Briefwisseling van Hugo Grotius. Deel 6

2423. 1636 januari 4. Aan L. Camerarius².

Illustrissime Domine,

Hodie, quarto novi anni ex nostro calendario, quem annum tibi tuisque felicem precor, accepi tuas IV Decembris exacti datas; quae me, ut debent, delectarunt, cum et valere te cum familia inter tantas strages video et mei non deposuisse memoriam. Spero et meas, quas 29 Novembris quasque septimo, XIII et XX Xbris scripsi³, recte ad te perlatas testes fore non claudicantis diligentiae meae.

In Valle Telina quae agerentur, in illis perscripsi. Si quid deest, supplebit his ad nobilissimum filium tuum⁴ literis qui illis in locis agit Marinus⁵. Et ibi et in Italia res omnes in ver quiescent. Sicut ex Germania copiae eo transeunt, ita et Crequiaco⁶ ex Languedocia, Delphinatu, Provincia veniunt supplementa; neque vero dormiunt doli laborantibus Hispanis, ut per spes privatas qua Sabaudum⁷, qua Parmensem⁸ a Gallis abstrahant.

Per hoc regnum magna pecunia cogitur, sed magna cum invidia. De pace sermones multi, cui negotio rex⁹ Bressaeum¹⁰, Feuquerium¹¹, Davausium¹² destinat; Imperator¹³ Herbipolensem episcopum¹⁴, Fuggerum praesidem¹⁵, baronem Curtium¹⁶; Hispanus¹⁷ comitem Ognatensem¹⁸ et Mirabellium¹⁹ addito ad hos alio missurus creditur. Locum Imperator Constantiam vellet, Hagam, ut audio, Batavi; media sententia Leodium proponit. Video rogatum a D. Sancti-

2 Copie Uppsala, UB., cod. 388a, Ep. 29. Gedrukt Epist., p. 207. Geadresseerde, Ludwig Camerarius, was Zweeds gezant te Den Haag.

3 Resp. nos. 2371, 2380, 2389 en 2399.

4 Joachim Camerarius; zie over hem II, p. 505 n. 10.

5 Charles Marini, agent te Zürich.

6 Charles Créquy de Blanchefort de Canaples.

7 Vittorio Amedeo, hertog van Savoye.

8 Odoardo Farnese, hertog van Parma.

9 Lodewijk XIII van Frankrijk.

10 Urbain de Maillé, markies van Brezé.

11 Manasse de Pas, markies van Feuquières.

12 Claude de Mesmes, graaf van Avaux.

13 Ferdinand II.

14 Franz von Hatzfeldt und Gleichen, bisschop van Würzburg; zie no. 2413, p. 436 n. 1.

15 Johann Ernst Fugger; zie no. 2413, p. 436 n. 2.

16 Ferdinand Siegmund Kurz, graaf van Senftenau; zie no. 2413, p. 436 n. 3.

17 Philips IV van Spanje.

18 Don Inigo de Guevara, graaf van Oñate.

19 Don Antonio de Zuñiga y Davila, markies van Mirabel.

[p. 449]

chaumontio¹ magnum cancellarium², ut et pro Suecia mittantur. Mihi non multum placet papa³ arbiter. Batavis magnum pacis impedimentum, ni fallor, erit Brasilia.

De Scenquiano castello⁴ spem bonam esse gaudeo. De duce Bulionaeo⁵, quin factus sit pontificis, nemo hic dubitat et de illis Trajecti captivis qui evasere⁶, non bella est fama. Multi ipsum ducem huc venturum putant, de Sedano ut aliquid conficiat cum rege.

Fuit hodie mecum Britanniae legatus⁷, cui narravi, quibus argumentis Ser. electoris⁸ causam, apud legatum Venetum⁹ varia objectantem mihi, egissem. Non erat ingratum ipsi officium, et videtur meliuscula a Gallis sperare.

De Maguntiaco, Hanovia, Hagenavia, Colmaria, nihil certi intelligimus ipsaque nos ignorantia sollicitos habet. Sunt in hac urbe Feuquerius, Lagrangius¹⁰, Bellevrius¹¹, consultores satis multi.

Deus det bellum nostris felix, aut potius parti utrique exhaustae impendiis fidam pacem; idemque te, illustrissime domine, cum tuis omnibus sospitet.

Illustrissimae Dominationi Tuae addictissimus
H. Grotius.

1 Melchior Mitte de Miolans, markies van St. Chaumont.

2 De Zweedse rijkskanselier Axel Oxenstierna.

3 Urbanus VIII.

4 Over Schenkenschans zie no. 2241, p. 175 n. 1.

5 Frédéric Maurice de La Tour d'Auvergne, hertog van Bouillon; betreffende zijn overgang tot het katholicisme zie no. 2322, p. 295 n. 16.

6 Vgl. no. 2361, p. 353.

7 Burggraaf John Scudamore.

8 Karl Ludwig, zoon van de Winterkoning Frederik V van de Palts.

9 Alvise Contarini di Nicolo.

10 Jacques de Loys de La Grange aux Ormes; zie over hem no. 2229, p. 155 n. 1.

11 Pomponne de Bellièvre (1606-1657); hij was juist teruggekeerd van een missie naar Italië.

Lutetiae, 4 Ianuarii, MDCXXXVI ex n.c.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala in margine: Redd. A.^o 1635(!) 4/14 Ianuarij.