Briefwisseling van Hugo Grotius. Deel 11

4487. 1640 januari 23. Van Willem de Groot¹.

Frater optime,

Venit ad nos Amstelodamo filius² et scriptum περὶ τοῦ Ἀντιχρίστου³ jam a Blavio⁴ imprimi testatur annitente etiam Corcelio⁵. Blavius ipse operam suam ad omnia tua excudenda large pollicetur cunctaturum se ullatenus negans; videbimus, quorsum promissa tam larga sint evasura. Ubi prima principia bene processerint, de reliquis cogitabimus, imprimis de tractatu Fidei et operum⁶, postea et de Notis⁷.

Interea et hoc monere te volui, esse qui hic aliquid susurrent de tua adversum Heinsium⁸ querela, quod aliqua tua, ubiubi visa, pro suis in Exercitationibus⁹ venditaverit; is rumor unde ortus sit, nescio.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Vermoedelijk antw. op no. 4466; beantw. d. no. 4501.

2 Pieter de Groot; vgl. no. 4486.

3 Voor de volledige titel zie no. 4453, n. 2.

4 De Amsterdamse drukker-uitgever dr. Johan Blaeu.

5 Etienne de Courcelles.

6 Voor de volledige titel zie no. 4453, n. 4.

7 Hvgonis Grotii Annotationes in libros Evangeliorvm. Cum tribus tractatibus & Appendice eo spectantibus. Amsterdami, Apud Ioh. & Cornelivm Blaev. MDCXXXXI; Ter Meulen-Diermanse no. 1135.

8 Daniel Heinsius.

9 Danielis Heinsii Sacrarvm Exercitationvm ad Novvm Testamentvm Libri XX. In quibus Contextus Sacer illustratur, SS. Patrum aliorumque sententiæ examinantur, Interpretationes denique antiquæ aliæque ad eum expenduntur. Qvibvs Aristarchvs Sacer, emendatior nec paulo auctior, Indicesque aliquot vberrimi accedunt. Lvgdvni Batavorvm, Ex Officinâ Elseviriorum. MDCXXXIX.

[p. 43]

Miror me ex aliorum e Gallia litteris discere regem totum Rothomagense parlamentum exauctorasse; est sane ea res sine exemplo, sed quae in exemplum trahi possit.

Hic omnium sermones nihil nisi bellum spirant, cui, ut ajunt, profligando etiam Vinarienses copiae¹⁰ operam dabunt et decem, quae hic jam conscribuntur, millia. Utinam cogitationes de pace non semper sint irritae.

De lite filiae¹¹ scripsi nuper¹² paucis; e re crederem, si ad Graswinkelium¹³ aliquid litterarum hoc tempore dares, ut ille eo magis ad promovendam causam excitetur.

Magna est omnium expectatio, quo ista in Anglia parlamenti convocatio sit evasura; dicitur eum illic de religione, politia, justitia, aerario actum iri.

Causam praepositi¹⁴, cujus ante aliquoties memini, etiam atque etiam tibi commendo.

Vale et salve a parentibus, me, mea meisque liberis.

Tibi obsequentissimus frater
Guilielmus Grotius.

10 Het leger van de overleden veldheer Bernhard, hertog van Saksen-Weimar.

11 Cornelia de Groot.

12 No. 4474 en n. 19 aldaar.

13 De Haagse advokaat Dirck Graswinckel.

14 Abraham Anthonisz.; zie no. 4474 en n. 15.

Hagae, XXIII Januarii 1640.

Adres: A monsieur monsieur Grotius, ambassadeur de Suède, à Paris.

Boven aan de brief schreef Grotius: Rec. 31 Ian.

En in dorso: 23 Ian. 1640. W. de Groot.