Briefwisseling van Hugo Grotius. Deel 7

2606. 1636 mei 29. Van J. Lampadius¹.

S. Pl.

Magnifice et Eminentissime vir,

Utut verecunder inani verborum tinitu tibi obstrepere², illexit tamen incomparabilis cum virtus tua tum humanitas, ut mitius acceptum iri sperem, si ad tantum virum literis meis balbutire maluerim quam amici officium praeter iisse videri; exegit scilicet initae tecum Francofurti amicitiae memoria, ne doctissimum et humanissimum virum Brandanum Daetrium³ ad te iam iam abeuntem sine literis meis dimitterem, nonnihil de statu rerum mearum expositurus, nisi scripturienti intervenisset Daetrius, et stylum abrumpisset, priusquam inciperem.

Quae nos hic locorum miseriae miserrime macerent, quanta rerum omnium bonarum sive amissio sive perturbatio, ipse coram explicare poterit. Ego vero tibi seculi nostri Decus felicissima quaeque.

Iacobus Lampadius.

1 Hs. Amsterdam, UB., cod. 30 A 6. Eigenh. oorspr. Beantw. d. no. 2803. Lampadius - Jacob Lamps- (1593-1649) was een belangrijke politieke figuur in Braunschweig-Lüneburg.

2 Vgl. Verg. Aen. IX, 809: ... Strepit assiduo cava tempora circum// tinnitu galea.

3 Brandanus Daetrius -Brandan Dätri- (1607-1688), luthers theoloog, kwam in 1636 als huispredikant van Grotius naar Parijs, waar hij tot juni 1638 verbleef; zie hierover de brieven van Assuerus Matthisius aan Grotius in dl. VI: nos. 2369, 2377 en 2417.

Brunsvici, XIV Calend. Iun. ao. MDCXXXVI sty. vet.

Adres: Magnifico et Excellentissimo viro Hugoni Grotio, Suecorum Reginae Legato, amico meo, Lutetiam Parisiorum.