Briefwisseling van Hugo Grotius. Deel 11

[p. 543]

4859. 1640 september 29. Aan A. Oxenstierna¹.

Excellentissime atque illustrissime domine,

Venit ad me die Lunae exacto comes Chavigniacus² dixitque regem auditis, quae ego pro mareschalli Hornii³ libertate proposueram, constituisse Waertium⁴ mittere Nanciacum, ubi miles redisset in hiberna, ut sic majore cum praesidio deduci posset. Placere item regi, ut Waertius cum Hornio permutetur ita tamen, si foederis cum Suedia prolatatio fieret. Nullas regem videre causas, cur id in deliberationem veniat, cum rex omnia foederis antehac facti sua ex parte impleverit et bellum feliciter procedat capta nunc - nam hoc addebat - et Taurinorum urbe. De ea urbe capta rumor quidem est aliquis, sed parum liquidus. Plerique putant bellum illud pace compositum eoque magis, quod dicatur princeps Thomas⁵ esse in libertate. Dicebat praeterea Chavigniacus audisse regem questum me apud Sublimitatem tuam, quod non is, qui deberet mihi, habitus esset honos a Franciae cancellario⁶; cancellarium semet excusare, regis autem esse voluntatem, ne minus mihi quam aliis regum legatis honoris haberetur, ac cupere id in Suediam scriberem. Dixi me vera scripsisse, non tamen eum esse, qui, siquid per incuriam factum esset, ubi de animo constaret, oblivione id sanare non possem; scripturum me in Suediam ac confidere futurum hic, ut in veteri possessione defendar.

Locuti etiam sumus de Angliae rebus. Ita autem sentiebat D. Chavigniacus, si rex Britanniae foedus nostrum amplexus esset, non modo bene consulturum eum fuisse palatinae domui ac Germaniae rebus, verum etiam obsequentioribus usurum populis, quibus suspecta est Hispanorum apud aulam auctoritas. De principe palatino⁷ benigne loquebatur.

Dicitur rex Hispaniae venisse Barcinonem et quidem sine Olivaresio⁸, quo gratior suus sit adventus apud gentes nondum persanatas.

Res Germanicas iis nuntiandas relinquo, qui in Batavis sunt, Helveticas autem Marino⁹, cujus memorem fore Sublimitatem tuam spero; res enim ejus id exigunt.

Hohentvila circumsidetur ab Hispanis; praefectus¹⁰ autem novo juramento illigavit milites.

Bavarus, ut alios decipiat, simulat non bene sibi cum Austriacis convenire.

Deus, Excellentissime et illustrissime domine, consilia Sublimitatis tuae pro bono Suediae Europaeque totius prosperet.

Tuae Sublimitatis cultor devotissimus
H. Grotius.

1 Gedrukt Epist., p. 646; Oxenst. Skrifter 2. afd. IV, p. 75.

2 Léon le Bouthillier, graaf van Chavigny, Frans staatssecretaris van buitenlandse zaken.

3 Gustav Karlsson Horn. Grotius was op 12 september bij Lodewijk XIII op audiëntie geweest; vgl. no. 4836.

4 Johan van Werth.

5 Tommaso Francesco van Savoye.

6 Pierre Séguier; vgl. no. 4835 aan Oxenstierna.

7 Karl Ludwig van de Palts.

8 Gaspard de Guzmán, graaf-hertog van Olivarés.

9 Charles Marin(i), Zweeds resident in Zürich. Hij schreef Grotius geregeld over zijn financiële problemen veroorzaakt door het uitblijven van zijn salaris. Grotius bepleitte in de loop van 1640 enige malen zijn zaak bij Oxenstierna; vgl. nos. 4633, 4759, 4803, 4961 en 4974 (resp. 5 mei, 28 juli, 25 augustus, 8 en 15 december).

10 Konrad Widerholt.

Lutetiae, 29 Septembris 1640.

Si foederis prorogationem¹¹ nihil praeter disputationem de pecunia moratur, haud dubie cardinalis pecuniam promissam augebit.

11 Het verdrag tussen Zweden en Frankrijk werd in juni 1641 verlengd; zie Du Mont, Corps Dipl. t. VI, I, p. 207vv.

[p. 544]

Ex urbe Taurinorum exiere octo millia militum. Princeps Thomas apud viduam¹² est. Ceterae pactiones latent.

Spargitur hic Catalanos iterum in motu esse et obsidere maritimum oppidum Rosas et implorare opem Galliae terra ac mari.

Hispani Lotharingiam et Burgundiae ducatum ab equite vacua incursant.

12 Christine de France, hertogin van Savoye.

Adres: Axelio Oxenstiernae, sacrae reg. Maj. regnorumque Sueciae senatori et cancellario.