Briefwisseling van Hugo Grotius. Deel 8

3383. 1637 december 14. Van Willem de Groot⁷.

Frater optime,

Accepi novissimum Mileterii scriptum⁸ cum filii⁹ litteris XX Novembris scriptis, sed id perlegere nondum vacavit. Nunc etiam eae mihi traditae sunt litterae quas V. hujus mensis¹⁰ ad me dedisti, in quibus Strateni¹¹, quem recte ad vos venisse gaudeo, mentionem facis.

Nos hic, quod vicissim reponamus, vix habemus, nam in conventu ordinum nihil peractum est, haerent opera interrupta; multi exauctorationem militum aliquammultorum, ut aerario bene constituendo necessariam, valde urgent, sed princeps¹² cum faederatis in contrariam propendet sententiam.

Inter Delfenses et Roterodamenses gliscunt indies odia et graves ab utraque parte querelae, quae animos asperant. Interea Delfenses in syndicum rogarunt advocatum Ruillaeum¹³, Bruningii¹⁴, judicis quondam tui, ex sorore¹⁵ nepotem oblato satis honesto stipendio, quod animadvertentes Harlemenses eum sibi destinandum credidere et meliores - ut audio - conditiones obtulere. Gnarum id nostratibus, qui videntes eum moras nectere nec ad statutum diem responsum

7 Hs. Den Haag, ARA. Eerste afd. coll. Hugo de Gr. Aanw. 1911 XXIII, no. 24. Antw. op no. 3371. Tesamen met no. 3393 beantw. dd. 2 januari 1638 (dl. IX).

8 Declaration faitte par le Sievr de la Milletiere; zie no. 3256, p. 569 n. 6.

9 Pieter, de enige zoon, die toen bij zijn ouders in Parijs was.

10 No. 3371.

11 Pieter van der Straten; zie over hem no. 3325, p. 692 n. 11.

12 Frederik Hendrik.

13 Mr. Aelbrecht Ruyl; zie over hem VII, p. 107 n. 10.

14 Albrecht Bruining.

15 Niet geïdentificeerd.

[p. 789]

dedisse ipsi hominem praevenerunt ac conditionem renuntiarunt; ita nunc ille Harlemensibus se addicturus creditur. Delfenses nostri quo se jam versuri sint, incertum est, sed forte brevi aliquid constituent.

Pro Cordesio¹ iterum connitar et spero operam meam non futuram illi inutilem. Statiana², quae misisti, ostendam Gronovio³ eique, quas jussisti, tradam litteras.

Filium natu maximum⁴ brevi apud vos futurum spero.

Hic omnes expectatione torquentur, quem prima novi architalassi⁵ in classem, quae ex Hispania adventare dicitur, expeditio habitura sit exitum.

Deus Optimus Maximus te, parentibus⁶, nobis reliquisque amicis et reipublicae christianae diu servet incolumem.

Vale.

Tibi obsequentissimus frater
Guilielmus Grotius.

1 Jean de Cordes, oud-kanunnik te Limoges; vgl. ter zake no. 3321 p. 682 n. 2

2 Zie hierover no. 3377.

3 Johann Friedrich Gronovius; de brief zal no. 3377 van 10 december zijn.

4 Cornelis de Groot; hij was op terugreis uit Zweden in het vaderland aangekomen en toonde weinig lust naar Parijs door te reizen.

5 Maerten Harpertsz. Tromp.

6 Jan de Groot en Aeltgen Borre van Overschie.

Hagae, XIV. Decembris 1637.

Adres: A Monsieur, Monsieur Grotius, Ambassadeur de la Reine et couronne de Suède prez le Roy Trèschrestien A Paris.

Port.

Boven aan de brief schreef Grotius: Rec. 22 Dec.

En in dorso: 14 Dec. 1637 W. de Groot.