ordinum Portugalliae, quod mitto,¹² videtur mihi plus dubitationum movere quam discutere. Vetita hic est huius libelli venditio, ut viam monstrantis ad spernendos reges. Rediit scriba D. Hornii literasque a D. Chavigniaco ad me¹³ retulit, quas mitto.

Princeps Condaeus in Ruscinonensi tractu duo cepit oppida modica, Canetum et Argillerium. Dux Longovillanus it Colmariam reperturus ibi cohortes sive regimenta novem. Sedanenses turrim Claram vi cepere. Airam defendunt MCCCC milites, rustici totidem.

10 García de Toledo y Osorio, markies van Villafranca, hertog van Fernandina.

11 Henri d'Escoubleau de Sourdis, aartsbisschop van Bordeaux (no. 5121 n. 27).

12 Ontbreekt. Zie no. 5241 n. 20.

13 Dit antwoord op Grotius' brief aan Chavigny, no. 5226, ontbreekt.

Bovenaan de brief in de copie te Leipzig: Argumentum. Qua conditione Sedanenses in gratiam recipiendi. Illius rei moram communi rei officere existimat. Luneburgici et Hassica in fide Suecis data retinenda. Viduae Gallicae in Anglia a parlamento discessus suadetur. Belgicae expeditiones. Naves Hispanorum errore in portus Portugallicos incidentes. Galli defectionem Portugallorum amantes descriptionem et publicam illius excusationem vendi vetant.