Oeuvres complètes. Tome V. Correspondance 1664-1665

[p. 175]

N^o 1292.
R.F. de Sluse à [Christiaan Huygens].
26 décembre 1664.

La lettre se trouve à Leiden, coll. Huygens.
Chr. Huygens y répondit par le No. 1308.
Elle a été publiée par C. le Paige dans le Bull. di Bibliogr. T. 17.

Nobilissime Domine

Scripsit ad me 6^ta huius Clarissimus Riccius, se meas accepisse Tusculi, curasse verò vt continuò redderentur, quas ad Matthaeum Campanum dederas¹⁾. Cum autem is Roma abesset (ad patriam²⁾ nempe redierat, vt addit) easdem curae Josephi fratris³⁾, felicis illius tuborum opticorum ϑαυματουργοῦ, commisisse: cuius te certiorem reddendum duxi, vt si forte responsum nondum accepisses, necessariae huius morae causam non ignorares. Abimestri ferè historiolam ad te scripsi⁴⁾ meae cum Clarissimo Hobbio velitationis, quam non repeto, cum et meas ad te peruenisse sperem et ex silentio tuo mihi persuadeam, ἀνεμώλια esse quae de libello a Clarissimo Hobbio edito mihi relata erant.

Cometae aspectum qualem optarem, tum aedes vicinae, tum vel maxime pluuium illud et turbidum coelum hactenus mihi inuident. Ex Lovaniensium relatione intellexi, cum nuper inter Craterem et Coruum obseruatus est, totos octodecim gradus cauda subtendisse. Certiora tu orbj literato propones si coelo clementiore vsus es, aut nostrj saltem Romani obseruatores, qui accuratis illis telescopijs ipsam etiam fortassis cometae materiam scrutarj poterunt. Vale Vir praestantissime hoc annj nouj principio, quem tibi faustum ac felicem cum longa aliorum serie apprecatur ex animo

Tuj obseruantissimus Renatus Franciscus Slusius.

Dabam Leodicj 26 Xbris 1664.

1) Nous ne connaissons de cette lettre de Chr. Huygens à M. Campani, datée du 6 octobre 1664, qu'une partie, que l'on trouvera dans le Supplément à ce Tome V.

2) Il était né à Spoleto.

3) Giuseppe Campani.

4) Consultez la Lettre N^o. 1267.