Oeuvres complètes. Tome V. Correspondance 1664-1665

N^o 1259.
R.F. de Sluse à Christiaan Huygens.
13 octobre 1664.

La lettre se trouve à Leiden, coll. Huygens.
Chr. Huygens y répondit par le No. 1262.
Elle a été publiée par C. le Paige dans le Bull. di Bibliogr. T. 17.

Nobilissime Domine

Gratari verò licet huic saeculo, vt scribis¹⁾, quo per tot obseruationes antiquis ignotas, scientijs omnibus incrementum accessit, dum homines non in Lycaeo, sed in ipsa naturâ notitiam eiusdem quaerere coeperunt. Lentes vitreas torno laeuigari²⁾ non ego tantum miratus sum cum primum intellexi, sed ipsi Eustachio³⁾ nouum accidisse reor, quem non alio modo quàm reliqui poliuisse, sed accuratiorem modulos in quibus teruntur, parandi rationem habuisse Romae mihi persuasum est. Gratulor interim tibi Systematis tui Saturnij veritatem, iam extra omnem controuersiae aleam positam esse; cum ab ijs telescopijs⁴⁾ confirmetur, quorum excellentiam nec Pater Fabrius⁵⁾, nec ipse Eustachius negare audebunt.

Experimentum Jllustris Boylij (cuius descriptionem⁶⁾ cum gratiarum actione hic adiunxj) nouum quidem mihj accidit, sed mirum non aequo; Nam ex illo tuo⁷⁾, quod mihi ante biennium communicatum voluistj, concluseram⁸⁾ fore vt ita accideret si Mercurius a bullis suis liberaretur. Et quamuis tunc phaenomeni caussas αὐτοσχεδιαστί attulerim, quae nec mihi⁹⁾ nec tibi¹⁰⁾ satisfecerunt, tamen, vt ex falso etiam principio verae conclusiones saepe deducuntur, experientiâ compertum est quod sequj indicaueram, nempe Mercurium absque bullis non casurum, et vnam sufficere quae ipsius casum ad solitam altitudinem determinaret. Vlterius itaque inquirendum censeo in phaenomeni tam inexpectatj naturam, nec abijciendam

1) Cette lettre de Huygens à de Sluse, la réponse au N^o. 1257, manque dans nos collections.

2) Les objectifs construits par Campani.

3) Eustachio de Divinis.

4) Les observations de P. Campani. Consultez la Lettre N^o. 1253.

5) Le père Honoré Fabri.

6) Probablement Huygens envoya à de Sluse la Lettre N^o. 1171.

7) Voir la Lettre N^o. 1065, du 25 septembre 1662.

8) Consultez la Lettre N^o. 1068.

9) Consultez la Lettre N^o. 1091.

10) Dans la réponse, que nous ne possédons pas, de Chr. Huygens à la Lettre N^o. 1068.

[p. 122]

eapropter, tot rationibus et experimentis stabilitam aequilibrij liquorum sententiam, sed ea in aere libero retentâ, quaerendum aliud in nouis hisce circumstantijs, a quo varietatis causa dependeat: vt nuper in experimento Torricelliano, cum pondus aeris in vase clauso deesse videretur, vis elastica ingeniose substituta est.

Leue est, sed ab hac materia fortasse non alienum experimentum, in quod aestate ineunte nuper incidj. Thermometrj nempe genus nouum vulgarj illo Drebbelliano¹¹⁾ non minus accuratum et facile parabile, quod nescio an cuiquam hactenus in mentem venerit. Accipiatur tubus vitreus alicuius longitudinis a parte inferiore clausus (meus est tripedalis et pollicaris fere diametri) impleatur aquâ quantum fieri potest defaecatâ, in quâ sal communis sed purissimus soluatur, ea quantitate quae ex infra dicendis necessaria comperietur. Parandus nempe est globulus ex materiâ, aqua paulo grauiore (ego ceram arenâ mixtam assumsi) et aqua ita sale temperanda, vt circa mediam tubj altitudinem globulus immersus subsistat. Aio, si tubulus immotus (muro nempe vt apud me affixus) maneat, globulum ascensu descensuque suo, quamlibet aurae calidioris frigidiorisue mutationem indicaturum.

