Briefwisseling van Hugo Grotius. Deel 6

2424. 1636 januari 4. Van C. de Groot¹².

Pater mihi sancte,

Quod nunc scribo, id ea tantum facio de causa, ut scias me, sicut debeo, ita esse officii mei observantem. Nam et Sadlerus¹³ et Spiringius¹⁴ absunt etiamnum, quorum exspectandus est uterque, antequam de meis fiat quicquam. Caeterum nec de istis nummariis, quorum mentionem faciunt litterae tuae, hoc inconsulto statuerit certi quid magnus cancellarius¹⁵.

12 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 25. Eigenh. oorspr.

13 Philip Sadler, officier in Zweedse dienst.

14 Petter Spiring Silvercrona, raad van financiën van Zweden.

15 De Zweedse rijkskanselier Axel Oxenstierna.

[p. 450]

Ad nova quod pertinet, sparguntur hac urbe rumusculi de facta armorum suspensione electorem¹ inter et Bannerium², sed rumusculi tantum; illud certum est electorem instare multum, ut pro tempore cessent hostilia, cuius in exercitu tanta iam est trepidatio, ut eo inspectante castellum Werbianum, cuius satis magna utilitas ceperint nostri, quanquam numero invalidi. Vexilla XII cum tormentis bellicis IV plaustrisque aliquot praeda onustis huc advectos vidimus, quorum omnium copiam fecit postremus iste conflictus. Interim Marasinum³, Caesaris⁴ is copiis imperat, cum VI millibus, quorum in numero isti sunt, quod contra iuratam fidem Vinariensis Wilhelmus⁵ simul cum Erfurdia hosti tradidit, aiunt disparso et vaganti succurrere, eisque Lunemburgicum⁶ regimenta, quae vacant, III iungere.

At vestris in partibus supine adeo rem geri dolemus; Tabernas certi sunt qui dicunt derelictas simul cum castello, quod adiacet, cum nec ab hoste nec intra urbem ulla premerentur necessitate adeo inhoneste et turpiter, ut non immerito ipsorum societas culpetur nobis, hosti autem habeatur ludibrio.

Deus haec omnia ad finem dirigat nobis haud improsperum, cuius tutelae, venerande pater, te matremque meam commendo.

Tuus tibi obedientissimus filius
C. Grotius.

1 Johann Georg, keurvorst van Saksen.

2 De Zweedse maarschalk Johan Gustavsson Banér.

3 Rudolf Marazini, keizerlijk veldmaarschalk.

4 Ferdinand II.

5 Wilhelm van Saksen-Weimar; zie over hem p. 25 n. 1.

6 Georg, hertog van Braunschweig-Lüneburg.

Straelsunda, XXV Decemb. vet. cal. 1635.

Discessit ab hac aula Wolfius⁷, cuius litteras hisce inclusas accipies simul cum characteribus, quibus quae habebitis rectiora ea condetis in posterum.

Vix scripseram hasce, cum afferuntur magno cancellario litterae, quae pactas dierum XIV inducias affirmant, ipsumque interea electorem abesse ab exercitu et Dresdam se contulisse. In Werbiano castello, cuius supra mentionem feci, tormenta XII medii generis reperta a nostris.

7 Herman Wolff, juris doctor, Zweedse hofraad en gezant bij landgraaf Wilhelm V van Hessen-Kassel.

Adres: A Monsieur Monsieur l'Ambassadeur de Suède à Paris.

In dorso schreef Grotius: 25 dec 1636 (sic) C. de Groot.