Briefwisseling van Hugo Grotius. Deel 11

4593. 1640 april 9. Van Willem de Groot¹.

Frater optime,

Etsi nihil magni hoc quidem tempore scribendum habeam, quia tamen proxima vice nihil a me accipies - sum enim cum Strideno², Bossio³ aliisque collegis evocatus Culenburgum, ut nostris calculis interjecta illic terminetur revisio - et ut pariter te de patris valetudine edoceam, nolui officio meo deesse.

Scias igitur medicos de patre quidem nihil desperare, sed nec in tam provecta aetate magni quid promittere audere, diligentiam sane suam probare neque male procedere principia; sed nimirum incertum est, an curationi ejus mali, quod vel juvenes absumeret, seniles vires suffecturae sint. Nos quod id nobis erit praestabimus, reliqua Deo commissuri, cui nos nostraque omnia curae semper fuisse non parvis comperi argumentis.

Mater quoque prae aetate fatiscere incipit et, quanquam a morbis libera, catharris e capite in pectus delabentibus valde atteritur et, cum parvi sit victus, etiam extenuatur. Uterque tamen parens heri⁴ nativitatis tuae memoriam, cum tuis⁵ meisque⁶ et sororis Losecatiae liberis⁷ laeto celebravit animo, ne nos tui unquam oblivisci putes.

Utenbogardus⁸, qui heri nobis adfuit, negat se ulla de commentatione περὶ Ἀντιχρίστου⁹ judicia intelligere. Ego, cum nuper amico adessem, intellexi Golium professorem¹⁰ reperisse numerum 666 in Apocalypsi¹¹ annotatum ex solis numeralibus latinis constare hunc in modum DCLXVI, ubi nullus numerus repetitur et, quanquam millena-

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Vermoedelijk antw. op no. 4581; beantw. d. no. 4613.

2 Waarschijnlijk Cornelis van Strijen (1604-1679), advokaat van remonstrantsen huize; zijn vader Quirijn (1575-1656) oefende eveneens de rechtspraktijk uit.

3 Cornelis van den Bosch - Sylvius - († 1650); hij was in 1619 ontheven van zijn ambt van hoogleraar in de rechten aan de Leidse universiteit en was sindsdien werkzaam als advokaat.

4 Grotius was geboren op 10 april, eerste paasdag 1583, en vierde zijn verjaardag elk jaar op pasen, dus in 1640 op 8 april.

5 Cornelia, Pieter en Diederik. Cornelis was op 31 maart vanuit Parijs vertrokken naar Arras; vgl. no. 4581 en n. 12.

6 Johan, Jacob, Maria, Alida, Anna en Françoise.

7 Elseline, Anna en Diderik, kinderen van Adriana de Groot en Frederik van Losecaat.

8 Johannes Wtenbogaert.

9 Zie voor de volledige titel no. 4453, n. 2.

10 Jacobus Golius (1596-1667), hoogleraar Arabisch en mathematica in Leiden.

11 Apocal. 13.18; vgl. no. 4589, n. 2.

[p. 195]

rius deest, potest is dici ex duobus prioribus esse compactus; id aliqui in argumentum trahunt ejus, de qua illic agitur, bestiae in ecclesia latina extiturae.

Miror nos nondum accipere illa de Fide et operibus¹², quae jam absoluta oportuit, praesertim cum quae ad Decalogum notata¹³ serio petierit Corcelius¹⁴.

Qui in urbibus ad Mosam et Vahalum habitant, Dordraci, Gorichemi, Sylvae ducis, Graviae, imo et Daventriae, magno consensu testantur ea nocte, quae inter diem Martis et Mercurii III et IV hujus mensis intercessit, duabus circiter horis ante solis exortum tantum illic extitisse terrae motum¹⁵, ut aedificia nutarent, solum concuteretur, campanae etiam sonare inciperent, quod rarum in his nostris regionibus; sunt qui et Hagae se eundem motum, sed minus validum sensisse dicant. Hoc quid portendat, tempus docebit.

Princeps¹⁶ cum sua podagra etiamnum conflictatur et totam hanc noctem insomnem egit, quod minus bene convenit ad exercitum propediem cogendum profecturienti.

Vale, frater optime, et nos, ut soles, ama.

Tibi obsequentissimus frater
Guilielmus Grotius.

12 Zie voor de volledige titel no. 4453, n. 4.

13 Zie voor de volledige titel no. 4453, n. 7.

14 De remonstrantse theoloog Etienne de Courcelles.

15 Een beschrijving en interpretatie van deze aardbeving bv. in Theatr. Eur. IV, p. 228-234. De Gazette 1640, p. 284 meldt dat de aardbeving o.m. ook in Antwerpen was waargenomen.

16 Frederik Hendrik.

Hagae, IX Aprilis 1640.

Adres: A Monsieur Monsieur Grotius, Ambassadeur de la Reine et couronne de Suède prez le Roy trèschrestien, A Paris. 13 st.

In dorso schreef Grotius: 9 April 1640. W. de Groot.

En boven aan de brief: rec. Apr. 17.