Briefwisseling van Hugo Grotius. Deel 7

[p. 169]

2608. 1636 mei 30. Aan Willem de Groot¹.

Literas abs te, mi frater, 12 Maji datas² heri accepi, cum paternis³, D. Basii⁴, et Graswinckelii⁵, quibus rescribam, ut primum potero.

Puto ipsum te satis videre mihi in patria vetere tot inimicos habenti foris non perdendos amicos. Habeo alioqui non spernenda.

Post illas 12 Maji scriptas alias 6 Maji datas⁶ accipio ὕστεϱον πϱότεϱον, et gaudeo de Anthologia⁷ non excidisse curam. Aliquid constituendum erit. Velim et apud vos librarium reperiri, qui excudere velit minore forma et seorsim Gersonis librum de Auferibilitate Papae⁸; est enim argumentum his temporibus utile multosque empturituros praevideo, et ego paucis exemplaribus inter amicos distributis facile pretium accendero.

De labore, quem Petro⁹ injunxeram, gaudeo probari tibi consilium meum rogoque non hortator tantum, sed et monstrator esse velis.

Ad pacis colloquia non alium locum hoc tempore Colonia meliorem video. Etiam hic plebs et nobilitas ardent pacis desiderio.

Rogo de libris et chartis meis, quae apud Drilium¹⁰ fuere nullum laborem omittas. Scis, quam durum sit talibus notis subsidiis carere.

Parentum¹¹ ubi potero meminero. Filiam¹² ubi mittere voles, erit gratissima. Vide, an quid sit aliud, in quo tuae pro nobis diligentiae possimus respondere.

Vale cum tua¹³, tuis¹⁴, nostris.

Lutetiae, 30 Maji novi cal. 1636.

De Casaubonianis ad me literis¹⁵ iterum aurem vello.

Tui amantissimus tibique obligatissimus frater
H. Grotius.

1 Gedrukt Epist., p. 861. Antw. op nos. 2580 en 2589 van Willem, en 2586 van Jan de Groot

2 No. 2589.

3 No. 2586 dd. 9 mei van Jan de Groot.

4 Rekenmeester mr. Johan Basius; zijn brief is niet meer aanwezig.

5 No. 2588 dd. 12 mei van Theod. Graswinckel.

6 No. 2580.

7 Betreffende de Anthologie zie VI no. 2407, p. 426 n. 7.

8 Jean Charlier Gerson (1363-1429), vermaard Frans theoloog (le docteur très chrétien). Zijn Joannes Gerson, De Auferibilitate papae tractatus is te Parijs bij U. Gering s.d. in druk verschenen.

9 Grotius' tweede zoon Pieter bevond zich om studieredenen in het vaderland; zie ter zake no. 2580, p. 129 en n. 10 aldaar.

10 Dat zal Cornelis Claesz. van Driel geweest zijn; zie over hem IV, p. 468 n. 3.

11 Jan de Groot en Aeltgen Borre van Overschie.

12 Vermoedelijk Willems oudste dochter Maria (geb. 2 oktober 1629); zij was wel rijkelijk jong voor een reis naar de Franse hoofdstad.

13 Alida Graswinckel.

14 Voor hun namen zie no. 2563, p. 107 n. 17.

15 Vgl. VI, p. 380 en n. 4 aldaar.