Briefwisseling van Hugo Grotius. Deel 11

4492. 1640 januari [28]. Aan Willem de Groot¹.

Frater carissime,

Gaudeo futurum, ut publico prosint nostra περὶ Ἀντιχρίστου². Rogo omnis mora abrumpatur. Reigersbergius senator³ multum laborat, ne edantur, puto et alii, ne quod in ipsis est τὸ λίαν detegatur. Senator etiam privata admiscet, quae ego rebus sacris nunquam admisceo. Si ego ipsi res suas magis quam meas agenti credidissem, cum in Hollandia essem, nunc essem hominum omnium miserrimus, ipse forte felix. Si quis liberum meorum se ab ipso lactari patiatur, mihi rem ingratam faciet et re ipsa experietur nihil aliud agi quam ut ipsis et verae spes et tempus pereant. Plurimum sibi obstabit Petrus⁴, si aliunde quam ex foro et amicis Amstelodami quicquam boni speret; et milites duo⁵, si volent aetatem male perdere, istuc eant. Uxor mea non semper ista pervidet. Ego mea consilia, quae praevalere debent, etiam optima esse pro certo habeo teque mihi recta aut iubenti aut suadenti spero fore adiutorem.

Multum gaudeo patri optimo placere nostra de Fide et operibus⁶, deinde optimo seni

1 Gedrukt Epist., p. 891. Antw. op no. 4474; beantw. d. no. 4505. De Epist. dateren deze brief m.i. ten onrechte op 18 januari; de brief lijkt mij nl. duidelijk een antwoord op Willems schrijven van de 16e, dat onmogelijk in twee dagen Parijs bereikt kan hebben. Hier moet dus sprake zijn van een verschrijving voor 28, waardoor de brief bovendien beter past in de reeks van wekelijkse correspondentie. Zie Addenda. aant.

2 Voor de titel zie no. 4453, n. 2.

3 Nicolaes van Reigersberch.

4 Voor Pieter de Groot werden pogingen ondernomen ter plaatsing als advocaat van de Oostindische Compagnie of - later - als pensionaris van 's-Hertogenbosch.

5 Cornelis en Diederik de Groot bevonden zich na het overlijden van Bernhard van Saksen-Weimar in het vaderland.

6 Voor de titel zie no. 4453, n. 4.

[p. 50]

Utenbogardo⁷, a quo quae hausi publice privatimque, ea firmo quam possum validissimis argumentis; quae profutura, si non apud hanc, certe apud seriorem aetatem plane spero. De Corvino⁸ omnia mihi quae optem polliceor.

Uxorem recte in Zelandiam venisse vitata tempestate tot navibus noxia et gaudeo et Deo de eo gratias ago. Velim cum ea loquaris de Losecatiabus⁹.

Salza est Hispanorum et id pridem convenerat. Controversiae inter Romam et Galliam manent, sed creditur eas cum cardinalis incremento compositurus Mazarinus, qui Galliae nomine Coloniam ad pacem mittitur. Id est Romae ingenium, ut apud eam multo plus terrore incusso quam blandiendo efficias, quod olim Thuanum¹⁰ docuit legatus Foxius¹¹.

Britannici paratus aliquid forte profuerint apud omnes, cum quibus negotium est, Gallos, Scotos, Batavos, forte et quietum praestabunt regnum parlamenti tempore. Quid apud vos judicetur de nova militum conscriptione, nempe quo tendat, audire cupiam.

Hollandis omnibus nobis bene volentibus volens gratiam reddo quam potero. Dubito, an ventis Caleti hucusque retentus fuerit Lonius¹², cui nostra de Iure Belli ac Pacis¹³ dederam. D. Vossii¹⁴ sententiam super priore parte secundae legis in Decalogo¹⁵ etiamnunc exspecto avide. Ex illis, quas dixi¹⁶, literis senatoris Reigersbergii facile cognosco, si quae magno labore nec sine magno Dei auxilio ad intelligendas Sacras Literas contuli me vivo non edantur, non fore ut edantur me mortuo. Ac sic posteritas eorum fructu careat, quod mihi cavendum sentio, si in Deum gratus et post futuris benevolens esse cupio.

De effigie Zenonis¹⁷ consilium amici nostri¹⁸ Deus spero fortunabit, successum laetus intelligam.

Nolim Petrus noster posthac quicquam cum avunculo de sacris nostris communicet. Nam is ista non curat et, quia non curat, nec intelligit.

Vale quam optime cum uxore, liberis, parentibus, amicis.

Tibi obligatissimus frater
H. Grotius.

7 De remonstrantse theoloog Johannes Wtenbogaert.

8 Johannes Arnoldi Corvinus, rechtsgeleerde in Amsterdam.

9 Elseline en Anna van Losecaat; zie no. 4474 en n. 12.

10 Jacques Auguste de Thou (1533-1617).

11 Paul de Foix (1528-1584), Frans ambassadeur in Rome.

12 Arnold van Loon; zie over hem dl. X, p. 5 n. 3.

13 Voor de titel zie no. 4453, n. 8.

14 Gerardus Johannes Vossius.

15 No. 4464.

16 Deze brief, waarop Grotius al met de woorden ‘Reigersbergius senator multum laborat, ne edantur’ zinspeelde, is fragm. bewaard, no. 4473.

17 Zie no. 4474, n. 6.

18 Joost Brasser, remonstrants koopman te Amsterdam.

Lutetiae, 18 Ianuarii 1640.