Briefwisseling van Hugo Grotius. Deel 7

2518. 1636 maart 20. Aan Christina van Zweden⁵.

Serenissima ac potentissima Regina, Domina Clementissima,

Cum dux Bernhardus Vinariensis⁶, qui nunc in hac aula magna regis⁷ procerumque omnium comitate excipitur et me ut Majestatis Tuae legatum omnium officiorum demonstratione honestaverit et in omni sermone eximium cultum Majestatis Tuae fidemque in rem Suedicam ostenderit, omittere non potui, quin earum rerum ipso praesertim id rogante significationem Tuae Majestati ederem. Est nunc is princeps ad S. Germanum apud regem, ubi de tuendo Galliae limite restituendisque Germaniae rebus ineuntur consilia.

In Italia terra marique strenue paratur bellum: conscribuntur cohortes novae; omnibus modis pecunia corrogatur.

Campaniae limitem tuetur comes Suessionensis⁸; Picardiae Castilionaeus⁹. Iam et Galassium¹⁰ derelictis Tabernis Alsatiam, quas pestis famesque consumserat, retro pedem tulisse intelligimus.

5 Gedrukt Epist., p. 222.

6 Bernhard, hertog van Saksen-Weimar.

7 Lodewijk XIII van Frankrijk.

8 Louis de Bourbon, graaf van Soissons.

9 Gaspard de Coligny, graaf van Châtillon.

10 Matthias, graaf Gallas, bevelhebber van Ferdinand II.

[p. 40]

Deus, Serenissima ac potentissima Regina Domina Clementissima, res sacrae Majestatis Tuae ad bonum christiani orbis gubernet.

Augustae Majestati Tuae dedicatissimus subditus
H. Grotius.

Lutetiae, 10/20 Martii 1636.