Briefwisseling van Hugo Grotius. Deel 7

2607. 1636 mei 30. Aan L. Camerarius⁴.

Illustrissime Domine,

Nihil quidem nunc magni scribendum erat, sed quia Jacobus, comes Hanoviensis⁵, juvenis fortissimus - id malo ponere quam fumosos titulos: hoc enim proprium est, fortuita caetera - de suis domesticis unum mittit Hagam, peccaturum me putavi⁶, nisi saltem te salutarem et, si nihil aliud, quomodo valeres,

4 Copie Den Haag, ARA. Eerste afd. coll. Hugo de Gr. Aanw. 1911 XXIII no. 2, p. 23; copie Uppsala, UB., cod. 388a, ep. 44. Gedrukt Epist., p. 235. Ludwig Camerarius was Zweeds gezant in Den Haag.

5 Jakob, graaf van Hanau-Münzenberg.

6 De copie te Uppsala heeft de lezing: putabam.

[p. 168]

inquirerem. Ea enim res me non modice sollicitum habet. Sunt et alia, quae scire velim de Lunemburgico¹ et landgravio² et quid hoc anno tam feliciter inchoato facturi sint nostri Batavi.

Heic res procedunt quidem, sed quam vellemus lentius. Dux Vinariensis³ et cardinalis Valetta⁴ nunc demum abierunt amisso Confluentium oppido, momenti non levis. Spero satis futurum temporis, ut Hagenoviae succurratur, confirmetur Colmaria, sufflaminetur Argentoratum satis ad lapsum praeceps.

Multum laetor bene procedentibus Brasiliae rebus. Utinam et alia regna, quibus suspecta est Hispanica magnitudo, aliquid ibi audeant.

Comes Licestrius⁵ jam Rotomagi est. Si Angli nihil aliud quam verba et phaleras adferunt, nihil agent neque Ratisbonae neque Lutetiae. Et turpe est potenti regno tam diu trahi.

Quid Cunaeum⁶, virum eruditissimum, retineat, quo minus Seldeno⁷ respondeat, miror.

In Italia Placentiam audimus commeatus importatos; et Rohanio⁸ militis pecuniaeque nonnihil mittitur, quod pridem factum oportuit. Panis magna in ejus exercitu inopia est nec Veneti suppeditare volunt, nisi oculata fide.

Dux Bulionius⁹ apud regem¹⁰ missae aliquoties interfuit videturque rex sua apud Ordines Federatos autoritate efficere velle, ne illi ob mutatam fidem minus fidei habeatur.

Vale, vir illustrissime, cum omni familia.

Illustrissimae Dominationi Tuae observantissimus
H. Grotius.

1 Georg, hertog van Braunschweig-Lüneburg.

2 Wilhelm V, landgraaf van Hessen-Kassel.

3 Bernhard, hertog van Saksen-Weimar.

4 Louis de Nogaret d'Epernon de La Valette.

5 De extra-ordinarius gezant van Engeland was Robert Sidney, graaf van Leicester; zie no. 2567, p. 113 n. 1.

6 Petrus Cunaeus; zie over hem VI no. 2179, p. 81 en n. 10 aldaar. Zie ook no. 2589.

7 Over John Selden en zijn Mare clausum zie V, p. 515 nn. 7, 8 en 9.

8 Henri, hertog van Rohan, luitenant-generaal der Franse troepen in Graubünden en de Veltlin.

9 Frédéric Maurice de La Tour d'Auvergne, hertog van Bouillon; betreffende zijn overgang tot het katholicisme zie o.a. VI no. 2322, p. 295 n. 16.

10 Lodewijk XIII van Frankrijk.

XXX Maii novi Calendarii, anno MDCXXXVI.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

In de copie te Uppsala staat boven aan de brief in margine: Redd. A.^o 1636 d. 8/18 Juny.