Briefwisseling van Hugo Grotius. Deel 6

2371. 1635 november 29. Aan L. Camerarius².

Illustrissime Domine,

Nullas me iampridem accipere litteras ab Oceano magis est cur doleam quam quod mirer. Est enim commune id omnibus malum ventis, ut putamus, viam claudentibus.

Mihi quod scribam nihil eximium est: adeo frigent omnia, et ad Rhenum ac cisrhenana resides se mutuo aspectant adversi exercitus; nisi quod ab hostium parte captas Elsatiae Tabernas nunc demum audimus, eo tristiores, quod si id illis impune licuit, quid ni idem in vicina oppida liceat, nihil apparet.

Bene quod Incolismensem³ cum Lafortio⁴ discordem rex⁵ huc vocavit. Bene quod duci Bernhardo Vinariensi⁶ IV promittit florenorum milliones annuos, dum inde alat peditum XII, sex equitum millia, quanto minus est habiturus militum, tanto et minus accepturus pecuniae. Verum haec quidem spes, ut futura omnia, incerta est: illud certum, quod eidem duci praesentis pecuniae missa sunt quadringenta millia florenorum.

Ex Italia prospera pensantur contrariis. Discessum ab obsidione Valentiae Sabaudo⁷ et Crequiaco⁸ per libellos culpam altero in alterum reiectantibus. At dux Rohanius⁹, qui solus victoriis suis huius anni diurna implevit¹⁰, cum 14/24 Octobris Luvinum inter et Bormium Valle, quae Frela dicitur, immuniissent se Hispani ac Caesariani¹¹, mille et centenos aliquot die 21/31 eorum pedites cecidit, equitem disiecit eodemque tempore ingruentem in Sondrium aliam hostium pro-

2 Copie Uppsala, UB., cod. 388a, Ep. 25. Copie Den Haag, ARA. Eerste afd. coll. Hugo de Gr. Aanw. 1911 XXIII no. 1, p. 101. Gedrukt Epist., p. 198. Ludwig Camerarius was Zweeds gezant in Den Haag.

3 Charles de Valois, hertog van Angoulême.

4 Jacques Nompar de Caumont, markies van La Force.

5 Lodewijk XIII van Frankrijk.

6 Bernhard, hertog van Saksen-Weimar.

7 Vittorio Amedeo, hertog van Savoye.

8 Charles Créquy de Blanchefort de Canaples.

9 Henri, hertog van Rohan.

10 De copie te Uppsala heeft de lezing: implicavit.

11 De troepen van keizer Ferdinand II.

[p. 367]

cellam victoriae illius fama suique terrore repulit. Inde Rhaetis et protestantibus Helvetiis crescunt animi.

Picardia vicinaeque regiones Galliae ita a Croatis infestae sunt, ut deserantur itinera, fument villae.

In Honorati insula validum castellum struit Hispanus, ut maris usum Gallis turbet.

Deus, Illustrissime Domine, te tuosque servet, morbosque ac cetera mala a vobis arceat.

Illustrissimae Dominationi Tuae
addictissimus observantissimusque
H. Grotius.

Lutetiae, 19/29 Nov. MDCXXXV.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala in margine: Redd. A.^o 1635 4/14 Xbris.