Briefwisseling van Hugo Grotius. Deel 7

2612. 1636 mei 30. Van A. Oxenstierna³.

Nobilis et magnifice domine legate,

Intelligo ex literis vestris⁴ multum in Gallia rumorem spargi de tractatibus pacis auctore pontifice⁵; nec res mihi vana visa est, cum in manus pervenit a domino Charnassaeo⁶ facta Ordinibus foederati Belgii propositio de nominandis ad dictos tractatus legatis. Nec multi dies abierunt, cum super eodem negocio mihi regis sui⁷ mandata perscripserit marchio S. Chaumontius⁸, cuius literarum exemplar et quid ego responderim videbit Dominatio Tua hic adiuncta sub lit. A et B.⁹. Poterit exhinc dijudicare rem omnem et habitura est inde occasionem in cuncta commodius inquirendi.

Statum rerum in his oris quod concernit, existimo singulis nunciis per secretarios meos ea, quae interveniant memorabilia communicari; nec nunc quidquam habeo speciali nuncio dignum morante in Werbenianis castris domino Bannerio¹⁰ Saxonibus autem Atzfeldianisque¹¹ oppugnationem Magdeburgi summo, uti fertur, studio parantibus utrisque sese mutuo observantibus ac quotidianis velitationibus nostris hactenus prosperis invicem lacessentibus.

Tantum id celandum Dominationem Tuam non arbitror accersitum me ab illustrissimis regni administratoribus¹², postquam iam omnes tractatus de pace sint interrupti ac rerum in Germania status tam notabiliter sit immutatus, ut ipsos de statu ac rationibus belli tractatuumque oretenus plene edoceam stare nunc in procinctu ingrediendi itineris, quod publico bono susceptum intra unius alteriusve mensis spatium bono cum Deo absolvere spero et dominos principales meos ad resolutiones communi causae proficuas disponere.

3 Hs. Stockholm, RA., coll. Gallica, brev till legaten Hugo Grotius 1635-1638. Orig. eigenh. ondertek. met postscr. in derde hand. Antw. op o.a. nos. 2536, 2550, 2574 en 2585; beantw. d. no. 2685. Gedrukt Oxenst. Skrifter I. afd. XV, p. 482.

4 Zie bijv. nos. 2536 in fine, 2550 aanhef, 2574, 2585.

5 Urbanus VIII.

6 Hercule Girard, baron van Charnacé, Frans gezant in Den Haag.

7 Lodewijk XIII van Frankrijk.

8 Melchior Mitte de Miolans, markies van St. Chaumont, speciale gezant van Lodewijk XIII bij Axel Oxenstierna.

9 Resp. dd. 11 en 18 mei 1636; zie voor Oxenstierna's antwoord: Oxenst. Skrifter 1. afd. XV, p. 455 (no. 248).

10 Johan Gustavsson Banér, Zweeds maarschalk.

11 De troepen onder Melchior von Hatzfeldt und Gleichen.

12 Zie voor hun namen VI, p. 509 (no. 2464).

[p. 177]

Haec nunc tantum occurrabant¹ Dominationi Tuae de caetero omnimodam² prosperitatem voveo.

Dominationis Tuae amicissimus
Axelius Oxenstierna m.p.

1 Verschrijving voor ‘occurrebant’.

2 De uitgave der Oxenst. Skrifter heeft ‘omnimodum’.

Dabantur Stralsundii die 20/30 Maii Anni 1636.

Ante octiduum copias suas landgravius³ Leslio⁴ iunxit hostem vi adorituri, si sui copiam fecerit, vel Hanoviae liberationem tentaturi.

Dominus Bannerius duo rursus regimenta equitum ad Ratenoviam et Vetus Brandenburgum caecidit prosperrimis semper conflictibus.

3 Wilhelm V, landgraaf van Hessen-Kassel.

4 Alexander Leslie, later graaf van Leven; zie over hem V, p. 420 n. 2.

Adres: Nobilissimo Domino Hugoni Grotio, sacrae Regiae Majestatis Sueciae consiliario et ad Christianissimum Galliae regem legato ordinario.

In dorso schreef Grotius: 30 Maij 1636 Cancellarius.

En boven aan de brief: Rec. 22 Iulij.