Briefwisseling van Hugo Grotius. Deel 11

4961. 1640 december 8. Aan A. Oxenstierna¹.

Excellentissime atque illustrissime domine,

Ex multorum sermonibus cognosco sollicitam esse hanc aulam super negotio foederis cum regno Suedico² et in metu, ne haec res aliquando in pacem Suediae cum imperatore transeat. Ego in re suspensa suspensis etiam verbis utor.

Erlachius³ hic est crediturque pro Brissacensi praefectura accepturus dignitatem mareschalli Franciae. Et dux Longavillanus et Harcurtius⁴ brevi hic erunt. Cardinalis autem Hispanus aegrotare dicitur, Leopoldus⁵ hiemem acturus Ratisbonae. Interim spargi per Franconiam, Sueviam et Wetteraviam imperatoris copiae ac porro usque ad vicina Batavis; Fridberga verberari machinis Glenii⁶.

Marinus noster⁷ aegrotat rogatque me, ut hanc chartam pro suis literis ad Sublimitatem tuam mittam, cui ipsum ipsiusque necessitates, ut feci antehac, nunc quoque commendo.

Civitas Leodiensis ita se in obsequium episcopi et principis sui⁸ restituit, ut pars illa, quae Gallorum consiliis se dederat, afflicta jaceat residensque Galliae⁹ ob summa pericula coactus fuerit discedere. Idem ne apud Catalanos eveniat, video a multis metui.

In Italia aut fit pax aut facta est revocabiturque a Roma legatus Estraeus¹⁰, hinc nuntius Scottus¹¹, ut omnia inter papam et regem Galliae simultates tollantur. Mazarinus

1 Gedrukt Epist., p. 658; Oxenst. Skrift. 2. afd. IV, p. 88.

2 Het verdrag tussen Zweden en Frankrijk werd in juni 1641 verlengd; zie Du Mont, Corps Dipl. t. VI. I, p. 207vv.

3 Johann Ludwig von Erlach, goeverneur van Breisach.

4 Henri d'Orléans, hertog van Longueville, en Henri de Lorraine, graaf van Harcourt-Armagnac.

5 Aartshertog Leopold Wilhelm, broer van keizer Ferdinand III.

6 Gottfried Huyn, graaf van Geleen, keizerlijk bevelhebber.

7 Charles Marin(i), Zweeds resident in Zürich. Hij schreef Grotius geregeld over zijn financiële problemen veroorzaakt door het uitblijven van zijn salaris. Grotius bepleitte in de loop van 1640 enige malen zijn zaak bij Oxenstierna; vgl. nos. 4633, 4759, 4803, 4859 en 4973.

8 Ferdinand van Beieren, keurvorst-aartsbisschop van Keulen.

9 Louis de Fiquelmont, abt van Mouson.

10 François-Annibal d'Estrées, markies van Coeuvres.

11 Ranuccio Scotti.

[p. 655]

inde rediens multas theatrales machinas ad cardinalem Riceliacum, qui domi suae ingens theatrum suscitat¹², adferet.

Deus pro malis nuntiis qui de regina rebusque Suedicis per inimicos sparsi sunt¹³, det nobis res bonas et ad id, excellentissime et illustrissime domine, tuam Sublimitatem servet.

Tuae Sublimitatis cultor devotissimus
H. Grotius.

12 Het theater werd op 14 januari 1641 geopend met de première van de Mirame van Des Marests. Vgl. C. Burckhardt, Richelieu III, p. 451 en n. 7; A. Adam, Hist. litt. fr. I, p. 468v.; Tallemant des Réaux, Historiettes (ed. A. Adam) I, p. 906.

13 Zie hierover no. 4926 van Georg Keller.

Lutetiae, 8 Decembris novi Calendarii anni 1640.

Discimus jam Gallicas cohortes ire ad Catalanos acceptis novem obsidibus; regem Hispaniae Madritii esse; exercitum ejus Caesaraugustae; in Italia prolatas indutias; ducem Carolum¹⁴ in agro Treverico esse; Peronae agi de mutandis captivis; occisum a Rosae¹⁵ milite Bredam castrorum praefectum¹⁶ et qui sub eo erant milites ferme mille caesos aut captos. Anglos minari usuros se vi ob naves suorum ab archiepiscopo Burdegalensi¹⁷ captas; a novo onere solidi in libram eximi panem, vinum et esculenta quaedam; rogare comitem Suessionensem¹⁸, ut licentia antehac sibi concessa manendi in urbem Sedani prorogetur in triennium.

Aiunt quidam Hispaniae regem consultare de transscribenda in Ferdinandum III Belgica et jure quod habere se in Batavos putat accepta permutatione aliqua. Haud absurda cogitatio, quia et imperator terras multas imperii tenet vicinas Belgis et facilius ipse quam rex Hispaniae cum Batavis pactiones aliquas facere poterit bello finiendo aut suspendendo.

14 Karel IV, hertog van Lotharingen.

15 Rheinhold von Rosen, een van de directeuren van het leger van wijlen Bernhard van Saksen-Weimar.

16 Hans Rudolph, vrijheer van Bredaw, luitenant-generaal in keizerlijke dienst.

17 Henri d'Escoubleau de Sourdis. Het betreft vermoedelijk de in juli 1640 buitgemaakte schepen die ten behoeve van Spanje voeren; vgl. Sue (ed.), Corresp. d'Escoubleau II, 221, 223, 226, 358.

18 Louis de Bourbon, graaf van Soissons.

Adres: Axelio Oxenstiernae, sacrae reg. Maj. regnorumque Sueciae senatori et cancellario.