Oeuvres complètes. Tome III. Correspondance 1660-1661

[p. 522]

N^o 819^a.
N. Heinsius à C. Dati.
3 décembre 1660.

La lettre a été publiée dans les ‘Clarorum Belgarum Epistolae’ Tome I.
Elle est la réponse au No. 794.

Postremae, quas a Te habui, die quinto mensis Octobris exaratae, recte mihi sunt redditae. Ad quas tamen tardius nunc respondeo, Vir clarissime, quod Hugenio nostro iam in Gallias profecto ad me perlatae, Lutetiam una cum Serenissimi Principis literis¹⁾, quas curandas mihi committebas, ac Dissertationibus doctissimis Laurentii Magalotti²⁾, ac Johannis Alphonsi Borelli³⁾ mittendae fuerunt. Volebam enim, ut Hugenius, quid factum velles Dissertationibus, ex Te ipso intelligeret. Remisit ille literas cum multa gratiarum actione, seque epistolam⁴⁾ ad Te daturum est pollicitus, per quam aditum sibi pararet ad Tuam benevolentiam. Apologiam⁵⁾ eius contra Honoratum Fabrium, & Eustathium Divinum, iampridem ad vos perlatam esse confido: de qua tamen quid sentires, hactenus rescire non est datum. Quare suspicor cum valetudine infirma Te conflictari: atque ea cura anxium sollicitumque haud leviter me habet. Jussisti enim iam non semel alias literas me sperare, quae ubertim de communibus studiis ac rebus privatis nostris essent acturae, nec comparuerunt tamen illae hactenus. Clarissimum Golium nuper conveni super libello Arabico Symbolorum Pythagoreorum⁶⁾, quem ille iam descriptum mihi ostendit. Hortatus sum ut versionem quoque ei suam attexeret: quod quanquam se facturum est pollicitus, tamen tarde processurum istud negotium, ex ingenio viri cuntabundo satis colligi a me potest. Opinor autem Arabica illa non esse magnae rei, cum solam fere Pythagorae vitam complectantur, & illam quidem ex Porphyrio⁷⁾ excerptam, qui⁸⁾ in ipso libello, si quid Golio credimus, lau-

1) Voir la Lettre N^o. 795.

2) Voir la pièce N^o. 798.

3) Voir les pièces N^os. 796 et 797.

4) Voir la Lettre N^o. 816.

5) Voir l'ouvrage décrit dans la Lettre N^o. 782, note 3.

6) Heinsius désigne ici l'ouvrage publié par J. Elichmann et décrit dans la Lettre N^o. 776, note 19.

7) Malchvs De Vita Pythagorae. Nunc primum ex MSC. in lucem editus à Cvnrado Rittershvsio J.C. & Professore Norico. Cum eiusdem Notis. Ad CL. Doctissimum Virum Danielem Heinsivm. Altorsii. Excudebat Cvnradus Agricola. Anno cIɔIɔcx. in-8^o.
Consultez l'édition:
Jamblichi Chalcidensis, ex Coelo-Syria, De Vita Pythagorica Liber, Graece & Latine. Ex Codice MS. à quamplurimis mendis, quibus Editio Arceriana scatebat purgatus, Notisque perpetuis illustratus à Ludolpho Kustero. Versionem Latinam, Graeco Textui adjunctam, confecit Vir Illustris Ulricus Obrechtus, Accedit Malchus, sive Porphyrius, de Vita Pythagorae: cum Notis Lucae Holstenii, & Conradi Rittershusii Itemque Anonymus apud Photium de Vita Pythagorae. Amstelodami, apud Viduam Sebastiani Petzoldi; & Filium ejus Christianum Petzoldum. ciɔdccvii. in-4^o.

8) Melek (Malchus, Porphyrios en grec) naquit en 238 en Syrie et mourut en 304 à Rome. Il ẻtait philosophe néoplatonicien. Il nous reste beaucoup de ses écrits, entre autres ‘De abstinentia ab esu animalium’.

[p. 523]

detur. Dabo tamen operam, ut libellus qualiscumque ad Te perferatur. Si Latino sermone donatum a Golio impetrare non possum, Arabicum mittam. Dissertationem tertiam, cuius spem facis, avide expecto; sive Tua erit, sive alterius cuiusvis placituram mihi certus sum, quia a Te mittetur. A doctissimo Bigotio diu est quod literarum nihil accepi: quare veternum hunc in illo excitandum duxi. Literas ipsas apertas mitto, ut Te doceant, quid rerum nunc apud nos geratur. Mitto & alteras ad amicum⁹⁾, qui Poemata sua Latina¹⁰⁾ nuper Pisis edita ad me misit. Quid amici communes in Civitate vestra nunc agant, fac sciam. Vale, decus nostrum.

Dabam Hagae Comitis mdclx. a.d. III. Decembris.

9) Petrus Adrianus van den Broeck (Broek), professeur de poésie au Lycée de Pise.

10) P.A. Broeckius. Poemata Latina. Pisis. 1660. in-8^o.