Briefwisseling van Hugo Grotius. Deel 11

4835. 1640 september 15. Aan A. Oxenstierna¹.

Excellentissime et illustrissime domine,

Quae nuper de Franciae cancellario² scripsi, vera erant, imo minus vero scripseram.

1 Hs. Stockholm, RA. Oxenst. Saml., Brev till Axel Oxenstierna, E 607. Gedrukt Epist., p. 645; Oxenst. Skrifter 2. afd. IV, p. 72; postscriptum gedrukt Ep. Meerm., p. 278; gedeelt. gedr. Archenholtz, Mémoires Christine I, p. 75, waar de datering luidt: 3/13 nov. 1638.

2 Pierre Séguier; vgl. no. 4722 dd. 5 juli.

[p. 515]

Nam neque obviam mihi venit, ut mos est, neque de more debitum dedit locum neque deduxit quousque mos est. Caeterum cum nudiustertius ad me venit comes Brulonus³ dixeritque praesentibus etiam cancellarii domesticis, siquid fuisset, quod mihi minus placeret, id incuriae magis quam consilio asscribendum, velle regem a ministris suis eum mihi haberi honorem, qui regum legatis dari soleret, hoc quoque non caelandam Sublimitatem tuam judicavi. Cum dicerem sperare me non minori me habitum iri loco quam Angliae legatum⁴, dixit in Gallia cuique honorem esse pro suo gradu. Nuntii pontificii⁵ dignitatem cum multis efferret, de eo silendum mihi duxi. Cum vero mutabilia sint horum hominum ingenia, si ad pactiones aliquas reditur⁶, huic quoque rei cautione aliqua provideri necessarium arbitrer.

Deus, Excellentissime et illustrissime domine, Sublimitatem tuam sospitet.

Tuae Sublimitatis cultor studiosissimus
devotissimusque
H. Grotius.

3 Anne, graaf van Brulon, ‘introducteur des ambassadeurs’.

4 Robert Sidney, graaf van Leicester.

5 Ranuccio Scotti.

6 Het verdrag tussen Zweden en Frankrijk werd in juni 1641 verlengd; zie Du Mont, Corps Dipl. t. VI, I, p. 2O7vv.

Lutetiae, V/XV Septembris MDCXL.

Rogo, Sublimitas tua haec digna ducat sua cura. Alioqui ab uno gradu ad alium, deinde ad alium detrudimur. Et Galli honores pro commodis vendent.

Adres: Excellentissimo et illustrissimo domino, domino Axelio Oxenstiernae, senatori et cancellario reginae regnique Suedici etc., libero baroni in Kymitho etc.