Briefwisseling van Hugo Grotius. Deel 8

[p. 808]

3393. 1637 december 21. Van Willem de Groot¹.

Frater optime,

Etsi pauca jam scribenda occurrunt, officio tamen meo deesse nolui, ut vicissim a te saepiuscule litteras accipiam, quae me valde delectant. Classem Hispanicam nostrorum oculos manusque evasisse et Dunkerkae cum octo militum millibus appulisse constans hic rumor est, nisi quod aliqui id tantum accipiendum putant de media classis parte; illud certum est Selandos duarum navium bene armatarum esse potitos, in quibus plus quam ducenti milites reperti, qui carceris coloniae addicti sunt.

Ex amicis iterum amisimus duos, Sophiam Reygersbergiam², plus quam septuagenariam, et Nicolaum Endegestium³ cognatum; illius funus nudiustertius Lugduni duximus ibique et Heinsium⁴ vidi, qui jam magnum tui amorem spirat et in libro de Epigrammate⁵ ostensurum se pollicetur neminem melius te ejus poematii naturam intellexisse.

Advocatus Ruillaeus⁶ - cujus nuper memineram⁷ - Harlemensibus se addixit. Delfenses nostri in procinctu fuerunt, ut me vocarent, sed levicula de causa rem protraxerunt. Negotium religionis ipsos maxime offendit: ego non gravarer accedere publicos caetus, dummodo et privatis quandoque interesse liceret, quod ipsis ad declinandam pastorum et aliorum id genus invidiam, minus placet. Tu, quaeso, quid salva conscientia fieri possit, indica, in iis locis ubi utrique sunt caetus: magno certe emerem tuum unius horae colloquium, nam omnia per epistolam expediri non possunt.

Legi cum Gronovio⁸ Statiana⁹ errata, in quibus quattuor aut quinque loca sunt egregia et aliis non observata; lustravi et notas, quae me valde affecerunt, neque dubito, quin emendationes tuae sint certissimae. Perge de republica litteraria et magis etiam de ecclesia bene merei; nos qui nihil aliud possumus, votis certe favebimus et te tuosque ardentibus precibus Deo commendabimus.

Vale.

Tibi obsequentissimus frater
Guilielmus Grotius.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII, no. 24. Eigenh. oorspr. Tesamen met no. 3383 beantw. dd. 2 januari 1638 (dl. IX). Grotius heeft de brief op 27 december ontvangen, 6 dagen na de verzending door Willem; vandaar zijn vermoeden in margine neergeschreven, dat zijn broer zich in de datering zou hebben vergist. Het is echter niet uitgesloten, dat de brief inderdaad in zo'n korte tijd Parijs bereikt heeft.

2 Niet nader geïndentificeerd.

3 Nicolaas van Schouwen; zie over hem VII, p. 364 n. 12.

4 Daniel Heinsius.

5 Dit is blijkbaar bij een voornemen gebleven.

6 Mr. Aelbrecht Ruyl.

7 No. 3383.

8 Johann Friedrich Gronovius.

9 Zie no. 3377 in fine, p. 780.

Hagae, XXI Decembris 1637.

Adres: A Monsieur Monsieur Grotius, Ambassadeur de Suède a Paris.

In margine schreef Grotius ter hoogte van Willems datering: Error in die.

Boven aan de brief: Rec. 27 Dec.

En in dorso: 21 Dec. 1637 W. de Groot.