Briefwisseling van Hugo Grotius. Deel 6

2405. 1635 december 20. Aan P. Schmalz³.

Nobilissime Domine,

Literas valde desideratas abs te die huius mensis XVII nov. cal. accepi, et, quantum nunc conjectare⁴ licet, non aliud impedimentum fuit, quominus recte curarentur quam quod modo venti, modo naves, quae ferrent, defuere.

Alterum fasciculum is⁵ qui a Sanctichaumontio⁶ huc venerat, postquam per mensem prope integrum his in locis fuit, mihi satis corruptum reddidit. Sed inde non aliud est mali quam quod res, quae ibi geruntur, scivi postremus, nulla vestra culpa, sed meo infortunio.

3 Copie Den Haag, ARA. Eerste afd. coll. Hugo de Gr. Aanw. 1911 XXIII no. 1, p. 113. Gedrukt Epist., p. 203; Oxenst. Skrifter 2. afd. IV, p. 565. Peter Abel Schmalz was secretaris van de Zweedse rijkskanselier Axel Oxenstierna. Hs. Stockholm, RA. Eigenh. oorspr. Adres als op p. 235 (no. 2284).

4 De editie der Epist. heeft de lezing: cognoscere.

5 Vgl. nos. 2390, 2399 en 2401.

6 Melchior Mitte, baron van Miolans, markies van St. Chaumont, gezant van Lodewijk XIII bij Axel Oxenstierna.

[p. 425]

Spero vobis omnibus felix in patriam iter fore eaque ibi sumptum iri consilia, quae ex re sint atque existimatione Suedici nominis.

Nihil magni hic fit et tamen id, qualecunque est, habebis in meis ad D. magnum cancellarium¹.

Mortuus est Aligrius², cui in villam relegato nomen solum cancellarii Franciae manebat. Itaque accrevit illa dignitas custodi sigillorum Seguierio³, qui hodie eo nomine iusiurandum dicit.

Senex annorum - ut Angli scribunt miro consensu - centum quinquaginta quatuor translatus in aulam comitis Arondelii⁴, qui eum, dum praedia sua visit et simul documenta aetatis invenerat certa, cum caelum Londini satis grave et victum molliorem ferre non posset, desiit praebere non visum a multis seculis spectaculum diuque tractum corpus tandem terrae parenti reddidit. Illud, si iocari permittis, memoratu non indignum, reperiri in actis publicis loci, ubi vixit, mulctam ei iudicio publico indictam, quod annorum duorum supra centum cum esset, puellam stuprasset.

Litem hic novam habemus. Comes [H]arcur[t]ius⁵, Elboeuii ducis⁶ frater, apud parlamentum matrem⁷ accusat, quod testamento haeredem ex magna parte relinquere velit eundem Elboeuium, majorem fratrem suum, quem ipse indignum dicit omnibus commodis, cum reginae matris⁸ partes pertinaciter tueatur hactenus. Hodie res in parlamento rege⁹ ipso praesente acta est et adversus absentem ducem nova decreta citatio.

Hoc ipso suo¹⁰ in parlamentum adventu rex secretarios regios novos fecit supra octoginta, novum his praesidem, novos consiliarios, novum urbis praefectum, supra veteres.

Vale et nostri quaeso meminisse ne desine.

Tuae Nobilitati addictissimus
H. Grotius.

1 Axel Oxenstierna.

2 Etienne d'Aligre; hij was op 11 december gestorven; zie verder over hem no. III, p. 24 n. 3.

3 Pierre Séguier; zie no. 2164, p. 52 n. 10.

4 Thomas Howard, graaf van Arundel; zie over hem V, p. 318 n. 12. Vgl. ter zake Knuttel, Pamfl., no. 4403: Beschryvinge van den Ouden, Ouden, heel Ouden Man: ofte Den Ouderdom ende 't Leven van Thomas Parr Enghelsman, ... die is gheboren geweest, Anno 1483, ende nu noch leeft inde Stadt Londen, zijnde Oudt 152 Jaren en etlijcke Maenden. Overgeset uyt 't Engelsch in Nederduytsch door H.H. (Met portret van Parr op den titel) Tot Delff, Gedrukt by Jan Pietersz. Waalpot, ... 1635. De woorden: ‘qui eum’ ontbreken in de uitgave der Epist.

5 Henri de Lorraine, graaf van Harcourt-Armagnac (1601-1666).

6 Charles II de Lorraine, hertog van Elboeuf (1596-1657).

7 Marguerite Chabot-Charny-Buzançois (1565-1652), weduwe van de in 1605 overleden Charles I de Lorraine, hertog van Elboeuf.

8 Maria de Medici.

9 Lodewijk XIII.

10 Dit woord ontbreekt in de editie der Epist.

Lutetiae, XX/X Dec. MDCXXXV.

Literae tuae, quas accepisse supra me scripsi, fuere datae XXIV Octob. Eiusdem diei a magno cancellario literas per Sanctichaumontii hominem biduo prius accepi multo tempore retentas, ut dixi, ab ipso.