Oeuvres complètes. Tome III. Correspondance 1660-1661

[p. 137]

N^o 786.
Gregorius a St. Vincentio à Christiaan Huygens.
10 octobre 1660.

La lettre se trouve à Leiden, coll. Huygens^a).

10 Oct. 60.

Clarissime Domine

Feliciter ad me peruenit libellus tuus¹⁾, pro quo gratias ago; quem curiosè vt vidi, quamprimum perlegi. Quid autem contineret Eustachij scriptum, intellexeram prius e litteris mej Gottignies; quas sub Augusti jnitium ad me permiserat; quarum tenor erat, quem adiungo²⁾.

Optime sane responsum tuum clausisti. Pauca haec respondisse, non me poenitet, quia, licet artificem illum merito neglexisse tacendo, viderj poteram; non idem fortasse contra alterum, valiturum erat silentium, multique non tam quid, quam a quo sit obiectum, respiciunt.

Doleo vices Patris Fabrij Gallj, quod talj negotio sese jmmiscuerit. non est nouum in astronomicis, phaseon diuersitatem, codem tempore, in diuersis regionibus contingere. Nuperam jllam ante aliquot annos famosam Eclipsin³⁾, quae Europam terrore complerat, verè totalem fuisse, discumque Solis plane contexisse jn Perside, ex uno e Patribus nostris, jnde reduce didicimus; quae in Europaeis nostris partibus praeter solitum nihil exhibuit, quod admirationem causaret. Certe si alia mihi facies Saturnia visa fuisset in Belgio, quam Romae Italis; cauissem jnstrumentum Telescopij, vitij damnare, quod cum reliquis circa obiecta communia symbolizat.

Sed distantiam regionum, vel aliquid simile, diuersitatem causare potuisse, suspicatus fuissem. Placuit mihi argumentum tuum, quo affirmas phasin de qua est controuersia, & diversis diuerso telescopio visam esse, et paulatim in aliam faciem desijsse, quae res veritatj maxime patrocinatur. Jdem enim Telescopium quod hodie exhibet, sequenti quoque exhibebit, nisi in obiecto mutatio contigerit.

Perge, Perge porro vt caepisti, neque luctarj time, qui eluctarj didicistj. Spero cum per nos, patriam reuises, pluribus coram verbo, quam absens, muto litterarum commercio agere. Dominum Nonnancourtium Parisijs quaerere nolj; Gandauo ad te salutem mittere me jubet; et ad reliquos Geometriae amatores, quibuscum jnibi notitiam jnijt. Si librum Domini Paschalis, quem non parua volup-

a) ℞ Hagae 18 Octobris 1660.

1) Brevis Assertio. Voir la Lettre N^o. 782, note 2.

2) Voir l'Appendice N^o. 787.

3) Cette éclipse de soleil eut lieu le 12 août 1654. Consultez la Lettre N^o. 196.

[p. 138]

tate commodatum perlegi, per te nanciscj potuero, grato me obligatus obsequio fatebor. Vale, et Viue, & saluus ad nos redire ne ommittas. Gaudebo fruj consortio tuae praesentiae, quem jnter amicos habuj amicissimum, et obsequijs animum conseruauj.

Clarissimae Dominationis Tuae addictissimum G.A.S. Vincentio.

Gandauj, 10. Octobris 1660.