Briefwisseling van Hugo Grotius. Deel 9

[p. 253]

3556. 1638 mei 1. Aan Willem de Groot¹.

Frater optime,

Ut alia antehac etiam hanc particulam scripti editi² ad te mittere volui, ut nostri homines, si non suis id didicerunt experimentis, aliorum ex judicatione discant, quantum ipsis infamiae malique in res evangelicas attulerit synodus ilia λῃστϱιϰή³

D. Vossium⁴, Hoofdium⁵ amicosque alios nostri memores vivere gaudeo.

De Aurato⁶ puto me facturum quod dixi, sed volo eum prius in ecclesiam anglicanam inseri, ne videar ἀφϱήτωϱ, ἀϑέμιστος, ἀνέστιος⁷.

In Suedia video spem coagmentationis evanescere maxime ob ilia dogmata et agendi modum, de quo jam coepi dicere.

Feci quod potui ad promovendum pacis negotium, consilio, hortatu, exemplo. Res non succedit: feram ut antehac.

Laudo te, quod pietatem in parentes⁸ ostendis et ἀντιπελαϱγεῖς. Ego precibus id semper facio. Siquid ultra nostrae est opis, non deero.

Uxoris iter quam justis de causis differatur, ipse satis intelligis. Desiderat tamen videre parentes et nostros et suam⁹. Et faciet, ut primum itinera erunt a milite liberiora. Quod forte citius erit quam speratur, Deus modo annuat.

Petrum¹⁰ satis discendi cupidum in tuam do tutelam. Cura quaeso et rem pragmaticam discat sedulo et paris studii amicitiis utatur. Vides quam indulgens sim pater. Filius et maximus¹¹ et ab eo alter¹² vitae genus elegerunt a meis destinationibus diversum. Ego me ipsis apto: faveo conatibus; adsum consilio et commendatione. Ille maximus natu brevi ordines ducet eritque, ut spero, nobis non dedecori.

Cubicularius ille¹³, qui a Padburgio¹⁴ commendatur bono in loco est apud nos et amatur a nobis.

De Kinschotio¹⁵, quanquam neque ad te neque ad me res pertinet, tamen quicquid evenerit, scire avebo. Habent sane Hollandi, quod cogitent, an ex usu sit ipsorum locum facere alieno beneficio in eo munere, in cujus functione Zelandi partem perexiguam habent. Satis est id ferre, ubi tempus tulerit.

1 Gedrukt Epist., p. 877. Antw. op no. 3532; beantw. d. no. 3572.

2 Ontbreekt.

3 Bedoeld is de synode van Alençon, gehouden in 1637.

4 Gerardus Johannes Vossius.

5 Pieter Cornelisz. Hooft.

6 François d'Or.

7 Vgl. Homerus, Il., IX. 63.

8 Jan de Groot en Aeltgen Borre van Overschie.

9 Maria Nicolaï (Mayke Clais).

10 Pieter de Groot.

11 Cornelis de Groot.

12 Diederik de Groot.

13 Niet geïdentificeerd.

14 David Padburch.

15 Mr. Nicolaes van Kinschot.

[p. 254]

Cistam multum exspecto et libros et imagines¹.

Principis² maturata expeditio multum juvabit rem communem.

Sapiens est illud de Brasilianis commerciis captum consilium.

Cal. Maji 1638.

Tui amantissimus frater
H. Grotius.

1 Zie no. 3405, p. 6 n. 2.

2 Frederik Hendrik.

Mitto tibi scriptum vile decretum Sorbonae³ in Mileterium, ut videas ubique idem esse fatum eorum, qui bacchabus bacchantibus adversantur pacis studio. Librorum Mileterii⁴ aliquot exempla, quae mihi dedit ipse, mitto ad Treselium⁵, qui ad te perferenda curabit. Tu partim tibi retine partim da legere dignis.

De Procopii editione⁶, si quid intelligis, fac quaeso me gnarum.

Cum tua ad nos epistola veniret, jam abierat Losecatius⁷. Uxor de scripto collybistico accipiet quantum pro ipso impenderat, nec ultra.

3 Over deze kwestie zie men bijv. P. Feret, La Faculté de Théologie de Paris. Epoque moderne, III p. 422-429.

4 Théophile Brachet, sieur de la Milletière; vermoedelijk betreft het hier de volgende twee geschriften, door de auteur gedateerd resp. op 1 februari 1638 en op 10 februari 1638: Response a Monsievr Amiravt, Ministre et Professevr en Theologie à Saumur. Par le sieur de la Milletiere. Sur vne Conference amiable entre eux, pour l'Examen des moyens par luy proposez, pour la reünion auec les Catholiques. A Paris, M.DC.XXXVIII en Amiable Esclaircissement avec Monsievr Mestrezat, par le sieur de la Milletierre. Sur la verité de la doctrine des Catholiques, touchant les merites & la Iustification du fidele. A Paris M.DC.XXXVIII.

5 Daniel Tresel te Rouaan.

6 Vgl. hierover no. 3444, p. 70 n. 9.

7 Diderik van Losecaat.