No 788a.
N. Heinsius à C. Dati.
15 octobre 1660.
La lettre a été publiée dans la ‘Clarorum Belgarum Epistolae’ Tome I.
Elle est la réponse au No. 780.
Dies decimus quartus nunc agitur, Vir Clarissime, quod Hugenii nostri ApologiamGa naar voetnoot1) ad Te misiGa naar voetnoot2), una cum eius ad Serenissimum Principem Leopoldum ab Hetruria literisGa naar voetnoot3). Postea Hugenius hinc in Gallias profectus estGa naar voetnoot4), menses duos tresve domo abfuturus. Ante profectionem tradita illi a me est Serenissimi Principis epistolaGa naar voetnoot5), quam longe acceptissimam habuit, nec responsione sua fraudandam duxit, ut hic videsGa naar voetnoot6). Golium nudius tertius in Vossianis aedibus habui obvium; cui aurem de Symbolis Pithagoricis Arabum denuo velli. Respondit libellum diu se frustra quaesivisse non sine magno labore: ac demum invenisse, ac describendum amico tradidisse. Nunc in eo se esse, ut Latinam Arabico exemplari addat versionem, qua confecta, se omnia in manus meas ad Te mittenda traditurum. Non desinam porro hominem urgere, ut promissi fidem liberet. Hugenius negat se quicquam luci commisisse, praeter Systema SaturniGa naar voetnoot7), ac Circuli QuadraturamGa naar voetnoot8), Dissertationemque de PenduloGa naar voetnoot9), quam auctiorem habet in promptu mox edendamGa naar voetnoot10). Dioptrica etiam se brevi editurum pollicetur. Scripsit praeterea nescio quid libelli Mathematici vernaculo sermoneGa naar voetnoot11), quod Schotenius inter Opuscula sua BelgicaGa naar voetnoot12) promulgavit. Plura proxime. Clarissimus Bullialdus nudius tertiusGa naar voetnoot13) ex Galliis huc advenit, iter Gedanum moliturus, ut Hevelium conveniat. Vale, meum decus.
Dabam festina manu, Hagae Comitis mdclx. a.d. xv. Octobris.
Auteursrecht onbekend