Briefwisseling van Hugo Grotius. Deel 7

[p. 166]

2605. 1636 mei 27. Aan F. Sprecher¹.

Nobilissime Domine,

Quod literas meas mense exaratas Aprili² acceperis, gaudeo. De caeteris doleo diligentiam, quam in curando adhibui, suo caruisse successu.

Priolus³ et literas ad me de duce Rohanio⁴ pertulit et narravit, quem reliquerat statum, utinam protestantibus Vallis Telinae laetiorem. Sed video, ut dii isti terrestres caeteros pilas habeant⁵. Non debet tamen ea res fortium Rhaetorum aures Hispanicis sirenibus aperire. Melius est exsulare quam trucidari. Et Galli per consiliorum inconstantiam peccant, Hispani destinato eoque insanabilius. Audio Venetos auctoritatem suam, quae merito magna est, his pactionibus adjecisse. De Mediolano quid sperandum sit, facile vides, cum bellum in ipso limite haereat.

Abiere hinc cardinalis Valetta⁶ et dux Bernhardus Vinariensis⁷ aliquid ad Rhenum et Mosellam, ut creditur, molituri.

Tuendis Galliae finibus non spernendum exercitum habet princeps Condaeus⁸ et alterum comes Suessionensis⁹.

Suedica arma partim ad Magdenburgum et ei vicina sunt, partim Pomeraniam tuentur crescuntque copiae militares et commeatus tum ex Suedia tum ex Livonia et Germania. Et quosdam principes, praesertim Luneburgicum¹⁰, pacis a caesare¹¹ non optimae servatae poenitet.

Magnus cancellarius¹² Stralsundiae est, incertum an in Suediam iturus. Ego in meis ad eum literis tui et amici optimi optimeque de rebus Suedicis meriti meminisse non desino.

Speramus Batavos, qui jam Scenckiano castello recuperato¹³ triumphant, quod restat anni non situros abire sine magnis astibus¹⁴.

Et ad alendas Leodiensium iras adversus caesarianos, abs queis male sunt habiti, mittitur a rege¹⁵ dux Bulionius¹⁶ sub imperio suo habiturus reliquias militis, quem rexit Brezaeus¹⁷. Classis quoque regia jam parata est vela facere, cujus se Batavae naves breviore per Oceanum via adjungent.

1 Copie Den Haag, ARA. Eerste afd. coll. Hugo de Gr. Aanw. 1911 XXIII no. 2, p. 20. Gedrukt Epist., p. 234. Over Fortunatus Sprecher von Bernegg zie IV, p. 138 n. 9.

2 No. 2533.

3 Benjamin Prioleau -Priolo- (1602-1667), seigneur van La Viennerie, secretaris van de hertog van Rohan. Hij was vroeger gouverneur van de kinderen van Benjamin Aubéry du Maurier geweest.

4 Henri, hertog van Rohan, luitenant-generaal van de Franse troepen in Graubünden en de Veltlin.

5 Vgl. Plautus, Capt., prol. 22.

6 Louis de Nogaret d'Epernon de La Valette.

7 Bernhard, hertog van Saksen-Weimar.

8 Henri de Bourbon, prins van Condé.

9 Louis de Bourbon, graaf van Soissons.

10 Georg, hertog van Braunschweig-Lüneburg.

11 Ferdinand II.

12 De Zweedse rijkskanselier Axel Oxenstierna.

13 Over Schenkenschans zie VI no. 2241, p. 175 n. 1.

14 Wellicht moet gelezen worden ‘actibus’.

15 Lodewijk XIII van Frankrijk.

16 Frédéric Maurice de La Tour d'Auvergne, hertog van Bouillon.

17 Urbain de Maillé, markies van Brezé.

[p. 167]

Utinam tantundem facere Angli vellent. Ea expeditissima ad repetendum affini domui Palatinatum cum electoratu esset via. Non solent enim ii, quibuscum nobis res est, quicquam reglutinare, nisi vi domiti.

Speremus optima: feramus qualiacunque eveniunt.

Vale, vir nobilissime, et nos amare perge.

Tuae Nobilitatis studiosissimus
H. Grotius.

Lutetiae, XVII/XXVII Maii MDCXXXVI.