Oeuvres complètes. Tome V. Correspondance 1664-1665

N^o 1469.
R. Paget à Christiaan Huygens.
21 septembre 1665.

La lettre se trouve à Leiden, coll. Huygens.
Chr. Huygens y répondit par le No. 1471.

S.P.D. Generosissime atque amicissime Domine Hugeni,

compluribus à te beneficiis affectus (lentium sanè telescopicarum donum¹⁾ nunquam non memorandum) audaciùs humanitatis vestrae fores pulso, rogaturus quod non putem à quoquam mihi vel melius vel lubentius posse praestari. Narravit mihi amicus²⁾, se Hagae Comitis sub mensis hujus initium à quodam harum rerum gnaro accepisse, Romae nuper novam quandam telescopii duodecempedalis rationem inuentam esse³⁾, quae luculentâ coelestium ϕαινομένων detectione optima quaevis hactenus confecta telescopia longè antecellat. Id si verum sit, Dioptricae vestrae quam exspectamus editionem proculdubio aliquantisper sufflaminabit. Mirâ nuncii, nec ingratâ novitate perculsus, non possum non avidiusculè in narrati veritatem ulteriùs inquirere. Tu quid rei sit, si placet, paucis edoce. Si penes te sit libellus⁴⁾ quo recens observatorum à novi Tubi inventore

1) Consultez les Lettres N^os. 322 et 379.

2) Peut-être Is. Vossius. Consultez la Lettre N^o. 1427.

3) Consultez la Lettre N^o. 1304.

4) Consultez l'ouvrage cité dans la Lettre N^o. 732, note 10.

[p. 491]

specimen exhiberi etiam intellexi, quaeso ne grave sit commodato huc transmittere: polliceor me bona fide quam primum remissurum. Liceat porro & hac occasione de horologiis vestrae inventionis quaerere, an ad eam perfectionem promota sint, ut navigantibus in longitudinis investigatione commodè inservire queant. Tale quid in novellis hebdomadalibus non ita pridem ab automatario⁵⁾ quodam Hagae Comitensi promitti legisse memini, cum chartâ observandi rationem indicante, emptoribus tradendâ. Si instructio ista⁶⁾ consilio vestro adornata sit, ejus ut pro solenni vestrâ liberalitate exemplar mihi communicetur obnixè rogo. Si geminae huic eâdem vice importunitati benignè ignoveris, simulque postulatis utcunque satisfeceris, profecto seriò triumphabit

Nobilissime heros

Tibi obstrictissimus Robertus Pagetius.

Dordrechti Septembris 21. 1665.

Den Wel-Edelen Heere Myn Heer Christiaen Huygens, ten huyse van Myn Heer van Zulichem in S Graven-Haghe.

III

5) L'horloger Severyn Oosterwijk.

6) L'instruction pour les pilotes. Consultez la Lettre N^o. 1290.