Briefwisseling van Hugo Grotius. Deel 11

4826. 1640 september 10. Van Willem de Groot¹.

Frater optime,

Probari tibi ea, quae ego Amstelodami gessi, est quod gaudeam. Maresii librum² ad te jam missum arbitror a Blaviis³, quibus id iterum in mandatis dederam; habent jam aliqui exemplaria, sed ea publice nondum prostant itaque mihi videre nondum contigit.

De relectione Annotatorum⁴ postremo latius scripsi⁵ et de correctore Bremio⁶, quae jam non repetam.

Recte tu conjectas Vossuim⁷ nolle videri adsensum suum praebere omnibus, quae in tuis Annotatis habentur; nimis enim meticulosus est.

1 Hs. Den Haag, Kon. Bibl., 121 E 1. Antw. op no. 4812; beantw. d. no. 4845.

2 Samuel Desmarets - Maresius - publiceerde in september 1640 zijn Dissertatio de Antichristo...; zie voor de volledige titel no. 4771, n. 22.

3 De Amsterdamse drukkers-uitgevers dr. Johan en Cornelis Blaeu.

4 Hvgonis Grotii Annotationes in libros Evangeliorvm...; Ter Meulen-Diermanse no. 1135.

5 No. 4816.

6 Daniël de Breen - Brenius -, theoloog te Amsterdam.

7 Gerardus Johannes Vossius.

[p. 505]

De Notis in Lucanum⁸ et Anthologia⁹ sententiam meam ex postremis litteris intelliges.

Salmasium¹⁰, qui iam se ad iter Gallicum parat, ita colere volo, ut Heinsium¹¹, qui hic apud nos degit, nolim offendere atque ita a Vossio abeo, qui solo Heinsii odio omnino in verba Salmasii jurat.

Non tam acerbe in Salmasium invectus est Cyprianus¹², quin majore cum mansuetudine tractari meruerit; sed illud nescio, quomodo Salmasio in mentem venerit, ut toti nostro ordini Hagiensium advocatorum super controversia de mutuo dicam quodammodo intentaverit, quasi soli cum ratione insaniamus.

Novus nuper ei adversarius in arduam processit sub Lucii Veri¹³ nomine, sed ille non in nostris, sed Lugdunensibus castris meret; est quippe juvenis quidam doctor iuris scabinus Lugdunensis, quem Salmasius ait argumenta, Heinsium vero stilum scribendi suppeditasse.

Pro litteris ad Marinum¹⁴ iterum transmissis grates habeo maximas; volupe quippe mihi est super eo negotio sententiam tuam intelligere.

Plura jam non occurrunt et jam multis distringor negotiis; cogor itaque abrumpere, quare te Deo immortali iterum iterumque commendo eum venerans, ut uxorem cum filia¹⁵ et famulitio sospites tibi sistere quamprimum velit.

Tibi obsequentissimus frater
Guilielmus Grotius.

8 M. Annæi Lvcani Pharsalia... Additæ sunt in fine Hvgonis Grotii notæ... Amsterodami Apud Ioannem Blaeuw. A^o MDCXLIII; Ter Meulen-Diermanse no. 430.

9 Anthologia Graeca cum versione Latina Hugonis Grotii...; Ter Meulen-Diermanse no. 534.

10 Claude de Saumaise - Salmasius -.

11 Daniel Heinsius.

12 Cyprianus Regner van Oosterga; zie ook no. 4812, n. 13.

13 Pseudoniem van Willem Goes, schoonzoon van Daniel Heinsius; hij schreef een Specimen controversiæ, Quæ est, De Mvtvi alienatione, Inter Jurisconsultos & quosdam Grammatico-Sophistas. Auctore Lucio Vero.

14 Charles Marin(i), Zweeds resident in Zürich.

15 Maria van Reigersberch en Cornelia de Groot keerden eind oktober 1640 uit het vaderland terug naar Parijs.

Hagae, X Septemb. 1640.

Adres: A monsieur monsieur Grotius, ambassadeur de la reine et couronne de Suède prez de sa Majesté trèschrestienne, a Paris.

Boven aan de brief schreef Grotius: Rec. 18 Sept. Liber Amstelodami editus De Scotis. aant.

En in dorso: 10 Sept. 1640. W. de Groot.

Met andere (latere) hand onder aan de brief: Br. van W. de Groot, uitgever van al zijn werken.