Briefwisseling van Hugo Grotius. Deel 11

4613. 1640 april 21. Aan Willem de Groot¹.

Frater charissime,

Nulla de libro περὶ Ἀντιχρίστου² judicia audire Utenbogardum³ non mirum est, si liber non prostat, quod suspicor. Si ita est, velim scire, per quem id fiat. Mea fuerat

1 Gedrukt Epist., p. 896. Antw. op no. 4593; beantw. d. no. 4626.

2 Zie voor de volledige titel no. 4453, n. 2.

3 De remonstrantse predikant Johannes Wtenbogaert.

[p. 223]

voluntas, ne secundus libellus⁴ daretur nisi prostante primo nec tertius⁵ nisi secundo. Si id minus curatum fiat, nunc saltem nihil Blaviis⁶ detur rerum mearum, nisi tria illa prostent ubique mittanturque in Galliam et Angliam et ad me.

Pro patre matreque serias et assiduas ad Deum preces fundo gratiasque ago, quod mei natalis more solito memores fuerint.

Golius⁷ quid dicere velit de Latino numero, non intelligo.

Is motus terrae, de quo scribis⁸, in omnibus Belgicae et Galliae locis ad Mosam pertinentibus sentiri se fecit. In Tigurino agro infans natus est biceps quaternis manibus ac pedibus. In Bernati arator intra terram carnem reperit sanguine stillantem.

Princeps Arausionensis, si pergit eum vexare podagra, poterit lectica deferri ad exercitum. Caput est quod imperat, non pedes.

Vale cum parentibus, uxore, liberis, mi frater.

Tibi obligatissimus frater
H. Grotius.

4 Explicatio trium utilissimorum locorvm N. Testamenti: Capitis I Pauli ad Ephesios. Posterioris partis capitis II Iacobi, commatis IX [sic, pro: XIV] & sequentium. Capitis III Epistolæ I Ioannis. In quibus agitur de fide & operibvs. Amsterdami, Apud Ioh. & Cornelivm Blaev, MDCXL; Ter Meulen-Diermanse no. 1109.

5 Explicatio Decalogi Vt Græce exstat, Et quomodo ad Decalogi locos Euangelica præcepta referantur. Amstelodami, Apud Ioh. & Cornelivm Blaev, MDCXL; Ter Meulen-Diermanse no. 1117.

6 Dr. Johan Blaeu en Cornelis Blaeu.

7 Jacobus Golius, hoogleraar Arabisch en mathematica in Leiden.

8 No. 4593.

21 Aprilis 1640.

Petrum nostrum multum cursitare intelligo: discere Italicum sermonem, ea non discere, quae opus est. Hac via neque mihi placebit, neque sibi ipsi erit utilis. Ego videro, quid faciendum sit.

Mittit ad me vir doctissimus Bulialdus⁹ haec pertinentia ad illud Οὔλπιος¹⁰. In tabulis astronomicis Cl. Ptolemaei, in ejus syntaxi mathematica¹¹, quae manuscripta exstat majusculis characteribus in biblioteca regis christianissimi, hi numeri 26, 36, 46, 6 istis ἐπισήμοις expressi leguntur KS 26, ΛS 36, MS [46] et S 6. Haud dubie Johannes¹² Graece scribens Graecas literas respexit, non latinas. Si latinas respexisset, triumpharet Feuardentius¹³, qui latinis literis Graecorum more ad numeros redactis ait Martin Lauter¹⁴ facere 666. Cogor idem saepe repetere meo cum taedio.

Nisi Blavii plane in tribus illis scriptis meam sequantur voluntatem, nihil aliud dicam quam dolere me non invenire me homines fidos; praeterea velle me, ut, si id est, redeant ad me Annotata ad N.T.¹⁵, Annotata ad Ius belli ac pacis¹⁶ et Historica¹⁷ per uxorem¹⁸. Ego domi meae quod opus est fecero et tandem consequar quod volo et aequum est.

9 Ismaël Boulliau (1605-1691), Frans astronoom. Zie over hem ook dl. X, p. 526.

10 Vgl. no. 4589, n. 2. Het oordeel van Boulliau over deze kwestie is niet teruggevonden.

11 Zie betreffende dit handschrift van Ptolemaeus' Almagest no. 4589, n. 6.

12 Apocal. 13, 18.

13 François Feuardent (1539-1610), Frans theoloog en controversist. De uitgave der Epist. heeft abusievelijk ‘Fenardentium’.

14 Feuardent in zijn commentaar op Irenaeus Contra Haereses V, 30, 3 (Migne PG. VII, kol. 1206 en 1824).

15 Zie voor de volledige titel no. 4487. n. 7.

16 Zie voor de volledige titel no. 4581, n. 7.

17 Hvgonis Grotii Annales et historiæ de rebvs Belgicis. Amstelædami, Ex Typographejo Joannis Blaev. MDCLVII. Cum Privilegiis S.C. Majestatis; & Ordd. Belgicæ Fœderatæ, nec non Holl. West-Frisiæque, per annos quindecim: Ter Meulen-Diermanse no. 741.

18 Maria van Reigersberch bevond zich in het vaderland.