Briefwisseling van Hugo Grotius. Deel 9

3546. 1638 april 25. Van Willem de Groot³.

Mi frater,

Venient, ut spero, per Vickefordium⁴ in manus tuas binae tuae effigies a Mireveldio delineatae⁵, quas linteis superimponi tabulis curavi quo minus ex itinere damni sentiant; eas tibi placituras confido.

Per eundem misi et amicorum libros aliquos, imprimis Giselbertium Amstelium tibi a Vondelio dicatum⁶, poema sane elegans et heroici spiritus; tragaedia ab omnibus praesertim bonis avide legitur et probatur et quinquies aut amplius Amstelodami publice acta placuit.

Addidi et Junii de pictura veterum libros⁷, multi laboris, multae curae opus; ego certe subinde miror unde tam multa et quidem non cuivis obvia eruerit et quomodo tam accurate pertexuerit commentarium.

Invenies inibi et litteras Vossii⁸ veteres illas quidem et mihi cum libro⁹ traditas, sed tamen gratas tibi, ut puto, futuras, quas jam diu ad te misissem, si hoc ei animi - ut nuper praesens intellexi - ei fuisse conjectura assequi potuissem.

Tradidit et mihi Heinsius filius¹⁰ Bredam expugnatam¹¹, carmen sane luxurians; si pro munere epistolio gratias agere volueris cum aliqua parentis¹² commemoratione, mirifice utrumque devinxeris.

3 Hs. Den Haag, ARA. Eerste afd. coll. Hugo de Gr. Aanw. 1911 XXIII, no. 24. Eigenh. oorspr. Tesaman met no. 3572 beantw. d. no. 3586.

4 Joachim de Wicquefort, agent van Bernhard, hertog van Saksen-Weimar.

5 Men zie over deze portretten van Michiel Jansz. van Mierevelt no. 3405, p. 6 n. 2.

6 Over deze opdracht van Joost van den Vondel zie men VIII, no. 3299.

7 Francisci Ivnii F.F. De Pictvra Vetervm libri tres. Amstelaedami, Apud Iohannem Blaev, MDCXXXVII.

8 Gerardus Johannes Vossius; bedoeld wordt Vossius' brief van 6 januari 1638 (no. 3414).

9 Het bovengenoemde De Pictvra Vetervm libri tres; zie no. 3414, p. 21 n. 11.

10 Nicolaes Heinsius (1620-1681), zoon van Daniel Heinsius.

11 Nicolai Heinsii Dan. Fil. Breda Expvgnata. Accedunt Epigrammata aliquot, eodem autore. Lvgd. Batavorvm, Ex Officina Elzeviriana Anno MDCXXXVII.

12 De verhouding tussen Grotius en Daniel Heinsius was lange tijd zeer koel geweest.

[p. 234]

Salmasii liber de usuris¹ ingens pro materia, quem ipse ad te deferendum mihi dari jussit, multa habet reconditae eruditionis neque pauca a vulgo etiam jurisconsultorum recedentia; video ei in summa bene tecum convenire, Heinsius carpi se aliquoties aegre fert. Illud nescio, an ei quorundam odia non sit conciliaturus, quod mercaturae et faenoris tam strictam urget comparationem: hoc scio, Cloppenburgio² aliisque scriptum hoc minus probari, forte propter canones ecclesiae illic citatos.

Denique et adjungi voluit Utenbogardus³ Gorselii⁴ examen doctrinae Amiraultii⁵ et Testardi⁶, in quo libro egregie effata istorum virorum cum Molinaeanis⁷ decretis committuntur, unde veritati apud animos praejuditiis non gravatos magna lux procul dubio accedet.

Wassenarii ejusque asseclae scripta⁸ omnia quidem repperi Amstelodami, sed partes vendere bibliopola nolebat, ego in mandatis dedi, ut alicubi conquirantur IV et XII pars; reliquas post XVI facile inveniam.

Eum, qui haec ad te perferet, Vickefordium, scio non egere mea apud te commendatione, hominem suo merito tibi carissimum; alioquin etiam filiorum⁹, qui apud ducem Vinariensum¹⁰ sunt, nomine rogassem, ut omnia ipsi officia praestares.

Vale, frater optime, cum uxore, liberis¹¹ et amicis.

Tibi obsequentissimus frater
Guilielmus Grotius.

1 Over dit werk van Claude Saumaise -Salmasius- zie men no. 3444, p. 70 n. 10.

2 Johannes Cloppenburg. In 1640 publiceerde hij Ioh. CloppenbvrgI De Foenere et Vsvris, Brevis Institvtio, Cum ejusdem Epistola ad Cl. Salmasivm, Lvgd. Batav. Ex Officinâ Elseviriorum, MDCXL.

3 Johannes Wtenbogaert, remonstrants theoloog.

4 Etienne de Courcelles; vgl. no. 3477, p. 126 n. 7.

5 Moïse Amyraut.

6 Paul Testard.

7 Pierre Du Moulin.

8 Voord dit werk van Nicolaes Jansz. Wassenaer zie men no. 3425, p. 42 n. 4.

9 Cornelis en Diederik.

10 Bernhard, hertog van Saksen-Weimar.

11 Cornelia en Pieter waren nog thuis; laatstgenoemde stond op het punt naar Holland af te reizen.

Hagae, XXV Aprilis 1638.

Adres: A Monsieur Monsieur Grotius, Ambassadeur de Suède A Paris.

In dorso schreef Grotius: 25 April 1638 W. de Groot.

En boven aan de brief: Rec. 15 May.