Oeuvres complètes. Tome V. Correspondance 1664-1665

[p. 176]

N^o 1293.
Gregorius a St. Vincentio à Christiaan Huygens.
26 décembre 1664.

La lettre se trouve à Leiden, coll. Huygens.
Chr. Huygens y répondit par le No. 1306.

Praeclarissime Domine

Nactus sum occasionem, felicia ineuntis annj auspicia deprecandi; quae etsi perexigua tibj viderj possit, mihi nihilominus solatio fuit. Aliquid simultatis jnter Patrem Fabrj, et Systematis Saturnij authorem exstitisse, non ignoras: de qua re, pridem¹⁾ dolere me, tibi jndicauj. Modo ex litteris Patris Gottignies, qui Romae matheseos disciplinas profitetur, haec habeo quae officij mej, munerisque esse iudico, etiam tibj communicandj vt solatij mej participem faciam²⁾.

Ecce, jam habes plenissimam Systematis tuj publicam approbationem, Palinodia, aduersarij manifestatam. Optaret idem Pater Gottignies sibj transmittj exemplar Systematis Saturnij³⁾; cogor ad te recurrere, vt saltem quo loco venalis sit, jnquiram: alioquin, donum quod a te recepj mittendum jlli foret, quo plane jnuitus carerem; cum tuj apud me affectus memoriam amplector obuiam, quoties seriem librorum Mathematicorum peruoluendj sese offert occasio. Vt autem finem jmponam felix annj jneuntis auspicium adprecor

Tuus quem nostj Gregorius a S^to. Vincentio.

Gandauij 26 Decembris 1664.

1) Consultez la Lettre N^o. 786.

2) Voir la Lettre N^o. 1294.

3) Voir l'ouvrage cité dans la Lettre N^o. 640, note 2.