Rationem continuo reddet Peripateticus quispiam, nempe, calore aquam raresierj, frigore densari; nil mirum igitur, inquiet, si aurâ frigidiore, globulus idem in medio iam densiore facto ascendat, ècontra verò calidiore descendat. Sed plane contrarium contingit; frigore enim descendit globulus, calore ascendit. Caussas huius ϕαινομένου quae mihj occurrerunt non adscribo, ne praeiudicata opinione contemplationem tuam auertam; adnoto tantum globulum antequam tubo imponatur, aquâ imbuendum esse, ne aer adhaerens ac in bullas conglobatus ludibrium pariat: sinendum etiam vt bullae, quae ex solutione salis oriuntur, omnino euanescant, ne globulo affixae, illum, vt prius, leuiorem reddant: quod si contigerit, decutiendae erunt, aliquoties enim decussae non renascuntur, vt plurium mensium experientiâ compertum habeo, quibus hoc thermometro in Musaeolo meo vsus sum.

11) Cornelis Jacobsz. Drebbel, d'une famille distinguée, naquit à Alkmaar en 1572 et mourut à Londres en 1634. D'abord élève du graveur H. Goltzius, dont il épousa plus tard la soeur, il se voua bientôt à l'étude des mathématiques et de la physique. Après avoir fait ses études à Leide, il s'établit en Angleterre, où James I lui donna une pension annuelle; ensuite il passa quelque temps chez l'empereur Rudolf II, qui le mit en prison. Il rentra en Angleterre en 1619. En 1620 il se trouvait à Prague et y fut de nouveau emprisonné; puis, libéré par l'entremise des Etats-Généraux, il se fixa à Londres. Il était alchimiste et prétendait avoir découvert le mouvement perpétuel; il construisit un vaisseau pour voyager sous l'eau et a beaucoup contribué à l'amélioration des verres optiques, du microscope et du thermomètre, dont en Angleterre il se disait l'inventeur. Il a écrit divers ouvrages, qui furent réimprimés et traduits plusieurs fois, et jouissait d'une grande fortune et d'une grande réputation. Biot, probablement sur l'autorité de Nollet, dit à tort de lui qu'il était paysan. Drebbel n'en avait que l'extérieur, ainsi que l'attestent ces vers de Constantyn Huygens, père:

Drebbelium vidi tantum, qui fronte Batavum
Agricolam, sermone sophum Samiumque referret
Et Siculum.

[p. 123]

Jdem etiam aquâ nitro, quod forte ad manum erat, imbutâ, ac parj successu diebus aliquot expertus sum: sed cum machinâ pneumaticâ destituar, doluj experiri mihi non licuisse, qua ratione globulus aere exhausto, moueretur. Facere ipse periculum poteris, sj tantj videatur, non in aquâ communj tantum, sed in illa etiam, quae bullis liberata, minus ludibrio, quod ab illis metuimus, obnoxia est.

Longioris operae foret commemorare alia quae simul obseruauj, transeo igitur ad studia nostra, in quibus praeclara sunt quae circa oscillationes ostendistj¹³⁾, nec a quoquam, vt arbitror, animaduersa. Ego saltem nec ad ea vnquam attendj, nec alium in his operam posuisse intellexj.

Dioptricae tuae editione voto publico satisfacies, cum plures iam a me per epistolam quaesiuerint, an nondum lucem vidisset. Ego ne omnino Geometriam deseruisse viderer, hac aestate in chartam coniecj Problema hoc Vniversalissimum, Datis cuiuslibet magnitudinis et rationis extremis, ac qualibet sectione conicâ (vt ellipsi cuiuslibet speciej ac magnitudinis) duas medias ope circuli exhibere. Aut quod difficilius non est, eadem data sectione quodlibet Problema Solidum soluere. Mirum id fortasse alijs videbitur, sed non tibj quj sectionum illarum naturam et δύναμιν εἰς ἄπειρον optime nostj.

Epistolam tuam ad Campanum¹⁴⁾ optimj et doctissimj Riccij, quem tibj fama notum arbitror, fidej commisi, a quo non dubito certe redditum irj. Nec praetermittam Clarissimo Dato nostro proximâ occasione plurimam tuo nomine salutem dicere. Vale, Vir amicissime, et valetudinem tuam, quae cum vtilitate publicâ coniuncta est et quam non satis firmam esse aegerrime fero, cura diligenter.

Dabam Leodicj 13^a 8bris 1664.

Tui Obseruantissimus Renatus Franciscus Slusius.

13) Consultez la Lettre N^o. 1258.

14) Nous n'avons pas trouvé cette lettre de Chr. Huygens à M. Campani.