Briefwisseling van Hugo Grotius. Deel 7

2519. 1636 maart 20. Van Willem de Groot¹.

Frater optime,

Post eas, quae filii tui² adventum nuntiarunt³, litteras etiam alteras accepi XXVIII Februarii scriptas⁴, quae de editione Anthologiae⁵ loquebantur; qua in re quantum quidem in me erit opis aut consilii te juvabo.

Intellexeris jam puto Pavium⁶ utriusque muneris sui missionem postulasse neque refragari principem⁷, ita ut nec de Ordinibus dubitandum sit, quanquam plures exempla et litterarum et consilii a principe dati postularunt rem ad suae civitatis consessum relaturi. Ubi certiora scivero, curabo, ne tu nescias.

Interea laetiores de expugnata Griethusa captisque quae hostis in ripa Clivica ad Vahalim extruxerat operibus nuntii omnes nos laetitia affecerunt: et sunt mortales minime mali, qui te in utroque significatu vatem esse perhibent, quippe qui ante aliquam multos menses ad me scripseris propugnaculum Schenkianum⁸ cum hirundinibus ad nos rediturum, quam praedictionem tuam brevi impletum iri autumant. Nam nisi intra biduum aut triduum hostis nostros pellat, actum est de propugnaculo, quod brevi ita circumsidebitur, ut etiam pedibus in orbem obiri possit. Sternitur enim ad Griethusam pons navalis itemque alter supra alveum qui Clivia in Rhenum influit, tertius item prope castellum Bilandium jacebit, cui ex adverso jacet quartus, qui Batavicum agrum Geldriae continenti committit. Quid nunc iis, qui in propugnaculo sunt, quid hostibus animi sit, tu optime conjicies.

De libello Ordinum deputatis exhibendo post festum cogitabimus, perendie hilaria super liberatione tua Lupesteiniensi et postero die natalem tuum⁹ celebraturi, qui ut saepius fausto recurrat omine tibique felix illucescat, volemus, optamus ego, uxor¹⁰, parentes¹¹ amicique omnes.

Raptim.

Tibi obsequentissimus frater
Guilielmus Grotius.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII, no. 24. Antw. op no. 2491 (dl. VI); tesamen met nos. 2496 en 2503 beantw. d. no. 2544.

2 Grotius' jongste zoon Diederik had zich na een verblijf om studieredenen in het vaderland weer bij zijn ouders in Parijs gevoegd.

3 No. 2485 (dl. VI).

4 No. 2491 (dl. VI).

5 Zie no. 2407 (dl. VI).

6 Adriaen Reyniersz. Pauw. Vgl. ter zake no. 2511, p. 20; zie ook no. 2505, p. 18 n. 9.

7 Frederik Hendrik.

8 Het fort Schenkenschans kwam in april 1636 weer in Staatse handen.

9 Grotius was op 10 april, Pasen 1583, geboren; hij vierde zijn verjaardag steeds op dit feest, ongeacht de datum.

10 Alida Graswinckel.

11 Jan de Groot en Aeltgen van Overschie.

Hagae, XX Martii 1636.

[p. 41]

Adres: A Monsieur Monsieur Grotius, Ambassadeur de la Reine et couronne de Suède vers le Roy Très-chrestien A Paris.

In dorso schreef Grotius: 20 martii 1636 W. de Groot.