Oeuvres complètes. Tome V. Correspondance 1664-1665

[p. 193]

N^o 1304.
M. Campani à Christiaan Huygens.
2 décembre 1664.
Appendice I au No. 1303.

La lettre se trouve à Leiden, coll. Huygens.
Chr. Huygens y répondit par le No. 1332.

Clarissimo doctissimoque Viro Domino Christiano Hugenio Mattheus Campanus S.P.D.

Perhumanissimas litteras tuas¹⁾ (Vir Clarissime) paucis ante diebus accepi ab Illustrissimo Domino Michaeli Angelo Riccio Viro doctissimo; qui mecum maximè tibi gratulatur oculari nunc demonstratione per fratris mei²⁾ telescopia ingeniosissimam tuam Saturni hypothesim manifestam fieri.

De tam patente iam annulo quid Clarissimus Pater Fabrius senserit, à me poscis. Ingenuè respondeo, ipsum diu negasse ueritatem nostri phaenomenis: Imo ab eodem scriptum³⁾ reperio, hanc phasim tanquam spuriam atque oculorum et lentis, malae tornatae, ludibrium reputari; ac inde tuam pariter corruere hypothesim: sumpto argumento à differentia latitudinis Ellypsium Saturni phasium à te et nobis delineatorum. Is porrò complurium testium magnorumque Virorum, ac Principum phasis nostrae nouitatem clarè intuentium authoritate euictus, palinodiam cecinit: Et qui antea Saturnium Systema tuum, et certissimam fratris mei obseruationem constanter negauerat; modò (ut audio) euulgare non desinit, manifestum iam nostris telescopijs annulum, per eadem sui familiaris⁴⁾ organa, ac etiam breuiora hoc tempore sensim uideri, per quem uberrimam hactenus (loco Annuli) globulorum, seu satellitum circa Saturnum sobolem pro certò constituerat. Sed nescio quo Artis Dioptricae arcano talia fiant telescopia, quae intuentium Amicorum oculos et animos in tam diuersa distrahant; Mirabile profectò Inuentum!

De Torno ad exactissimas lentes efformandas absque formis sphaerice cauatis, à fratre meo foeliciter inuento meam fidem iterum exposcis.

Id ipsum non semel, sed millies si opus fuerit candidè affirmo. Absit uerò ut aliquo uano ficmento te, aliosque deceptos teneam.

Vnum moneo, vir doctissime: Tubo fratris mei 25 palmos, seu 16. è uestris pedibus non excedente, non solum Saturni annulum cerni clarè et distinctè^a); sed

1) Nous ne connaissons pas cette lettre même de Chr. Huygens à M. Campani; elle doit avoir été la réponse au N^o. 1248. On en trouvera une partie dans le Supplément à ce Tome V. Consultez les Lettres N^os. 1259, note 14, et 1292.

2) G. Campani.

3) Cette pièce doit avoir été postérieure à la polémique entre Eustachio de Divinis et Christiaan Huygens.

4) Eustachio de Divinis.

a) Cur nihil de comite? [Chr. Huygens].

[p. 194]

etiam mediceas umbras faciem Jouis perambulantes non semel à Clarissimo Domino Cassino fuisse adnotatas, prout is prope diem in lucem edet cum nonnullis alijs obseruationibus suis accuratissimis⁵⁾.

Aliam ad te mitto schedam⁶⁾ nouae Obseruationis Saturni, et Jouis: In altera⁷⁾ enim, quam accepisti à Clarissimo Slusio⁸⁾ aliqui celatoris errores irrepserant, quos Author propria manu emendare curauit ad formam phasium à se tempore obseruationis delineatarum. Inde tamen eam tantummodo partium obiecti proportionem eruas uelim, quam nos cum Viris amicis et doctis sola oculari aestimatione deprehendere ualuimus.

Tuam Dioptricen non parum Viris ingeniosis profuturam uehementer expectamus. Clarissimi Pater Daniel Bartholus, et Dominus Cassinus salutem tibi reddunt quam plurimam, et meus quoque germanus frater. Vale literariae Reipublicae bono: Et me ama, ut ipse te diligo atque ueneror. Scribebam Romae, à qua per duos circiter menses absens eram, quando huc tuae literae iam peruenerant. IV Nonas Xbris 1664.

Breuiori ac securiori uia ad me literas mittere poteris, si inter alias ex Germania Societatis Jesu literas, eas inscriptas dabis Reuerendissimo Patri Danielo Bartholo Societatis Jesu hic Romae in Domo professa degenti.

5) Ces ouvrages de G.D. Cassini sont les suivants:

a)

Lettera astronomica di Giov. Dom. Cassini al Signor abbate Falconieri sopra l'ombre de' pianeti Medicei in Giove. Roma. 1665. in-folio.

b)

P. Gottigniez et Joannes Dominicus Cassini, Epistolae duae astronomicae, de difficultatibus circà eclipses in Jove à Mediceis planetis effectas, aliaque noviter in ipso detecta. Bonon. 1665 in-folio.

c)

Giov. Dom. Cassini, Quattro Lettere al Signor abbate Falconieri sopra la varietà delle macchie osservate in Giove, e loro diurne rivoluzioni, con le tavole. Roma. 1665. in-folio.

d)

Tabulae quotidianae revolutionis macularum Jovis, nuperrimè adinventae a J.D. Cassini. Romae. 1665. in-folio.

e)

Giov. Dom. Cassini Lettera astronomica all abbate Ottavio Falconieri, sopra l'ombre de' pianetini in Giove. Romae. 1665. in-folio.

6) Voir l'Appendice N^o. 1305. Ces observations furent publiées sous le titre:
Lettera di Giuseppe Campani intorno alle ombre delle stelle Medicee nel volto di Giove ed altri nuovi fenomeni celesti scoperti co' suoi occhiali, al signor Gio. Dom. Cassini, primario astronomo nell' inclito studio di Bologna. Roma. 1665. in-folio.

7) C'est la planche vis-à-vis de la page 118.

8) Consultez la Lettre N^o. 1257.

[p. *6]