Briefwisseling van Hugo Grotius. Deel 9

3572. 1638 mei 10. Van Willem de Groot¹⁰.

Frater optime,

Quanta nos laetitia perfuderit filii tui¹¹ cum Losecatio¹² adventus, vix verbis possum exprimere. Sufficiat, quod tam a vobis recentes veram vestrum omnium imaginem referre videantur. Filium tuum mihi curae futurum non est, quod ambi-

10 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op no. 3556; tesamen met no. 3546 beantw. d. no. 3586.

11 Pieter de Groot.

12 Diderik van Losecaat.

[p. 279]

gas; quicquid meae erit opus abunde praestabo. In praxi ut aliquammultum proficiat, si hortamentis incitari - ut spero - poterit, libens curabo neque interea exercitia pietatis intermittemus.

Valde me delectavit oratio archiepiscopi Anglicani¹ in Camera stellata habita; aveo enim omnia ea, quae ad antiquitatem pertinent, discere. Censura in Mileterium² a pontificiis lata gravis sane est neque Alensonianae synodi³ decretis cedit; sic solent excipi, qui partes non sectantur.

Libros per Vickefortum⁴ missos, spero jam acceperis.

De Aurato⁵ quod scribis⁶ gratum mihi est intelligere; facile tu cum Ecclesia Anglicana transiges negotium. Dolet mihi spem omnem conciliationis in controversiis de religione apud Suecos incisam esse, sed nimirum sibi id imputent crabiones aliquot, qui semina tanto malo jecerunt.

Uxor tua recte faciet, si ex collybo quantum Losecatius debet, acceperit; de reliquo eos, quos ea res tangit, faciemus certiores et forte uxorem exorabimus, ut quod Losecatius facturus erat, ipsa jam eo absente absolvat.

Sed de his alias.

Hollandiae Ordines comitia sua dissolverunt aerario praesidium laturi ex vectigali caminorum et ducentesimae.

De Kinschotio⁷ quid futurum sit, faciam, ne ignoris. Totam eam rem Basius⁸ aliique ita dirigunt, ut sub ejus discessum de successore constet, quanquam de tota re nondum aut mihi aut aliis satis liquet.

Tibi uxorique tuae ego et mea⁹ nos commendamus cum omnibus nostris.

Has a secretario comitis ab Erpach¹⁰ litteras ad te curare rogatus sum.

Vale.

Tibi obsequentissimus frater
Guilielmus Grotius.

1 William Laud.

2 Théophile Brachet de la Milletière, protestants theoloog.

3 De synode van Alençon, gehouden in 1637.

4 Joachim de Wicquefort.

5 François d'Or.

6 No. 3556.

7 Mr. Nicolaes van Kinschot.

8 Rekenmeester mr. Johan Base (Basius).

9 Alida Graswinckel.

10 Welke graaf van Erpach (Erbach) bedoeld wordt, heb ik niet kunnen vaststellen.

Hagae, X. May 1638.

In margine: Misit et hanc ad te epistolam¹¹ Vossius¹², qui sua de ido[lo]latria¹³ nondum edit.

Adres: A Monsieur Monsieur Grotius, Ambassadeur de Suède A Paris.

In dorso schreef Grotius: 10 May 1638 W. de Groot.

En boven aan de brief: Rec. 20 May.

11 Bedoeld zal zijn no. 3558, welke evenals deze brief op 20 mei ontvangen werd.

12 Gerardus Johannes Vossius.

13 Voor de titel van dit werk zie men no. 3414, p. 19 n. 2.