Oeuvres complètes. Tome III. Correspondance 1660-1661

N^o 785.
R.F. de Sluse à Christiaan Huygens.
8 octobre 1660.

La lettre se trouve à Leiden, coll. Huygens.
Elle a été publiée par C. le Paige dans le Bull. di Bibliogr. T. 17.

Nobilissime Domine

Annotationem Eustachij iam ab aliquot diebus acceperam, et in ea cum tuo Systemati conferendâ occupabar, cum mihi redditae sunt litterae tuae¹⁾ et simul breuis quidem sed valida scriptio²⁾ quam insultanti obiecisti. Non existimo posthac vltra progressurum. Telescopiorum enim perfectionem quod attinet, quaestio facti est, et solâ comparatione definienda; in quâ tamen (vt Jurisconsultorum more loquar) praesumptio a parte tua stat, tum quod a theorià longé magis instructus ad

1) Nous n'avons pas trouve cette lettre dans nos collections.

2) Brevis Assertio. Voir la Lettre N^o782, note 2.

[p. 136]

vitrorum expoliendorum artem accesseris, tum etiam quod Saturni Lunam detexeris, quam demum vidit Eustachius admonente Clarissimo Riccio, quem tuae obseruationis participem feceram. Ac quidem vereri cogor ne non satis accuratè allum³⁾ Saturnj comitem obseruarit, cum ea quae sibi apparuisse scribit, nimium a tuis obseruationibus abludant. Quo vero ad ϑαυμαστὸν illud Saturni eiusque Sociorum Systema, idem mihi visum est ac tibj, cum in illud prima lectione incidj. Calculorum enim ludum plane agnouj, et, sj iocarj liceat, arbitror eo respexisse Romanos, cum Saturnalibus optimo dierum, similibus ludis indulgerent. Scribitur ad me Florentiâ, Systematis auctorem Academicorum argumentis pressum duos insuper Saturno Comites eosque lucidos addidisse, libertate Philosophicâ dicam an fingendi licentiâ? Quid quod etiam Medicaeos Planetas loco suo mouet et perpetuo supra Jouem attollit? Ne scilicet aliud sit in naturâ centrum praeter hanc terram quam incolimus. O curas hominum! Eâdem operâ poterat Venerem ac Mercurium Epicyclo Ptolemaico restituere, ne solem in centro habere videantur. Quomodo vero stabit praeclara illa analogia quam habet paginâ 44, si luna tellurem, Venus ac Mercurius solem circumeant, alij vero comites suum Planetam non ambiant! Praeterea quod hoc commento, figurae illi suae decretoriae, quae tuas inter Xa est, Eustachius, vel potius Fabrius, minime omnium satisfecerit, vt recte obseruasti. Sed haec hactenus, et nimium fortasse te moror iam itineri accinctum, quod tibi felix faustumque precor ex animo; superest tantum vt pro musteo tuo libello gratias agam meque constantj ac sincero affectu tester

Tuum Tuique Obseruantissimum Renatum Franciscum Slusium.

Leodij viij Octobris 1660.

Nobilissimo Clarissimoque Domino Domino Christiano Hugenio de Zulichem &c^a. A la Haye.

VI.

3) Lisez: illum.